Biblia Todo Logo
Bìoball air-loidhne

- Sanasan -




Êphêsô 6:1 - Klei Aê Diê Blŭ 2015

1 Ơ phung anak, gưt bĕ kơ amĭ ama hlăm Khua Yang, kyuadah klei anăn jing djŏ.

Faic an caibideil Dèan lethbhreac




Êphêsô 6:1
33 Iomraidhean Croise  

Leh anăn Y-Êsâo ƀuh Y-Yakôp gưt leh asăp amĭ ama ñu, nao leh kơ čar Padan-Aram.


Y-Israel lač kơ Y-Yôsep, “Amâo djŏ hĕ phung ayŏng ih kiă biăp ti ƀuôn Sičem? Hriê bĕ, kâo srăng tiŏ nao ih kơ diñu.” Gơ̆ lač kơ ñu, “Nĕ tinei kâo.”


Y-Yôsep mă hĕ phung anak êkei ñu mơ̆ng kơŭt ama ñu, leh anăn ñu buôn kŭp ƀô̆ ti lăn.


Snăn phung anak êkei Y-Yakôp ngă kơ ñu tui si ñu mtă leh.


Ih trŭn dôk leh ti čư̆ Sinai, leh anăn blŭ leh hŏng diñu mơ̆ng adiê leh anăn brei leh kơ diñu klei mtrŭn djŏ, klei bhiăn sĭt, klei čih leh anăn klei mtă jăk,


H'Êsther amâo brei arăng thâo ôh găp djuê ñu leh anăn phung ƀuôn sang ñu, tui si klei Y-Môrdêkai mtă leh kơ ñu; kyuadah H'Êsther gưt kơ Y-Môrdêkai msĕ si ênuk gơ̆ rông ba ñu.


leh anăn pô anăn mmuñ ti anăp arăng leh anăn lač, ‘Kâo ngă soh leh, leh anăn bi msoh kơ klei kpă, leh anăn arăng amâo bi wĭt kơ kâo tui si klei năng ôh.


Sĭt nik kâo tui hlue jih klei Ih čih; Kâo bi êmut kơ jih jang êlan klei luar.


Ơ Yêhôwa, kâo thâo klei Ih phat kđi jing kpă, leh anăn hŏng klei sĭt suôr Ih bi knap kâo leh.


Klei Yêhôwa mtrŭn jing kpă, ñu bi mơak ai tiê; klei Yêhôwa mtă jing doh, ñu bi mngač ală arăng.


Anak kâo, dôk hmư̆ bĕ klei ama ih bi hriăm ih, leh anăn đăm hngah hĕ ôh klei amĭ ih mtô;


Mđing knga kơ ama ih, pô kkiêng kơ ih, leh anăn đăm bi êmut ôh kơ amĭ ih tơdah gơ̆ mduôn leh.


Mâo phung mnuih tăm pah kơ ama diñu, leh anăn amâo hơêč hmưi klei jăk jĭn ôh kơ amĭ diñu;


Ak hlăm tlung srăng čoh ală leh anăn tlang grư̆ srăng ƀơ̆ng kđeh mnuih mưč kơ ama leh anăn hngah amâo gưt asăp kơ amĭ.


Ơ anak êkei kâo, djă pioh klei ama ih mtă, leh anăn đăm lui ôh kơ klei amĭ ih mtô.


‘Klei Y-Jônadap anak êkei Y-Rêkap mtă kơ phung anak êkei ñu, đăm mnăm kpiê ôh, diñu gưt leh. Truh kơ hruê anei diñu ka tuôm mnăm ôh, kyuadah diñu gưt leh klei aê diñu mtă. Kâo blŭ leh nanao kơ diih, ƀiădah diih amâo tuôm gưt asăp Kâo ôh.


Ƀiădah bi kơ sang phung Rêkap, Y-Yêrêmi lač, “Snei Yêhôwa kơ phung kahan Aê Diê Israel lač: ‘Kyuadah diih gưt leh klei Y-Jônadap aê diih mtă leh anăn hdơr pioh jih jang klei bhiăn ñu, leh anăn ngă leh jih jang klei ñu mtă kơ diih,’


Hmei gưt leh asăp Y-Jônadap anak êkei Y-Rêkap ama hmei hlăm jih jang klei ñu mtă leh kơ hmei, amâo brei hmei mnăm kpiê ôh jih hruê hmei dôk hdĭp, hmei pô, mô̆ hmei, phung anak êkei anak mniê hmei,


Hlei pô jing mnuih thâo mĭn, brei ñu thâo săng klei anei, hlei pô jing mnuih thâo ksiêm, brei ñu thâo kral digơ̆; kyuadah êlan Yêhôwa jing kpă, leh anăn phung kpă êbat tinăn, ƀiădah phung gao klei bhiăn srăng lĕ buh tinăn.


Brei grăp čô diih mpŭ kơ amĭ ama pô, leh anăn brei diih hdơr pioh hruê sabat Kâo. Kâo jing Yêhôwa Aê Diê diih.


Leh anăn Yêsu trŭn nao mbĭt hŏng diñu kơ ƀuôn Nasaret leh anăn gưt kơ diñu. Amĭ Gơ̆ djă pioh jih klei anăn hlăm ai tiê ñu.


Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.


Brei diih jum ñu hlăm Khua Yang tui si năng kơ phung doh jăk, leh anăn brei diih đru ñu tui si klei ñu kƀah, kyuadah ñu đru leh lu mnuih, wăt kâo pô mơh.


Snăn klei bhiăn jing doh jăk, klei mtă jing doh jăk, kpă, leh anăn jăk.


Snăn, Ơ phung ayŏng adei kâo khăp, dôk kjăp bĕ, amâo mgei ôh, leh anăn mă bruă êbeh hĭn nanao kơ Khua Yang, kyuadah diih thâo leh bruă diih mă hlăm Khua Yang amâo jing hơăi mang ôh.


“Tơdah sa čô mnuih mâo sa čô anak êkei khăng kŏ leh anăn khăng bi kdơ̆ng, amâo čiăng gưt asăp ôh ama ñu amâodah amĭ ñu, leh anăn wăt tơdah digơ̆ mkra ñu dưn, ñu amâo srăng hmư̆ digơ̆ ôh,


Tơdah sa čô mniê djiê ung mâo anak amâodah čô, brei digơ̆ hriăm êlâo hĭn thâo ngă klei mpŭ kơ găp djuê diñu pô, leh anăn thâo hdơr knga kơ amĭ ama diñu. Kyuadah klei anăn bi mơak kơ Aê Diê.


Kyua Khua Yang, brei diih gưt jih phung khua mnuih mkŏ mjing leh, thâodah kơ mtao jing pô prŏng hĭn,


H'Rut lŏ wĭt lač, “Kâo srăng ngă jih klei ih lač.”


Y-Đawit kgŭ aguah ưm, lui biăp hŏng sa čô mgăt kiă, mă mnơ̆ng anăn, leh anăn nao tui si Y-Yêsê mtă leh kơ ñu. Ñu truh kơ kđông êjai phung kahan nao kơ anôk bi blah ur driâo kơ klei bi blah.


Lean sinn:

Sanasan


Sanasan