Hêbrơ 1:11 - Klei Aê Diê Blŭ 2015

¹¹ Jih mnơ̆ng anăn srăng rai tuč, ƀiădah Ih ăt dôk; digơ̆ srăng sô msĕ si čhiăm ao;

Hêbrơ 1:11 Iomraidhean Croise

Klei Mmuñ Hđăp 10:16

Yêhôwa jing Mtao nanao hlŏng lar; phung găp djuê mnuih srăng rai tuč mơ̆ng čar Ñu.

Klei Mmuñ Hđăp 102:26

Diñu srăng rai tuč, ƀiădah Ih ăt dôk; jih jang diñu srăng tĭ sô msĕ si čhiăm ao. Ih bi mlih diñu msĕ si sa blah ao, leh anăn diñu srăng luč.

Klei Mmuñ Hđăp 29:10

Yêhôwa jing Mtao kiă kriê êa lip; Yêhôwa dôk gŭ jing Mtao hlŏng lar.

Klei Mmuñ Hđăp 90:2

Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

Y-Êsai 34:4

Jih jang phung kahan hlăm adiê srăng rai hĕ, arăng srăng klĭt hĕ adiê msĕ si arăng klĭt hră. Jih jang phung kahan ñu srăng lĕ msĕ si hla luh mơ̆ng ana boh kriăk ƀâo, msĕ si hla luh mơ̆ng ana boh hra.

Y-Êsai 41:4

Hlei pô ngă leh anăn bi leh hĕ klei anăn, iêô leh ênuk mơ̆ng mphŭn dơ̆ng? Kâo gơ̆, Yêhôwa, Pô êlâo hĭn, leh anăn Pô dôk tơl knhal tuč, Kâo gơ̆ yơh Pô anăn.

Y-Êsai 44:6

Snei Yêhôwa, Mtao Israel leh anăn Pô Bi Tui, Yêhôwa kơ phung kahan lač: “Kâo jing Pô tal êlâo hĭn leh anăn Pô knhal tuč; ti êngao kơ Kâo amâo lŏ mâo Aê Diê mkăn ôh.

Y-Êsai 50:9

Nĕ anei, Khua Yang Yêhôwa đru kâo; hlei pô srăng hưn kâo jing soh? Nĕ anei, jih jang diñu srăng tĭ sô msĕ si čhiăm ao; muôr srăng ƀơ̆ng diñu.

Y-Êsai 51:6

Kngưr bĕ ală diih phă phung adiê, leh anăn dlăng bĕ kơ lăn ala ti gŭ. Kyuadah phung adiê srăng luč msĕ si săp pui, lăn ala srăng sô tĭ msĕ si čhiăm ao, leh anăn phung dôk tinăn srăng djiê msĕ si tŭk mrui. Ƀiădah klei Kâo bi mtlaih srăng dôk hlŏng lar, leh anăn klei kpă ênô Kâo amâo srăng tuč ôh.

Y-Êsai 51:8

Kyuadah muôr srăng ƀơ̆ng diñu msĕ si sa blah čhiăm, leh anăn hluăt srăng ƀơ̆ng diñu msĕ si mrai mlâo biăp. Ƀiădah klei kpă ênô Kâo srăng dôk hlŏng lar, leh anăn klei Kâo bi mtlaih srăng truh kơ jih jang ênuk.”

Y-Êsai 65:17

“Kyuadah nĕ anei, Kâo hrih adiê mrâo leh anăn lăn ala mrâo. Arăng amâo srăng lŏ hdơr ôh kơ mnơ̆ng mphŭn dô, kăn arăng lŏ mĭn kơ mnơ̆ng anăn rei.

Y-Mathiơ 24:35

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.

Y-Markôs 13:31

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.”

Y-Luk 21:33

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.”

Hêbrơ 12:27

Pruê̆ blŭ, “Lŏ sa blư̆” anei bi êdah klei Ñu srăng mă mđuĕ hĕ mnơ̆ng hrih Ñu êyuh leh, čiăng kơ mnơ̆ng arăng amâo dưi êyuh ôh srăng ăt dôk.

Hêbrơ 8:13

Tơdah Ñu blŭ kơ klei bi mguôp mrâo, Ñu yap klei bi mguôp tal êlâo jing hđăp leh. Leh anăn ya mnơ̆ng jing hđăp leh leh anăn sô leh dơ̆ng rai tuč yơh.

Klei Bi Êdah 1:11

lač, “Čih bĕ hlăm sa pŏk hră ya klei ih ƀuh, leh anăn mơĭt hră anăn kơ kjuh Phung Sang Aê Diê: ƀuôn Êphêsô, ƀuôn Smirna, ƀuôn Pergam, ƀuôn Thiatir, ƀuôn Sarđis, ƀuôn Philađelphi, leh anăn ƀuôn Laôdisê.”

Klei Bi Êdah 2:8

“Čih bĕ kơ dĭng buăl jăk Phung Sang Aê Diê ti ƀuôn Smirna snei: Nĕ snei Pô tal êlâo hĭn leh anăn Pô knhal tuč, Pô djiê leh anăn lŏ hdĭp leh lač,

Klei Bi Êdah 20:11

Leh anăn kâo ƀuh sa boh jhưng mtao kô̆ prŏng leh anăn Pô dôk gŭ tinăn. Lăn ala leh anăn adiê đuĕ mơ̆ng anăp ƀô̆ mta Ñu, leh anăn amâo lŏ mâo anôk kơ digơ̆ ôh.

Klei Bi Êdah 21:1

Leh anăn kâo ƀuh adiê mrâo leh anăn lăn ala mrâo; kyuadah adiê tal êlâo leh anăn lăn ala tal êlâo luč leh, leh anăn kăn lŏ mâo êa ksĭ rei.