Êphêsô 4:8 - Klei Aê Diê Blŭ 2015

⁸ Kyuanăn Klei Aê Diê Blŭ lač leh, “Êjai Ñu đĭ ti dlông Ñu atăt ba lu mnă, leh anăn Ñu bi mbha klei brei kơ phung mnuih.”

Êphêsô 4:8 Iomraidhean Croise

H'Êsther 2:18

Leh anăn mtao mkra sa klei huă mnăm prŏng kơ jih jang phung khua ñu, leh anăn kơ phung dĭng buăl ñu, jing klei huă mnăm prŏng kơ H'Êsther. Msĕ mơh ñu brei hruê mdei kơ jih jang boh čar, leh anăn brei mnơ̆ng myơr hŏng klei kmah năng kơ mtao.

Klei Mmuñ Hđăp 68:18

Ih đĭ leh kơ čư̆ dlông, Ih atăt ba lu phung mnă tui hlue Ih, Ih mă tŭ mnơ̆ng phung mnuih brei wăt mơ̆ng phung roh, čiăng kơ Yêhôwa Aê Diê dưi dôk mbĭt tinăn.

Klei Bi Hriêng 30:4

Hlei pô đĭ leh kơ adiê leh anăn lŏ trŭn leh? Hlei pô bi kƀĭn leh angĭn hlăm kngan ñu? Hlei pô đŭng êa hlăm ao ñu? Hlei pô bi kjăp leh knhal lăn ala? Hlei anăn Ñu, leh anăn hlei anăn anak êkei Ñu? Sĭt nik ih thâo leh!

Êphêsô 4:11

Leh anăn klei Ñu brei jing snei: đa đa jing phung khua ƀĭng kna, đa đa jing phung khua pô hưn êlâo, đa đa jing phung hiu mtô klei mrâo mrang jăk, đa đa jing phung khua pô mtô leh anăn phung bi hriăm,

Kôlôs 2:15

Ti kyâo bi kal anăn Ñu dưi hŏng phung khua kiă kriê leh anăn phung mâo klei dưi, leh anăn bi êdah bi hêñ brei jih jang mnuih ƀuh phung anăn.

Phung Khua Phat Kđi 5:12

Ơ H'Dêbôra, mdih bĕ ih, mdih bĕ! mdih bĕ ih, mdih bĕ, mmuñ sa klei! Kgŭ bĕ ih, Ơ Y-Barak, atăt ba bĕ phung mnă ih, Ơ anak êkei Y-Abinôam.

I Y-Samuel 30:26

Tơdah Y-Đawit truh kơ ƀuôn Siklak, ñu mơĭt kdrêč mnơ̆ng plah mă kơ phung mah jiăng ñu, phung khua mduôn Yuđa, lač, “Nĕ anei mnơ̆ng myơr kơ diih mơ̆ng mnơ̆ng plah mă mơ̆ng phung roh Yêhôwa.”