Êphêsô 4:13 - Klei Aê Diê Blŭ 2015

¹³ tơl jih jang drei truh kơ sa klei đăo msĕ, leh anăn kơ klei thâo kral Anak Aê Diê, kơ klei jing khue prŏng, truh kơ hnơ̆ng klei bŏ ênŭm Krist.

Êphêsô 4:13 Iomraidhean Croise

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Sôphôni 3:9

Ênuk anăn Kâo srăng bi doh ƀăng kƀông phung ƀuôn sang, čiăng kơ jih jang diñu iêô anăn Yêhôwa leh anăn mă bruă sa ai kơ Ñu mđrăm mbĭt.

Y-Sakari 14:9

Leh anăn Yêhôwa srăng jing mtao kơ jih lăn ala; ti hruê anăn srăng mâo knŏng sa Yêhôwa, leh anăn knŏng anăn Ñu mơh.

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Yôhan 1:16

Leh anăn mơ̆ng klei Ñu bŏ dlai hŏng klei pap, jih jang drei mă tŭ, leh klei pap anei lŏ thiăm klei pap mkăn.

Y-Yôhan 16:3

Diñu srăng ngă klei anăn, kyuadah diñu amâo tuôm thâo kral Ama ôh, kăn thâo kral Kâo rei.

Y-Yôhan 17:21

čiăng kơ jih jang diñu jing sa; msĕ si Ih, Ơ Ama, dôk hlăm Kâo, leh anăn Kâo dôk hlăm Ih, čiăng kơ diñu msĕ mơh dôk hlăm Drei; čiăng kơ lăn ala dưi đăo kơ Ih tiŏ hriê leh Kâo.

Y-Yôhan 17:3

Leh anăn anei jing klei hdĭp hlŏng lar: čiăng kơ diñu thâo kral Ih, knŏng hjăn Ih jing Aê Diê sĭt, leh anăn Yêsu Krist Pô Ih tiŏ hriê leh.

Y-Yôhan 6:69

leh anăn hmei đăo leh, leh anăn truh leh kơ klei thâo săng kơ Ih jing Pô Doh Jăk mơ̆ng Aê Diê.”

Bruă Phung Khua Ƀĭng Kna 4:32

Snăn jih jang phung đăo mâo sa ai leh anăn sa klei mĭn. Amâo mâo sa čô mnuih yap dŏ ñu jing dŏ hjăn ñu pô ôh, ƀiădah diñu yap dŏ jih jang mđrăm mbĭt.

I Kôrantô 1:10

Ơ phung ayŏng adei, kâo kwưh kơ diih hŏng anăn Khua Yang drei Yêsu Krist, brei jih jang diih blŭ klei msĕ, leh anăn đăm mâo klei bi kah mbha ôh hdơ̆ng diih, ƀiădah brei mâo klei bi mguôp hlăm sa klei mĭn leh anăn sa ai.

I Kôrantô 14:20

Ơ phung ayŏng adei, đăm lŏ mĭn msĕ si phung hđeh ôh. Brei diih jing msĕ si hđeh hlăm klei thâo ngă jhat, ƀiădah hlăm klei thâo săng brei diih jing mnuih khua leh.

I Kôrantô 2:6

Ƀiădah ăt hmei bi mbha klei thâo mĭn kơ phung hriê kơ prŏng leh hlăm klei đăo, ƀiădah klei thâo mĭn anăn amâo djŏ tui si ênuk anei amâodah phung khua kiă kriê ênuk anei ôh, phung anăn srăng êgao tuč sĭt.

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

Galati 4:19

Ơ phung anak điêt kâo, kyua diih kâo lŏ tŭ klei knap msĕ si klei ruă kkiêng, tơl diih mâo knuih Krist hlăm klei hdĭp diih.

Êphêsô 1:17

Kâo akâo kơ Aê Diê Khua Yang drei Yêsu Krist, Ama klei guh kơang, srăng brei kơ diih Mngăt Myang klei thâo mĭn leh anăn klei bi êdah, čiăng thâo kral Ñu,

Êphêsô 1:23

Phung Sang Aê Diê anăn jing asei mlei Krist, čiăng lač klei bŏ ênŭm Gơ̆, Pô bi bŏ ênŭm jih hlăm jih jang.

Êphêsô 2:15

hŏng klei Ñu lăm klei bhiăn leh anăn klei mtă hlăm asei mlei Ñu pô, čiăng kơ Ñu dưi brei dua găp djuê jing sa phung hrih mrâo hlăm Ñu pô. Snăn Ñu ngă klei êđăp ênang,

Êphêsô 4:12

čiăng mprăp phung doh jăk mâo klei dưi mă bruă kơ Aê Diê, čiăng đru asei mlei Krist hriê kơ prŏng,

Êphêsô 4:3

hŏng klei kă êđăp ênang brei diih gĭr djă pioh klei Yang Mngăt Jăk bi mguôp jing sa.

Êphêsô 4:5

Mâo sa Khua Yang, sa klei đăo, sa klei ƀaptem,

Philip 3:10

čiăng kơ kâo dưi thâo kral Krist leh anăn klei myang mơ̆ng klei Ñu kbiă lŏ hdĭp, leh anăn dưi tŭ klei knap mñai mbĭt hŏng Ñu, leh anăn dơ̆ng jing msĕ si Ñu hlăm klei Ñu djiê,

Philip 3:8

Sĭt nik kâo yap jih jang mnơ̆ng msĕ si luč leh kyua klei thâo kral Krist Yêsu Khua Yang kâo jing yuôm êgao hĭn. Kyua Ñu kâo luč leh jih jang mnơ̆ng, leh anăn kâo yap mnơ̆ng anăn msĕ si djah, čiăng kơ kâo dưi mâo Krist,

Kôlôs 1:28

Hmei hưn klei Krist, brei jih jang mnuih răng, leh anăn mtô kơ jih jang mnuih hŏng jih klei thâo mĭn, čiăng kơ hmei dưi bi êdah jih jang mnuih jing klă leh hlăm Krist.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

Hêbrơ 5:14

Ƀiădah mnơ̆ng ƀơ̆ng huă khăng pioh kơ phung khue leh, kơ phung hriăm leh anăn yua leh klei mĭn diñu dưi thâo săng klei jăk hŏng klei jhat.

II Y-Pêtrôs 1:4

Hŏng klei anăn Ñu brei leh kơ drei klei Ñu ƀuăn yuôm leh anăn prŏng snăk, čiăng kơ hŏng klei ƀuăn anăn diih dưi tlaih mơ̆ng klei rai luč hlăm lăn ala kyua klei tluh, leh anăn dưi jing phung mă tŭ knuih Aê Diê.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.