Êphêsô 6:6 - Klei Aê Diê Blŭ 2015

⁶ amâo djŏ ôh knŏng čiăng gưt ti anăp ală diñu, msĕ si čiăng bi mơak kơ mnuih, ƀiădah msĕ si phung hlŭn Krist, ngă tui si klei Aê Diê čiăng hŏng jih ai tiê.

Êphêsô 6:6 Iomraidhean Croise

Y-Yêrêmi 24:7

Kâo srăng brei kơ diñu ai tiê thâo kral kơ Kâo jing Yêhôwa; leh anăn diñu srăng jing phung ƀuôn sang Kâo, leh anăn Kâo srăng jing Aê Diê diñu, kyuadah diñu srăng lŏ wĭt kơ Kâo hŏng jih ai tiê diñu.’

Y-Yêrêmi 3:10

Ƀiădah kyua jih klei anei dưn adei mniê amâo sĭt suôr ñu, Yuđa, amâo lŏ wĭt kơ Kâo hŏng jih ai tiê gơ̆ ôh, ƀiădah knŏng hŏng klei mgưt,” Yêhôwa lač.

Y-Mathiơ 12:50

Kyuadah hlei pô ngă tui si klei Ama Kâo hlăm adiê čiăng jing ayŏng adei, amai adei leh anăn amĭ Kâo.”

Y-Mathiơ 7:21

“Amâo djŏ ôh grăp čô hlei pô lač kơ Kâo, ‘Ơ Khua Yang, Ơ Khua Yang’ srăng mŭt hlăm ƀuôn ala mtao adiê, ƀiădah knŏng hlei pô ngă tui si Ama Kâo hlăm adiê čiăng.

Y-Markôs 3:35

Hlei pô ngă klei Aê Diê čiăng jing ayŏng adei, amai adei leh anăn amĭ Kâo.”

Hră Y-Pôl Mơĭt kơ Phung Rôm 6:17

Ƀiădah bi mni kơ Aê Diê, kyuadah tơdah hlăk êlâo diih jing leh hlŭn kơ klei soh, hŏng jih ai tiê diih dơ̆ng gưt leh kơ mta klei mtô diih jao leh diih pô.

I Kôrantô 7:22

Kyuadah hlei pô jing hlŭn hlăk Khua Yang iêô ñu jing pô Khua Yang bi êngiê leh. Msĕ mơh, pô êngiê hlăk Khua Yang iêô ñu, jing hlŭn kơ Krist.

Galati 1:10

Ară anei kâo tui duah klei mnuih tŭ mơ̆, amâodah klei Aê Diê tŭ? Amâodah kâo čiăng bi mơak kơ mnuih mơ̆? Tơdah kâo ăt bi mơak kơ mnuih, kâo amâo jing ôh dĭng buăl kơ Krist.

Êphêsô 5:17

Snăn đăm jing mluk ôh, ƀiădah brei diih thâo săng ya klei Khua Yang čiăng.

Philip 2:12

Snăn Ơ phung ayŏng adei kâo khăp, msĕ si diih gưt leh nanao, amâo djŏ knŏng ti anăp kâo ôh, ƀiădah gưt lu hĭn ară anei êjai kâo êkŭt, mă bruă bĕ kyua klei bi mtlaih diih hŏng klei huĭ leh anăn klei ktư̆ yơ̆ng.

Kôlôs 1:9

Kyuanăn mơ̆ng hruê hmei hmư̆ hing klei anăn, hmei amâo mdei ôh wah lač kyua diih, akâo kơ Aê Diê bi bŏ diih hŏng klei thâo kral klei Ñu čiăng hlăm jih klei thâo mĭn leh anăn klei thâo săng myang,

Kôlôs 4:12

Y-Êpapras, jing sa čô mơ̆ng phung diih pô, sa čô dĭng buăl Krist Yêsu, mơĭt klei čhưn kơ diih. Ñu hur har hdơr wah lač kơ diih nanao, čiăng kơ diih jing khua leh anăn thâo sĭt nik jih jang klei Aê Diê čiăng.

I Têsalônik 2:4

ƀiădah tui si Aê Diê yap leh hmei năng jao kơ hmei klei mrâo mrang jăk, snăn hmei blŭ, amâo djŏ čiăng bi mơak kơ mnuih ôh, ƀiădah čiăng bi mơak kơ Aê Diê, Pô ksiêm ai tiê hmei.

I Têsalônik 4:3

Kyuadah snei klei Aê Diê čiăng, klei diih jing doh jăk; đăm brei diih ngă klei knhông ôh;

Hêbrơ 10:36

Kyuadah yuôm kơ diih mâo klei gĭr, čiăng kơ tơdah diih ngă leh klei Aê Diê čiăng, srăng mă tŭ klei Ñu ƀuăn leh.

Hêbrơ 13:21

brei kơ diih klei dưi ngă djăp mta bruă jăk, čiăng kơ diih dưi ngă klei Ñu čiăng, êjai Ñu mă bruă hlăm diih klei bi mơak kơ Ñu hlăm Yêsu Krist. Kơ Ñu yơh brei mâo klei guh kơang hlăm jih jang ênuk. Amen.

I Y-Pêtrôs 2:15

Kyuadah snei jing klei Aê Diê čiăng: hŏng klei ngă klei jăk diih srăng brei klei blŭ hơăi mang phung mluk mgu dôk ñăt.

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.

I Y-Yôhan 2:17

Lăn ala leh anăn klei ñu tluh srăng êgao tuč, ƀiădah hlei pô ngă klei Aê Diê čiăng srăng dôk hdĭp hlŏng lar.