Êphêsô 4:3 - Klei Aê Diê Blŭ 2015

³ hŏng klei kă êđăp ênang brei diih gĭr djă pioh klei Yang Mngăt Jăk bi mguôp jing sa.

Êphêsô 4:3 Iomraidhean Croise

I Bruă Mtao 16:21

Phung ƀuôn sang Israel bi mbha hlăm dua phung, sa mkrah phung ƀuôn sang tui hlue Y-Tipni anak êkei Y-Ginat, čiăng mjing gơ̆ mtao, leh anăn sa mkrah tui hlue Y-Ômri.

Klei Kbiă 28:32

Srăng mâo ƀăng bi mŭt boh kŏ, leh anăn jŭm dar ƀăng anăn srăng să msĕ si ƀăng arăng riêm, čiăng kơ đăm tĭ ôh.

Khua Pô Mtô 4:12

Leh anăn wăt tơdah sa čô mâo klei dưi hŏng pô dôk hjăn, dua čô dưi bi kdơ̆ng hŏng ñu. Klei kuĭ mâo tlâo pha amâo djăl tloh ôh.

Y-Markôs 3:24

Tơdah sa boh ƀuôn ala mtao bi mbha hĕ ñu pô, ƀuôn ala mtao anăn amâo dưi dôk ôh.

Y-Yôhan 13:34

Kâo brei klei mtă mrâo kơ diih: brei diih bi khăp hdơ̆ng diih pô; msĕ si Kâo khăp leh kơ diih, brei diih bi khăp hdơ̆ng diih pô msĕ mơh.

I Kôrantô 1:10

Ơ phung ayŏng adei, kâo kwưh kơ diih hŏng anăn Khua Yang drei Yêsu Krist, brei jih jang diih blŭ klei msĕ, leh anăn đăm mâo klei bi kah mbha ôh hdơ̆ng diih, ƀiădah brei mâo klei bi mguôp hlăm sa klei mĭn leh anăn sa ai.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

Êphêsô 4:13

tơl jih jang drei truh kơ sa klei đăo msĕ, leh anăn kơ klei thâo kral Anak Aê Diê, kơ klei jing khue prŏng, truh kơ hnơ̆ng klei bŏ ênŭm Krist.

Êphêsô 4:4

Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

I Têsalônik 5:13

Brei diih mâo lu klei khăp leh anăn klei mpŭ kơ diñu kyua bruă diñu mă. Brei diih dôk êđăp ênang hdơ̆ng diih.

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.