Galati 4:3 - Klei Aê Diê Blŭ 2015

³ Drei jing msĕ snăn mơh; êjai drei ăt jing hđeh, drei jing hlŭn kơ phung yang kiă kriê lăn adiê.

Galati 4:3 Iomraidhean Croise

Y-Mathiơ 11:28

Hriê bĕ kơ Kâo, Ơ jih jang mnuih êmăn leh anăn gui ktrŏ, leh anăn Kâo srăng brei diih mdei.

Y-Yôhan 8:31

Leh anăn Yêsu lač kơ phung Yuđa đăo leh kơ Ñu, “Tơdah diih dôk kjăp hlăm klei Kâo blŭ, diih jing ƀĭng kna Kâo sĭt,

Bruă Phung Khua Ƀĭng Kna 15:10

Snăn ară anei si ngă diih lông dlăng Aê Diê hŏng klei diih mđua knông ti kkuê phung ƀĭng kna? Knông anăn phung aê drei wăt phung drei pô kăn dưi đua rei.

Hră Y-Pôl Mơĭt kơ Phung Rôm 7:14

Drei thâo kơ klei bhiăn jing myang; ƀiădah kâo jing kđeh, čhĭ leh jing hlŭn kơ klei soh.

Hră Y-Pôl Mơĭt kơ Phung Rôm 8:15

Kyuadah Mngăt Myang Aê Diê brei leh kơ diih amâo mjing diih hlŭn leh anăn brei diih huĭ ôh; ƀiădah lĕ, mjing diih anak Aê Diê. Kyuanăn drei iêô, “Aba, Ama!”

II Kôrantô 11:20

Kyuadah diih tŭ tơdah arăng mjing diih hlŭn, amâodah plah mă dŏ dô diih, amâodah ƀơ̆ng ngăn diih, ngă mgao hŏng diih amâodah pah miêng diih.

Galati 2:4

Ƀiădah mâo đa đa phung ayŏng adei đăo mgưt tlĕ mŭt phung hmei, phung anăn jing knuă čiăng ksiêm klei êngiê drei mâo hlăm Krist Yêsu, čiăng lŏ mjing drei hlŭn diñu.

Galati 3:19

Snăn si ngă mâo klei bhiăn? Aê Diê thiăm klei bhiăn kyuadah klei diñu ngă soh, tơl hruê čô čĕ truh, kơ pô anăn yơh mâo klei ƀuăn leh. Aê Diê brei phung dĭng buăl jăk ba klei bhiăn, găn sa čô pô ti krah.

Galati 4:2

Ƀiădah ñu dôk ti gŭ phung rông ñu leh anăn phung kiă kriê ñu tơl truh hruê ama ñu bi kčah leh.

Galati 4:24

Klei anăn jing klei bi msĕ: dua čô mniê anăn jing dua mta klei bi mguôp. Sa klei bi mguôp kbiă hriê mơ̆ng Čư̆ Sinai, kkiêng kơ phung anak hlŭn. Ñu anăn jing H'Agar.

Galati 4:25

H'Agar bi msĕ hŏng Čư̆ Sinai hlăm čar Arap. Msĕ mơh ñu bi hmô hŏng ƀuôn Yêrusalem ară anei, kyuadah ñu jing hlŭn mbĭt hŏng phung anak ñu.

Galati 4:31

Snăn Ơ phung ayŏng adei, drei amâo jing ôh phung anak mơ̆ng mniê hlŭn, ƀiădah phung anak mơ̆ng mniê êngiê.

Galati 4:8

Mphŭn dô tơdah diih amâo thâo kral Aê Diê ôh, diih jing leh hlŭn kơ yang amâo sĭt.

Galati 4:9

Ƀiădah ară anei diih thâo kral leh Aê Diê, boh nik nak Aê Diê thâo kral leh diih, snăn si ngă diih čiăng lŏ wĭt kơ phung yang awăt leh anăn ƀun ƀin, čiăng lŏ jing hlŭn kơ diñu hĕ?

Kôlôs 2:20

Tơdah diih djiê leh mbĭt hŏng Krist kơ klei bhiăn lăn ala, si ngă klei bhiăn anei lŏ mgô̆ diih hdĭp msĕ si diih ăt jing dŏ lăn ala?

Kôlôs 2:8

Răng bĕ, đăm mâo mnuih mplư diih hŏng klei hriăm thâo lu leh anăn hŏng klei blŭ mplư hơăi mang, tui si klei mnuih yăl dliê, tui si klei mưng lăn ala, amâo djŏ tui si klei Krist ôh.

Hêbrơ 5:12

Kyuadah diih đăo leh mơ̆ng sui tui si djŏ diih jing pô mtô, ƀiădah ăt diih čiăng arăng lŏ mtô kơ diih klei ênưih hlăm klei Aê Diê blŭ. Diih čiăng kơ êa ksâo, amâo djŏ kơ mnơ̆ng ƀơ̆ng huă khăng ôh.

Hêbrơ 7:16

jing khua ngă yang amâo djŏ ôh tui si klei bhiăn mơ̆ng kđeh, ƀiădah hŏng klei myang klei hdĭp amâo thâo rai tuč ôh.