Êphêsô 4:5 - Klei Aê Diê Blŭ 2015

⁵ Mâo sa Khua Yang, sa klei đăo, sa klei ƀaptem,

Êphêsô 4:5 Iomraidhean Croise

Y-Sakari 14:9

Leh anăn Yêhôwa srăng jing mtao kơ jih lăn ala; ti hruê anăn srăng mâo knŏng sa Yêhôwa, leh anăn knŏng anăn Ñu mơh.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Bruă Phung Khua Ƀĭng Kna 10:36

Diih thâo Aê Diê mơĭt leh klei blŭ kơ phung Israel, čiăng hưn klei mrâo mrang jăk kơ klei êđăp ênang mơ̆ng Yêsu Krist (gơ̆ jing Khua Yang kơ jih jang).

Bruă Phung Khua Ƀĭng Kna 2:36

Kyuanăn brei jih jang sang Israel thâo sĭt kơ Aê Diê brei Yêsu anei, Pô diih pơ̆ng leh ti kyâo bi kal, jing Khua Yang leh anăn Yang Krist.”

Hră Y-Pôl Mơĭt kơ Phung Rôm 3:30

kyuadah mâo knŏng sa čô Aê Diê. Ñu srăng yap kpă phung khăt klĭt hŏng klei đăo leh anăn phung amâo khăt klĭt hŏng klei đăo anăn mơh.

I Kôrantô 1:13

Arăng bi mbha leh Krist mơ̆? Arăng pơ̆ng Y-Pôl leh ti kyâo bi kal kyua diih mơ̆? Amâodah arăng ngă klei ƀaptem kơ diih hŏng anăn Y-Pôl mơ̆?

I Kôrantô 1:2

Čih mơĭt kơ Phung Sang Aê Diê ti ƀuôn Kôrantô, kơ phung doh jăk leh hlăm Krist Yêsu, phung Aê Diê iêô leh brei jing phung doh jăk mbĭt hŏng jih jang phung dôk tar ƀar anôk iêô wah lač kơ anăn Khua Yang drei Yêsu Krist, Khua Yang diñu leh anăn Khua Yang drei.

I Kôrantô 12:13

Kyuadah hŏng sa Yang Mngăt Jăk jih jang drei tŭ leh klei ƀaptem bi mguôp hlăm sa asei mlei — phung Yuđa amâodah phung Grĕk, phung hlŭn amâodah phung êngiê — leh anăn Aê Diê brei jih jang drei mnăm sa Yang Mngăt Jăk anăn.

I Kôrantô 12:5

Mâo lu bruă jao mdê mdê, ƀiădah mâo knŏng sa Khua Yang;

I Kôrantô 8:6

ƀiădah kơ phung drei mâo knŏng sa čô Aê Diê, Ama. Ñu yơh hrih jih jang mnơ̆ng leh anăn drei hdĭp kơ Ñu; leh anăn mâo sa čô Khua Yang, Yêsu Krist, mơ̆ng Ñu jih jang mnơ̆ng jing leh, leh anăn mơ̆ng Ñu drei mâo klei hdĭp.

II Kôrantô 11:4

Kyuadah tơdah arăng hriê mtô kơ diih sa Yêsu mkăn mdê hŏng pô hmei mtô leh, amâodah tơdah diih jum sa yang mkăn mdê hŏng Yang Mngăt Jăk diih jum leh, amâodah tơdah diih mă tŭ sa klei mrâo mrang jăk mkăn mdê hŏng klei diih mă tŭ leh, diih djăl tŭ klei anăn!

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Êphêsô 4:13

tơl jih jang drei truh kơ sa klei đăo msĕ, leh anăn kơ klei thâo kral Anak Aê Diê, kơ klei jing khue prŏng, truh kơ hnơ̆ng klei bŏ ênŭm Krist.

Philip 2:11

leh anăn jih jang êlah srăng hưn kơ Yêsu Krist jing Khua Yang, čiăng bi guh kơang Aê Diê Ama.

Philip 3:8

Sĭt nik kâo yap jih jang mnơ̆ng msĕ si luč leh kyua klei thâo kral Krist Yêsu Khua Yang kâo jing yuôm êgao hĭn. Kyua Ñu kâo luč leh jih jang mnơ̆ng, leh anăn kâo yap mnơ̆ng anăn msĕ si djah, čiăng kơ kâo dưi mâo Krist,

Y-Tit 1:1

Kâo gơ̆ Y-Pôl, sa čô dĭng buăl Aê Diê leh anăn khua ƀĭng kna Yêsu Krist, Aê Diê tiŏ nao čiăng bi mđĭ klei đăo phung Aê Diê ruah leh anăn klei diñu thâo săng klei sĭt nik bi djŏ hŏng klei thâo mpŭ kơ Aê Diê,

Y-Tit 1:4

Čih mơĭt kơ Y-Tit, anak kâo sĭt hlăm klei drei đăo msĕ. Brei ih mâo klei pap leh anăn klei êđăp ênang mơ̆ng Aê Diê Ama leh anăn Krist Yêsu, Pô Bi Mtlaih drei.

Hêbrơ 13:7

Hdơr bĕ kơ phung khua gĭt gai diih, phung mtô kơ diih klei Aê Diê blŭ. Ksiêm dlăng bĕ klei truh kơ diñu êjai diñu hdĭp, leh anăn tui klei diñu đăo.

Hêbrơ 6:6

tơdah diñu lĕ, amâo dưi lŏ atăt diñu kơ klei kmhal ôh, kyuadah kơ diñu pô, diñu lŏ pơ̆ng ti kyâo bi kal Anak Aê Diê, leh anăn brei arăng mưč kơ gơ̆.

Y-Yakơ 2:18

Ƀiădah arăng srăng lač, “Ih mâo klei đăo, leh anăn kâo mâo bruă bi êdah.” Anei klei kâo lač, “Bi êdah bĕ kơ kâo klei ih đăo amâo mâo bruă, leh anăn kâo srăng bi êdah kơ ih klei kâo đăo hlăm bruă kâo ngă.”

I Y-Pêtrôs 3:21

Êa anăn jing klei bi hmô kơ klei ƀaptem bi mtlaih diih ară anei, amâo djŏ klei bi doh klei čhŏ asei mlei ôh, ƀiădah jing klei kwưh ƀuăn kơ Aê Diê mơ̆ng ai tiê kpă jăk, hŏng klei Yêsu Krist kbiă lŏ hdĭp.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

Y-Yut 1:20

Ƀiădah diih, Ơ phung kâo khăp, brei diih mdơ̆ng diih pô hlăm klei đăo doh jăk diih, leh anăn wah lač bĕ hŏng klei myang Yang Mngăt Jăk.

Y-Yut 1:3

Ơ phung kâo khăp, êjai kâo čiăng snăk čih kơ diih djŏ kơ klei bi mtlaih drei mâo msĕ, kâo ƀuh jing yuôm čih čiăng mtrŭt diih bi blah mgang klei đăo jao leh kơ phung doh jăk sa blư̆ dŭm anăn.