Êphêsô 6:10 - Klei Aê Diê Blŭ 2015

¹⁰ Ti knhal tuč hră anei, kâo mtă kơ diih brei diih jing ktang hlăm Khua Yang hŏng klei ktang myang Ñu.

Êphêsô 6:10 Iomraidhean Croise

Philip 4:13

Kâo dưi ngă jih jang klei hlăm Krist, Pô bi ktang kâo.

Y-Êsai 40:31

ƀiădah hlei phung čang guôn kơ Yêhôwa srăng lŏ bi mrâo klei ktang diñu, diñu srăng phiơr đĭ msĕ si tlang, diñu srăng êran leh anăn amâo êmăn ôh, diñu srăng êbat leh anăn amâo hwăt ôh.

Y-Yôsuê 1:9

Amâo djŏ hĕ Kâo mtă leh kơ ih? Brei ih jing ktang leh anăn mâo ai tiê jhŏng. Đăm huĭ ôh, kăn êdu ai rei, kyuadah Yêhôwa Aê Diê ih dôk mbĭt hŏng ih ti anôk ih nao.”

I Kôrantô 16:13

Dôk răng nanao. Dôk kjăp bĕ hlăm klei đăo. Brei diih jing jhŏng leh anăn ktang.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

Kôlôs 1:11

Brei Aê Diê bi ktang diih hŏng jih klei myang, tui si klei myang guh kơang Ñu, čiăng kơ diih dưi mâo klei gĭr tŭ jih klei knap mñai hŏng klei hơ̆k mơak,

Êphêsô 1:19

leh anăn ya klei dưi prŏng amâo dưi mkă ôh hlăm drei phung đăo, tui si bruă klei myang prŏng Ñu.

Êphêsô 3:16

Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu;

II Y-Timôthê 4:17

Ƀiădah Khua Yang dôk mbĭt hŏng kâo leh anăn bi ktang kâo leh, čiăng kâo dưi mtô klei blŭ bi ênŭm, čiăng kơ jih jang phung tue dưi hmư̆. Snăn kâo tlaih leh mơ̆ng ƀăng êgei êmông gu.

Y-Êsai 40:28

Ih amâo thâo hĕ? Ih amâo hmư̆ hĕ? Yêhôwa jing Aê Diê dôk hlŏng lar, Pô Hrih leh knhal lăn ala. Ñu amâo hwăt ôh, kăn êmăn rei, arăng amâo dưi ksiêm ôh jih klei Ñu thâo săng.

II Y-Timôthê 2:1

Snăn, Ơ anak êkei kâo, jing ktang bĕ hŏng klei pap hlăm Krist Yêsu.

II Klei Yăl Dliê 15:7

Ƀiădah diih, dôk jhŏng bĕ! Đăm brei kngan diih jing awăt ôh, kyuadah bruă diih srăng mâo klei mưn.”

Y-Agê 2:4

Ƀiădah ară anei mđĭ ai bĕ Ơ Y-Sôrôbabel’, Yêhôwa lač, ‘Mđĭ ai bĕ, Ơ Y-Yôsuê anak êkei Y-Jêhôsadak khua ngă yang prŏng; mđĭ ai bĕ, Ơ jih jang phung ƀuôn sang hlăm čar,’ Yêhôwa lač; ‘Mă bruă bĕ, kyuadah ară anei Kâo dôk mbĭt hŏng diih,’ Yêhôwa kơ phung kahan lač.

Klei Mmuñ Hđăp 138:3

Hruê kâo iêô wah lač kơ Ih, Ih lŏ wĭt lač leh kơ kâo; Ih brei kâo mâo klei jhŏng leh anăn bi ktang kâo.

Philip 4:8

Ti knhal tuč hră anei, kâo mtă kơ diih, Ơ phung ayŏng adei, ya klei jing sĭt nik, ya klei jing năng mpŭ, ya klei jing kpă, ya klei jing êngeh, ya klei jing năng khăp, ya klei mâo hing ang jăk, tơdah mâo klei jăk hĭn, leh anăn tơdah mâo klei năng bi mni, brei diih dôk mĭn kơ klei anăn.

Y-Sakari 8:13

Msĕ si diih jing leh klei tăm pah ti krah phung găp djuê mnuih, Ơ sang Yuđa leh anăn sang Israel, msĕ snăn mơh Kâo srăng bi mtlaih diih, leh anăn diih srăng jing sa klei jăk jĭn. Đăm huĭ ôh, ƀiădah brei kngan diih jing ktang.”

I Klei Yăl Dliê 28:10

Răng bĕ ară anei, kyuadah Yêhôwa ruah ih leh brei mdơ̆ng sa boh sang pioh kơ adŭ doh jăk; jing ktang bĕ, leh anăn ngă klei anăn.”

I Y-Samuel 23:16

Y-Jônathan anak êkei Y-Sôl kgŭ nao kơ Y-Đawit ti Hêres, leh anăn bi mđĭ ai gơ̆ hlăm anăn Aê Diê,

Y-Sakari 8:9

Snei Yêhôwa kơ phung kahan lač: “Brei kngan diih jing ktang, Ơ phung diih dôk hmư̆ hlăm hruê anei klei blŭ anei mơ̆ng ƀăng êgei phung khua pô hưn êlâo, phung hưn êlâo ênuk arăng ngă atur kơ sang Yêhôwa kơ phung kahan, čiăng kơ arăng dưi mdơ̆ng sang yang.

Klei Mtô Mñă Klei Bhiăn 31:23

Yêhôwa jao bruă kơ Y-Yôsuê anak êkei Y-Nun, lač, “Brei jing ktang leh anăn mđĭ ai bĕ; kyuadah ih srăng atăt ba phung anak Israel mŭt hlăm čar Kâo kat asei leh čiăng brei kơ diñu; Kâo srăng dôk mbĭt hŏng ih.”

I Klei Yăl Dliê 28:20

Leh anăn Y-Đawit lač kơ Y-Salômôn anak êkei ñu, “Jing ktang bĕ leh anăn đăm huĭ ôh, leh anăn ngă klei anăn. Đăm huĭ ôh, đăm êdu ai ôh; kyuadah Yêhôwa Aê Diê, jing Aê Diê kâo, dôk mbĭt hŏng ih. Ñu amâo srăng kƀah klei đru ih ôh, amâodah kăn lui ih rei, tơl bi leh jih jang bruă sang Yêhôwa.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

Philip 3:1

Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.

I Y-Yôhan 2:14

Ơ phung anak điêt, kâo čih kơ diih, kyuadah diih thâo kral leh Ama. Ơ phung ama, kâo čih kơ diih, kyuadah diih thâo kral leh Pô jing mơ̆ng mphŭn dơ̆ng. Ơ phung êkei hlăk ai, kâo čih kơ diih, kyuadah diih jing ktang leh anăn klei Aê Diê blŭ dôk hlăm diih, leh anăn diih dưi leh hŏng Pô jhat.