Êphêsô 6:4 - Klei Aê Diê Blŭ 2015

⁴ Ơ phung ama, đăm mngal anak diih tơl krêñ ôh, ƀiădah čiêm rông digơ̆ hŏng klei mkra mjuăt leh anăn klei bi hriăm tui si klei Khua Yang čiăng.

Êphêsô 6:4 Iomraidhean Croise

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

I Klei Yăl Dliê 28:20

Leh anăn Y-Đawit lač kơ Y-Salômôn anak êkei ñu, “Jing ktang bĕ leh anăn đăm huĭ ôh, leh anăn ngă klei anăn. Đăm huĭ ôh, đăm êdu ai ôh; kyuadah Yêhôwa Aê Diê, jing Aê Diê kâo, dôk mbĭt hŏng ih. Ñu amâo srăng kƀah klei đru ih ôh, amâodah kăn lui ih rei, tơl bi leh jih jang bruă sang Yêhôwa.

I Klei Yăl Dliê 29:19

Brei kơ Y-Salômôn anak êkei kâo čiăng kơ hŏng jih ai tiê ñu dưi djă pioh klei ih mtă, klei ih hưn, leh anăn klei bhiăn ih, dưi ngă jih, leh anăn čiăng kơ ñu dưi mdơ̆ng sang yang kơ sang anăn kâo duah bi mâo leh mnơ̆ng.”

Klei Bi Hriêng 19:18

Mkra bĕ anak ih êjai ăt mâo klei čang hmăng, ƀiădah đăm čăm ôh tơl ñu djiê.

Klei Bi Hriêng 22:15

Ai tiê hđeh bŏ hŏng klei mluk, ƀiădah klei mkra hŏng giê srăng bi kbưi klei mluk anăn.

Klei Bi Hriêng 22:6

Bi hriăm hđeh thâo êlan ñu srăng tui hlue, leh anăn tơdah ñu mduôn ñu amâo srăng weh ôh mơ̆ng êlan anăn.

Klei Bi Hriêng 29:15

Giê hnuăt leh anăn klei ƀuah mkra brei klei thâo mĭn, ƀiădah anak ngă tui si ñu pô čiăng bi hêñ amĭ ñu.

Klei Bi Hriêng 29:17

Mkra bĕ anak ih, leh anăn ñu srăng bi juh ih, ñu srăng bi mơak mngăt ih.

Y-Êsai 38:19

Pô hdĭp, pô dôk hdĭp yơh, srăng bi mni kơ Ih msĕ si kâo ngă hruê anei. Phung ama yăl dliê kơ phung anak diñu, brei thâo kơ klei Ih sĭt suôr.

Êphêsô 6:3

“čiăng kơ diih dưi mâo klei jăk jĭn leh anăn dưi dôk hdĭp sui ti lăn ala.”

Klei Mtô Mñă Klei Bhiăn 4:9

“Knŏng răng bĕ leh anăn kiă kriê mngăt diih hŏng klei kriăng, huĭdah diih wơr bĭt hĕ mnơ̆ng ală diih ƀuh leh, leh anăn huĭdah diñu kbiă đuĕ hĕ mơ̆ng ai tiê diih êjai jih hruê diih dôk hdĭp; mtô bĕ klei anăn kơ phung anak diih leh anăn kơ phung čô diih —

Klei Mtô Mñă Klei Bhiăn 6:7

Brei ih mtô klei anăn hŏng klei kriăng kơ phung anak ih, leh anăn brei ih blŭ kơ klei anăn êjai dôk gŭ hlăm sang, êjai hiu, êjai dôk đih, leh anăn êjai ih kgŭ.

Kôlôs 3:21

Ơ phung ama, đăm mngal phung anak diih ôh, huĭdah diñu êdu ai.

II Y-Timôthê 1:5

Kâo hdơr kơ klei ih đăo sĭt suôr. Klei đăo anăn hdĭp leh êlâo hlăm aduôn ih H'Lôis, leh anăn hlăm amĭ ih H'Ônis, leh anăn kâo thâo sĭt ară anei klei đăo anăn ăt hdĭp hlăm ih.

II Y-Timôthê 3:15

leh anăn si ih thâo leh mơ̆ng hlăk hđeh klei čih doh jăk dưi bi hriăm ih kơ klei bi mtlaih hŏng klei đăo hlăm Krist Yêsu.

Y-Yôsuê 24:15

Ară anei, tơdah diih amâo čiăng mă bruă kơ Yêhôwa ôh, ruah bĕ hruê anei kơ hlei pô diih čiăng mă bruă, thâodah phung yang phung aê diih đưm mă bruă ti hang nah yŭ Êa Krông Ơphrat, thâodah kơ yang phung Amôrit hlăm čar diñu diih dôk. Bi kâo leh anăn phung hlăm sang kâo, hmei srăng mă bruă kơ Yêhôwa.”

Phung Khua Phat Kđi 13:12

Y-Manôa lač, “Tơdah klei ih blŭ srăng truh sĭt, si ngă klei hdĭp hđeh anei srăng jing, leh anăn ya ñu srăng ngă?”