Êphêsô 4:16 - Klei Aê Diê Blŭ 2015

¹⁶ Mơ̆ng Krist jih asei mlei bi mguôp đuôm mbĭt hŏng jih jang anôk bi kkuh Ñu mjing leh, êjai jih kdrêč bi leh bruă gơ̆, brei asei mlei hriê kơ prŏng tui si klei ktang grăp mta, leh anăn mđĭ gơ̆ pô hlăm klei khăp.

Êphêsô 4:16 Iomraidhean Croise

Y-Yôhan 15:5

Kâo jing ana boh kriăk ƀâo, diih jing adhan. Hlei pô dôk hlăm Kâo leh anăn Kâo dôk hlăm ñu, ñu anăn srăng mboh lu. Kyuadah tơdah amâo mâo Kâo, diih amâo dưi ngă sa klei ôh.

Hră Y-Pôl Mơĭt kơ Phung Rôm 12:4

Kyuadah msĕ si hlăm sa asei mlei mâo lu kdrêč, ƀiădah jih jang kdrêč anăn amâo ngă bruă msĕ ôh,

I Kôrantô 10:17

Kyuadah mâo knŏng sa klŏ kpŭng, drei jing lu dưn, ƀiădah knŏng sa asei mlei, kyuadah jih jang drei ƀơ̆ng mơ̆ng sa klŏ kpŭng anăn.

I Kôrantô 13:13

Ară anei tlâo klei ăt dôk: klei đăo, klei čang hmăng, leh anăn klei khăp; ƀiădah hlăm tlâo klei anei klei khăp jing prŏng hĭn.

I Kôrantô 8:1

Bi kơ mnơ̆ng arăng myơr leh kơ rup yang: drei thâo “jih jang drei mâo leh klei thâo săng.” “Klei thâo săng” bi mgao arăng, ƀiădah klei khăp bi mđĭ ai.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Êphêsô 1:4

Ñu ruah leh drei hlăm Krist êlâo kơ klei hrih lăn ala, čiăng kơ drei jing doh jăk leh anăn amâo mâo klei ƀuah ôh ti anăp Ñu.

Êphêsô 3:17

leh anăn čiăng kơ Krist dưi dôk hlăm ai tiê diih hŏng klei đăo. Leh anăn kâo wah lač čiăng kơ diih mtrŭn agha leh anăn mdơ̆ng atur hlăm klei khăp,

Êphêsô 3:7

Tui si klei Aê Diê pap Ñu brei leh kơ kâo, hŏng klei myang Ñu mă bruă brei kâo jing dĭng ktang kơ klei mrâo mrang jăk anei.

Êphêsô 4:12

čiăng mprăp phung doh jăk mâo klei dưi mă bruă kơ Aê Diê, čiăng đru asei mlei Krist hriê kơ prŏng,

Êphêsô 4:15

Ƀiădah êjai hưn klei sĭt nik hŏng klei khăp, brei drei hriê kơ prŏng hlăm djăp mta klei hlăm Krist, Pô jing boh kŏ.

Philip 1:9

Kâo wah lač čiăng kơ klei diih khăp dưi bi lar lu hĭn, mbĭt hŏng klei thâo săng leh anăn jih klei thâo ksiêm,

Kôlôs 2:19

Ñu amâo bi mguôp hŏng Krist jing Boh Kŏ ôh, mơ̆ng Boh Kŏ anăn jih asei mlei mâo klei hriê kơ prŏng leh anăn bi mguôp mbĭt hŏng anôk bi kkuh leh anăn aruăt kliăng, leh anăn hriê kơ prŏng tui si klei Aê Diê brei.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

I Têsalônik 1:3

Hmei hdơr ti anăp Aê Diê Ama drei kơ bruă diih ngă hŏng klei đăo, kơ bruă suăi diih ngă hŏng klei khăp, leh anăn klei diih dôk kjăp hlăm klei čang hmăng hlăm Khua Yang drei Yêsu Krist.

I Têsalônik 2:13

Msĕ mơh hmei bi mni kơ Aê Diê nanao kyua klei anei: tơdah diih mă tŭ leh klei Aê Diê blŭ hmei mtô kơ diih, diih tŭ leh klei blŭ anăn amâo djŏ msĕ si klei mnuih blŭ ôh, ƀiădah tui si gơ̆ jing sĭt nik klei Aê Diê blŭ, dôk mă bruă hlăm ai tiê diih phung đăo leh.

I Têsalônik 3:12

Leh anăn akâo kơ Khua Yang bi mđĭ êbeh dlai klei diih bi khăp hdơ̆ng diih leh anăn kơ jih jang mnuih, msĕ si hmei khăp kơ diih,

II Têsalônik 1:3

Ơ phung ayŏng adei, jing klei djŏ yơh hmei čiăng bi mni kơ Aê Diê nanao kyua diih, kyuadah klei diih đăo hriê kơ prŏng nanao, leh anăn klei grăp čô diih bi khăp hdơ̆ng diih pô hriê kơ prŏng hĭn.

I Y-Timôthê 1:5

Klei hmei čiăng mơ̆ng klei hmei mtă jing klei khăp kbiă mơ̆ng ai tiê êngeh, mơ̆ng ai tiê kpă jăk, leh anăn mơ̆ng klei đăo sĭt suôr.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

I Y-Yôhan 4:16

Snăn drei thâo leh anăn đăo kơ Aê Diê khăp kơ drei. Aê Diê jing klei khăp. Hlei pô dôk hlăm klei khăp dôk hlăm Aê Diê, leh anăn Aê Diê dôk hlăm ñu.