18 Klei thâo săng diñu jing hĕ mmăt leh, bi ktlah leh mơ̆ng klei hdĭp Aê Diê kyua klei diñu mluk kbiă hriê mơ̆ng ai tiê khăng diñu.
Brei Ih hdơr kơ klei Ih bi mguôp; kyuadah anôk mmăt hlăm lăn čar bŏ hŏng phung ƀai.
Ti čư̆ anei Ñu srăng bi rai mnơ̆ng guôm jih jang phung ƀuôn sang, čhiăm anăn guôm jih jang phung găp djuê mnuih.
čiăng kơ Kâo dưi lŏ mă wĭt ai tiê sang Israel, phung klah đuĕ leh mơ̆ng Kâo kyua rup yang diñu.”’
Ƀiădah tơdah ai tiê ñu mgao leh anăn ai tiê ñu khăng tơl ñu ngă hŏng klei krưh, Aê Diê mdlưh ñu mơ̆ng jhưng mtao, leh anăn mă hĕ klei guh kơang mơ̆ng ñu.
ôtrus, mkao, čĭm trô wêč, tlang pah pum tui si djuê ñu;
Kyuadah ai tiê phung ƀuôn sang anei jing khăng leh, leh anăn knga diñu kngăl leh, diñu pĭt leh ală diñu, kyuadah tơdah diñu ƀuh hŏng ală diñu, hmư̆ hŏng knga diñu, thâo săng hlăm ai tiê diñu, leh anăn wĭt kơ Kâo čiăng kơ Kâo bi hlao diñu.’
Ñu dlăng jŭm dar kơ phung anăn hŏng klei ăl, ênguôt kyua ai tiê diñu khăng, leh anăn lač kơ êkei anăn, “Yơr bĕ kngan ih.” Gơ̆ yơr mtam, leh anăn kngan gơ̆ hlao.
“Aê Diê bi bum ală digơ̆ leh anăn bi khăng ai tiê digơ̆, huĭdah digơ̆ ƀuh hŏng ală digơ̆, leh anăn thâo săng hŏng ai tiê digơ̆, leh anăn lŏ wĭt kơ Kâo čiăng kơ Kâo bi hlao digơ̆.”
Aê Diê amâo yap ôh ênuk mnuih amâo thâo săng ôh, ƀiădah ară anei hin Ñu mtă kơ jih jang mnuih dôk tar ƀar brei kmhal kơ klei soh.
Ară anei, Ơ phung ayŏng adei, kâo thâo kơ diih leh anăn phung khua diih ngă klei anăn hŏng klei amâo thâo săng ôh.
Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.
Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,
Si ngă snăn? Klei phung Israel duah, diñu amâo dưi mâo ôh. Ƀiădah phung Aê Diê ruah mâo leh klei anăn, ƀiădah phung mkăn Aê Diê bi khăng leh ai tiê diñu,
leh anăn tơdah ih thâo sĭt ih jing pô atăt gai phung bum ală, jing klei mngač kơ phung dôk hlăm klei mmăt,
Kyuadah hlăm klei Aê Diê thâo mĭn, lăn ala amâo tuôm thâo kral Aê Diê ôh hŏng klei thâo mĭn lăn ala, ƀiădah Aê Diê mơak bi mtlaih phung đăo hŏng klei khŏ hmei mtô.
Amâo mâo sa čô ôh hlăm phung khua kiă kriê ênuk anei tuôm thâo săng klei anăn; kyuadah tơdah diñu thâo săng leh klei anăn, diñu amâo bi mdjiê Khua Yang guh kơang ti kyâo bi kal ôh.
Ƀiădah klei mĭn diñu jing khăng leh; kyuadah hlŏng truh kơ hruê anei, tơdah diñu dlăng klei bi mguôp hđăp, čhiăm anăn ăt dôk amâo pŏk ôh. Kyuadah knŏng hlăm Krist yơh arăng mă hĕ čhiăm anăn.
Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.
Mphŭn dô tơdah diih amâo thâo kral Aê Diê ôh, diih jing leh hlŭn kơ yang amâo sĭt.
Diih djiê leh kyua klei gao klei bhiăn leh anăn klei soh,
Hdơr bĕ hlăk anăn diih amâo mâo Krist, amâo mâo klei dưi jing phung ƀuôn sang Israel, jing phung tue kơ klei bi mguôp brei klei ƀuăn, hdĭp ti lăn ala amâo mâo klei čang hmăng leh anăn amâo mâo Aê Diê ôh.
Leh anăn phung diih mphŭn dô dôk kbưi mơ̆ng Ñu, jing phung roh hlăm klei mĭn, ngă klei jhat,
amâo djŏ ôh hŏng klei tluh msĕ si phung tue amâo thâo kral Aê Diê.
Ñu thâo pap kơ phung mluk leh anăn kơ phung klah đuĕ, kyuadah ñu pô bŏ hŏng klei awăt msĕ mơh.
ƀiădah hlăm adŭ tal dua knŏng khua ngă yang prŏng dưi mŭt, leh anăn knŏng sa blư̆ sa thŭn, leh anăn amâo dưi ôh tơdah ñu amâo djă ba êrah, čiăng myơr kyua ñu pô leh anăn kyua klei soh phung ƀuôn sang ngă hŏng klei amâo thâo săng.
Diih jing phung knhông yơh! Diih amâo thâo hĕ klei ngă mah jiăng hŏng lăn ala jing roh hŏng Aê Diê? Kyua anăn hlei pô čiăng jing mah jiăng hŏng lăn ala mjing ñu pô roh hŏng Aê Diê.
Msĕ si phung anak thâo gưt asăp, đăm tui ôh klei tluh diih mâo mphŭn dô hlăk diih ka thâo săng ôh.
Ƀiădah hlei pô bi êmut kơ ayŏng adei ñu, pô anăn dôk hlăm klei mmăt, êbat hlăm klei mmăt, leh anăn amâo thâo ôh ti anôk ñu nao, kyuadah klei mmăt bi bum leh ală ñu.