Êphêsô 4:9 - Klei Aê Diê Blŭ 2015

⁹ (Êjai Klei Aê Diê Blŭ lač, “Ñu đĭ ti dlông,” ya klei anăn čiăng pia? Jing klei Ñu trŭn leh mơh hlăm lăn ti gŭ.

Êphêsô 4:9 Iomraidhean Croise

Klei Mphŭn Dơ̆ng 11:5

Khua Yang trŭn čiăng dlăng ƀuôn leh anăn sang êñan phung anak mnuih mdơ̆ng leh.

Klei Mmuñ Hđăp 139:15

Klang kâo amâo hgăm ôh kơ Ih, tơdah Ih mjing kâo hlăm anôk hgăm, mñam kâo hlăm anôk êlam ti lăn ala.

Klei Mmuñ Hđăp 63:9

Ƀiădah phung duah čiăng bi luč klei hdĭp kâo srăng trŭn nao kơ anôk êlam ti lăn ala.

Klei Mmuñ Hđăp 8:5

Ih mjing ñu ƀiă ti gŭ Aê Diê, leh anăn Ih mđua ñu klei guh kơang leh anăn klei mpŭ.

Klei Kbiă 19:20

Snăn Yêhôwa trŭn ti čŏng čư̆ Sinai, leh anăn Yêhôwa iêô Y-Môis brei đĭ ti dlông čư̆. Leh anăn Y-Môis đĭ čư̆ mơh.

Klei Bi Hriêng 30:4

Hlei pô đĭ leh kơ adiê leh anăn lŏ trŭn leh? Hlei pô bi kƀĭn leh angĭn hlăm kngan ñu? Hlei pô đŭng êa hlăm ao ñu? Hlei pô bi kjăp leh knhal lăn ala? Hlei anăn Ñu, leh anăn hlei anăn anak êkei Ñu? Sĭt nik ih thâo leh!

Y-Êsai 44:23

Ơ phung adiê, mmuñ hơ̆k bĕ, kyuadah Yêhôwa ngă leh klei anăn, Ơ phung anôk ti gŭ lăn ala, ur driâo bĕ. Ơ phung čư̆, mmuñ kraih bĕ, Ơ phung kmrơ̆ng leh anăn jih jang kyâo tinăn! Kyuadah Yêhôwa bi tui leh phung Yakôp, leh anăn bi êdah klei guh kơang Ñu hlăm phung Israel.

Y-Êsêkiêl 31:14

Jih jang klei anei truh čiăng kơ amâo mâo ôh kyâo dôk giăm êa hnoh dưi ksuă dlông amâodah brei ƀrŏng diñu sô̆ ti knam, leh anăn čiăng kơ amâo mâo ôh kyâo mnăm êa dưi ksuă dlông đei; kyuadah arăng jao leh jih jang diñu kơ klei djiê, pioh kơ lăn ala ti gŭ mbĭt hŏng mnuih thâo djiê, mbĭt hŏng phung trŭn kơ Ƀăng Êlam.’

Y-Mathiơ 12:40

Kyuadah msĕ si Y-Yôna dôk hlăm tian kan prŏng tlâo hruê tlâo mlam, msĕ snăn mơh Anak Mnuih srăng dôk hlăm lăn êlam tlâo hruê tlâo mlam.

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Y-Yôhan 3:13

Amâo mâo sa čô tuôm đĭ nao kơ adiê ôh, ƀiădah knŏng Pô trŭn leh mơ̆ng adiê, jing Anak Mnuih.

Y-Yôhan 6:33

Kyuadah kpŭng Aê Diê jing kpŭng trŭn mơ̆ng adiê leh anăn brei klei hdĭp kơ lăn ala.”

Y-Yôhan 6:38

Kyuadah Kâo trŭn leh mơ̆ng adiê, amâo djŏ ngă klei Kâo pô čiăng ôh, ƀiădah klei Pô tiŏ hriê Kâo čiăng.

Y-Yôhan 6:41

Phung Yuđa blŭ dŭñ dŭñ kơ Yêsu, kyuadah Ñu lač, “Kâo jing kpŭng trŭn leh mơ̆ng adiê.”

Y-Yôhan 6:51

Kâo jing kpŭng klei hdĭp trŭn mơ̆ng adiê. Tơdah sa čô ƀơ̆ng kpŭng anei, ñu srăng dôk hdĭp hlŏng lar; leh anăn kpŭng Kâo srăng brei pioh kơ klei hdĭp phung lăn ala jing kđeh Kâo pô.”

Y-Yôhan 6:58

Anei yơh kpŭng trŭn mơ̆ng adiê, amâo djŏ msĕ si kpŭng mana phung aê diih ƀơ̆ng leh anăn djiê; hlei pô ƀơ̆ng kpŭng anei srăng dôk hdĭp hlŏng lar.”

Y-Yôhan 6:62

Ya diih mĭn tơdah diih srăng ƀuh Anak Mnuih đĭ nao kơ anôk Ñu dôk êlâo?

Y-Yôhan 8:14

Yêsu lŏ wĭt lač, “Wăt tơdah Kâo hưn kơ Kâo pô, klei Kâo hưn jing sĭt, kyuadah Kâo thâo mơ̆ng Kâo hriê leh anăn ti anôk Kâo đuĕ nao; ƀiădah diih amâo thâo ôh mơ̆ng Kâo hriê amâodah ti anôk Kâo nao.

Hêbrơ 2:7

Ih mjing diñu leh bhiâo ti gŭ phung dĭng buăl jăk Aê Diê, Ih mđua diñu leh đuôn mtao klei guh kơang leh anăn klei mpŭ.

Hêbrơ 2:9

Ƀiădah drei ƀuh Yêsu, Pô Aê Diê bi luă gŭ bhiâo ti gŭ phung dĭng buăl jăk, Pô Aê Diê mđua leh đuôn mtao klei guh kơang leh anăn klei mpŭ kyua klei djiê Ñu tŭ leh, čiăng kơ hŏng klei Aê Diê pap Ñu dưi tŭ klei djiê hrô kơ jih jang mnuih.