Êphêsô 4:4 - Klei Aê Diê Blŭ 2015

⁴ Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

Êphêsô 4:4 Iomraidhean Croise

Klei Mmuñ Hđăp 122:8

Kyua phung ayŏng adei leh anăn phung mah jiăng kâo, kâo srăng lač, “Brei diih mâo klei êđăp ênang”.

Y-Yêrêmi 14:8

Ơ Yêhôwa, Pô phung Israel čang hmăng, Pô Bi Mtlaih digơ̆ hlăm ênuk rŭng răng, si ngă Ih jing hĕ msĕ si sa čô tue hlăm čar, msĕ si sa čô hiu kbưi jưh đăm knŏng sa mlam?

Y-Yêrêmi 17:7

Jăk mơak yơh hlei pô knang kơ Yêhôwa, Pô ñu knang jing Yêhôwa.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Bruă Phung Khua Ƀĭng Kna 15:11

Ƀiădah drei đăo drei srăng tlaih hŏng klei Khua Yang Yêsu pap, msĕ si digơ̆ mơh.”

Hră Y-Pôl Mơĭt kơ Phung Rôm 11:29

Kyuadah amâo dưi bi mlih ôh klei Aê Diê brei leh anăn klei Ñu iêô.

I Kôrantô 10:17

Kyuadah mâo knŏng sa klŏ kpŭng, drei jing lu dưn, ƀiădah knŏng sa asei mlei, kyuadah jih jang drei ƀơ̆ng mơ̆ng sa klŏ kpŭng anăn.

I Kôrantô 12:20

Snăn, mâo lu kdrêč, ƀiădah knŏng sa asei mlei.

II Kôrantô 11:4

Kyuadah tơdah arăng hriê mtô kơ diih sa Yêsu mkăn mdê hŏng pô hmei mtô leh, amâodah tơdah diih jum sa yang mkăn mdê hŏng Yang Mngăt Jăk diih jum leh, amâodah tơdah diih mă tŭ sa klei mrâo mrang jăk mkăn mdê hŏng klei diih mă tŭ leh, diih djăl tŭ klei anăn!

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 2:16

leh anăn dưi bi grăng jih dua phung drei hŏng Aê Diê hlăm sa asei mlei kyua kyâo bi kal. Hŏng klei anăn Ñu bi luč hĕ klei bi roh.

Êphêsô 2:18

Kyuadah hlăm Ñu jih dua phung drei dưi nao truh kơ Ama hlăm sa Yang Mngăt Jăk.

Êphêsô 2:22

Hlăm Ñu arăng mdơ̆ng diih msĕ mơh hlăm sang anăn, čiăng jing sa boh sang kơ Aê Diê hlăm Yang Mngăt Jăk.

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 5:30

kyuadah drei jing jơ̆ng kngan hlăm asei mlei Ñu.

Kôlôs 1:5

kyua klei čang hmăng pioh leh kơ diih hlăm adiê. Diih hmư̆ leh klei anăn mơ̆ng êlâo hlăm klei blŭ sĭt nik jing klei mrâo mrang jăk

Kôlôs 3:15

Brei klei êđăp ênang Krist kiă kriê hlăm ai tiê diih. Kơ klei anăn Aê Diê iêô leh diih hlăm sa asei mlei. Leh anăn brei diih thâo hdơr knga.

II Têsalônik 2:16

Ară anei akâo kơ Khua Yang drei Yêsu Krist pô, leh anăn Aê Diê Ama drei, Pô khăp kơ drei leh anăn brei leh kơ drei hŏng klei pap klei bi juh hlŏng lar leh anăn čang hmăng jăk,

I Y-Timôthê 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei mtă mơ̆ng Aê Diê Pô Bi Mtlaih drei leh anăn Krist Yêsu Pô jing klei čang hmăng drei,

Y-Tit 1:2

hlăm klei čang hmăng kơ klei hdĭp hlŏng lar Aê Diê ƀuăn leh mơ̆ng lu ênuk êlâo — Ñu amâo tuôm luar ôh.

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.

Y-Tit 3:7

čiăng kơ drei dưi mâo klei yap kpă hŏng klei Ñu pap, leh anăn jing phung dưn ngăn hlăm klei čang hmăng kơ klei hdĭp hlŏng lar.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Yôhan 3:3

Grăp čô mâo klei čang hmăng anei hlăm Krist bi doh ñu pô msĕ si Krist pô jing doh.