Hêbrơ 1:10 - Klei Aê Diê Blŭ 2015

¹⁰ Leh anăn, “Ơ Khua Yang, hlăk mphŭn dơ̆ng Ih mdơ̆ng leh atur lăn ala, leh anăn jih adiê jing bruă kngan Ih ngă;

Hêbrơ 1:10 Iomraidhean Croise

Klei Mphŭn Dơ̆ng 1:1

Hlăk mphŭn dơ̆ng Aê Diê hrih adiê leh anăn lăn ala.

Klei Mmuñ Hđăp 19:1

Phung adiê yăl dliê klei guh kơang Aê Diê; leh anăn êngĭt hưn bruă kngan Ñu.

Klei Bi Hriêng 8:29

tơdah Ñu bi kčah kdriêl kơ êa ksĭ, čiăng kơ êa amâo gao ôh klei Ñu mkă, tơdah Ñu dưm atur lăn ala.

Y-Êsai 40:12

Hlei pô mkă leh jih jang êa hlăm kngan ñu, mkă phung adiê hŏng plă kngan, mkăm ƀruih lăn hlăm sa hnơ̆ng mkă, tĭng leh boh ktrŏ čư̆ hŏng knuak leh anăn kbuôn hlăm knăng?

Y-Êsai 42:5

Snei Aê Diê Yêhôwa lač, Pô hrih leh anăn mblang leh phung adiê, Pô lang leh lăn ala leh anăn mnơ̆ng kbiă mơ̆ng gơ̆, Pô brei êwa kơ phung ƀuôn sang hlăm gơ̆, leh anăn klei hdĭp kơ phung êbat tinăn:

Y-Êsai 48:13

Kngan Kâo pô dưm leh atur lăn ala, leh anăn kngan hnuă Kâo mblang leh adiê. Tơdah Kâo iêô diñu, diñu kgŭ dơ̆ng mđrăm mbĭt.

Y-Êsai 51:13

Ih wơr bĭt leh Yêhôwa, Pô Mjing ih, Pô mblang leh phung adiê leh anăn dưm leh atur lăn ala. Ih huĭ nanao jih hruê kyua klei pô ktư̆ juă ngêñ, tơdah gơ̆ mkra čiăng bi rai. Ti klei ngêñ pô ktư̆ juă?

Y-Êsai 51:6

Kngưr bĕ ală diih phă phung adiê, leh anăn dlăng bĕ kơ lăn ala ti gŭ. Kyuadah phung adiê srăng luč msĕ si săp pui, lăn ala srăng sô tĭ msĕ si čhiăm ao, leh anăn phung dôk tinăn srăng djiê msĕ si tŭk mrui. Ƀiădah klei Kâo bi mtlaih srăng dôk hlŏng lar, leh anăn klei kpă ênô Kâo amâo srăng tuč ôh.

Y-Êsai 64:8

Ƀiădah, Ơ Yêhôwa, Ih ăt jing Ama hmei, hmei jing lăn lŭ, leh anăn Ih jing Pô mmai hmei; jih jang hmei jing bruă kngan Ih ngă.

Y-Yêrêmi 32:17

‘Ơ Yêhôwa Aê Diê ah! Ih yơh mjing leh phung adiê leh anăn lăn hŏng klei myang prŏng Ih leh anăn hŏng păl Ih yơr leh! Amâo mâo sa klei ôh jing dleh đei kơ Ih,

Y-Sakari 12:1

Klei ktrŏ Yêhôwa blŭ djŏ kơ Israel: Snei Yêhôwa lač, Pô lang leh phung adiê leh anăn ngă leh atur kơ lăn ala leh anăn Pô mjing leh mngăt mnuih hlăm lam gơ̆:

Klei Mtô Mñă Klei Bhiăn 4:19

Răng bĕ diih, huĭdah diih angưi ală phă adiê leh anăn tơdah diih ƀuh yang hruê, mlan, leh anăn mtŭ, jih jang phung kahan hlăm adiê, diih mâo klei mtrŭt leh anăn kkuh mpŭ kơ dŏ anăn leh anăn mă bruă kơ diñu, mnơ̆ng anăn Yêhôwa Aê Diê diih brei leh kơ jih jang phung ƀuôn sang dôk ti gŭ jih adiê.

Hêbrơ 12:27

Pruê̆ blŭ, “Lŏ sa blư̆” anei bi êdah klei Ñu srăng mă mđuĕ hĕ mnơ̆ng hrih Ñu êyuh leh, čiăng kơ mnơ̆ng arăng amâo dưi êyuh ôh srăng ăt dôk.

Klei Bi Êdah 3:14

“Čih bĕ kơ dĭng buăl jăk Phung Sang Aê Diê ti ƀuôn Laôdisê snei: Nĕ snei Pô Amen lač, Pô hưn sĭt suôr leh anăn sĭt nik, Pô phŭn kơ klei Aê Diê hrih.