Êphêsô 5:1 - Klei Aê Diê Blŭ 2015

¹ Brei diih jing phung tui Aê Diê, kyuadah diih jing phung anak Ñu khăp êdimi.

Êphêsô 5:1 Iomraidhean Croise

Y-Yêrêmi 31:20

Djŏ mơ̆ phung Êphraim jing anak êkei Kâo khăp? Djŏ mơ̆ diñu jing anak Kâo hơiêng? Kyuadah dŭm blư̆ Kâo blŭ bi kdơ̆ng hŏng ñu, Kâo ăt hdơr kơ ñu mơh. Kyuanăn ai tiê Kâo hnĭng, sĭt nik Kâo srăng pap kơ ñu,” Yêhôwa lač.

Y-Ôsê 1:10

“Ƀiădah ênoh yap phung anak čô Israel srăng jing msĕ si čuah hlăm êa ksĭ, arăng amâo dưi mkă, kăn dưi yap rei; leh anăn hrô kơ klei arăng lač kơ diñu, ‘Diih amâo jing phung ƀuôn sang Kâo ôh,’ arăng srăng lač djŏ kơ diñu, ‘Phung anak êkei Aê Diê hdĭp.’

Bruă Lêwi 11:45

Kyuadah Kâo jing Yêhôwa Pô atăt ba leh diih kbiă mơ̆ng čar Êjip, čiăng jing Aê Diê diih; snăn brei diih jing doh jăk, kyuadah Kâo pô jing doh jăk.

Y-Mathiơ 5:45

čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Y-Yôhan 1:12

Ƀiădah hlei pô jum Ñu, čiăng lač hlei pô đăo kơ anăn Ñu, Ñu brei kơ mnuih anăn klei dưi jing anak Aê Diê.

Êphêsô 4:32

Brei diih ngă jăk hdơ̆ng diih pô, bŏ hŏng klei thâo pap, bi pap brei hdơ̆ng diih, msĕ si Aê Diê pap brei leh kơ diih hlăm Krist.

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

I Y-Yôhan 4:11

Ơ phung kâo khăp, tơdah Aê Diê khăp leh kơ drei msĕ snăn, jing djŏ kơ drei bi khăp hdơ̆ng drei msĕ mơh.