Êphêsô 4:12 - Klei Aê Diê Blŭ 2015

¹² čiăng mprăp phung doh jăk mâo klei dưi mă bruă kơ Aê Diê, čiăng đru asei mlei Krist hriê kơ prŏng,

Êphêsô 4:12 Iomraidhean Croise

Y-Luk 22:32

Ƀiădah Kâo wah lač leh kơ ih, čiăng kơ klei ih đăo amâo awăt ôh. Leh anăn tơdah ih lŏ wĭt kơ Kâo, brei ih bi kjăp phung ayŏng adei ih.”

Bruă Phung Khua Ƀĭng Kna 1:17

Kyuadah ñu jing sa čô hlăm phung drei, leh anăn arăng jao kơ ñu mă bruă mbĭt hŏng drei.

Bruă Phung Khua Ƀĭng Kna 1:25

čiăng kơ ñu djă bruă anăn jing khua ƀĭng kna hrô anôk Y-Yuđas lui hĕ leh, čiăng nao kơ anôk gơ̆ pô.”

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

Bruă Phung Khua Ƀĭng Kna 9:31

Snăn Phung Sang Aê Diê hlăm tar ƀar čar Yuđa, čar Galilê, leh anăn čar Samari mâo klei êđăp ênang, hriê kơ prŏng; leh anăn kyuadah Phung Sang Aê Diê êbat hlăm klei huĭ mpŭ kơ Khua Yang leh anăn klei Yang Mngăt Jăk đru, diñu lŏ jing lu hĭn êjai.

Hră Y-Pôl Mơĭt kơ Phung Rôm 12:5

msĕ snăn mơh drei jing lu, ƀiădah jing sa asei mlei hlăm Krist, leh anăn grăp čô drei jing kdrêč mdê mdê, ƀiădah bi mguôp hdơ̆ng drei jing sa asei mlei.

Hră Y-Pôl Mơĭt kơ Phung Rôm 12:7

kơ hlei pô đru bruă, brei ñu ngă bruă anăn; hlei pô bi hriăm, brei ñu bi hriăm yơh;

Hră Y-Pôl Mơĭt kơ Phung Rôm 14:19

Snăn brei drei tui duah klei dưi bi truh klei êđăp ênang leh anăn klei dưi bi mđĭ hdơ̆ng phung drei.

Hră Y-Pôl Mơĭt kơ Phung Rôm 15:14

Ơ phung ayŏng adei, kâo pô đăo leh sĭt diih bŏ leh hŏng klei jăk leh anăn jih klei thâo mĭn, leh anăn dưi bi hriăm hdơ̆ng diih.

Hră Y-Pôl Mơĭt kơ Phung Rôm 15:2

Brei grăp čô hlăm phung drei bi mơak kơ pô riêng gah ñu jing klei jăk kơ gơ̆, čiăng brei gơ̆ hriê kơ prŏng hlăm klei đăo.

Hră Y-Pôl Mơĭt kơ Phung Rôm 15:29

Kâo thâo tơdah kâo truh kơ diih, kâo srăng truh bŏ hŏng klei jăk jĭn mơ̆ng Krist.

I Kôrantô 12:27

Diih jing asei mlei Krist, leh anăn grăp čô jing kdrêč hlăm asei mlei Ñu.

I Kôrantô 12:7

Yang Mngăt Jăk bi êdah kơ grăp čô klei dưi čiăng đru jih jang.

I Kôrantô 14:12

Msĕ snăn mơh hŏng diih; kyuadah diih hur har čiăng mâo klei brei mơ̆ng Yang Mngăt Jăk, duah bĕ klei dưi đru Phung Sang Aê Diê hriê kơ prŏng.

I Kôrantô 14:14

Kyuadah tơdah kâo wah lač hlăm klei blŭ amâo mâo pô thâo, mngăt kâo dôk wah lač, ƀiădah klei mĭn kâo dôk hơăi.

I Kôrantô 14:26

Ơ phung ayŏng adei, si ngă snăn? Tơdah diih bi kƀĭn, grăp čô mâo klei mmuñ, klei mtô, klei bi êdah, klei blŭ klei blŭ amâo mâo pô thâo, amâodah klei mblang klei blŭ amâo mâo pô thâo. Brei diih ngă jih jang klei čiăng bi đru hdơ̆ng diih.

II Kôrantô 12:19

Năng ai diih mĭn hmei mgang hmei pô ti anăp diih. Hơăi, hmei blŭ hlăm Krist ti anăp Aê Diê, leh anăn hlăm jih klei anăn čiăng đru diih hriê kơ prŏng, Ơ phung kâo khăp.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

II Kôrantô 13:9

Kyuadah hmei mơak tơdah hmei jing awăt leh anăn diih jing ktang. Klei hmei wah lač čiăng kơ diih jing jăk klă.

II Kôrantô 3:8

amâo djŏ hĕ bruă Mngăt Myang srăng mâo klei guh kơang hĭn?

II Kôrantô 4:1

Snăn kyuadah hmei mâo bruă anei tui si klei Aê Diê pap, hmei amâo êdu ai ôh.

II Kôrantô 5:18

Jih klei anăn kbiă hriê mơ̆ng Aê Diê, Pô bi grăng leh drei hŏng Ñu hlăm Krist, leh anăn jao leh kơ hmei bruă klei bi grăng.

II Kôrantô 6:3

Hmei amâo bi têč hnêč arăng ôh, čiăng kơ arăng amâo dưi ƀuah ôh hlăm bruă hmei ngă,

II Kôrantô 7:1

Ơ phung kâo khăp ơi, kyuadah drei mâo klei ƀuăn anăn, brei drei bi doh hĕ drei pô mơ̆ng jih klei čhŏ mrŏ hlăm kđeh leh anăn mngăt, leh anăn bi klă klei doh jăk drei hlăm klei huĭ mpŭ kơ Aê Diê.

Êphêsô 1:23

Phung Sang Aê Diê anăn jing asei mlei Krist, čiăng lač klei bŏ ênŭm Gơ̆, Pô bi bŏ ênŭm jih hlăm jih jang.

Êphêsô 4:16

Mơ̆ng Krist jih asei mlei bi mguôp đuôm mbĭt hŏng jih jang anôk bi kkuh Ñu mjing leh, êjai jih kdrêč bi leh bruă gơ̆, brei asei mlei hriê kơ prŏng tui si klei ktang grăp mta, leh anăn mđĭ gơ̆ pô hlăm klei khăp.

Êphêsô 4:29

Đăm brei klei blŭ jhat kbiă mơ̆ng ƀăng êgei diih ôh, ƀiădah knŏng blŭ klei jăk dưi đru brei arăng hriê kơ prŏng, tui si mông găl, čiăng dưi bi mbha klei pap kơ phung dôk hmư̆.

Êphêsô 4:4

Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

Kôlôs 1:28

Hmei hưn klei Krist, brei jih jang mnuih răng, leh anăn mtô kơ jih jang mnuih hŏng jih klei thâo mĭn, čiăng kơ hmei dưi bi êdah jih jang mnuih jing klă leh hlăm Krist.

Kôlôs 4:17

Leh anăn lač bĕ kơ Y-Arčip, “Brei ih bi leh bruă ih mă tŭ leh mơ̆ng Khua Yang.”

I Y-Timôthê 1:12

Kâo bi mni kơ Pô brei leh klei ktang kơ kâo dưi mă bruă anei, Krist Yêsu Khua Yang drei, kyuadah Ñu yap kâo jing sĭt suôr hŏng klei Ñu pioh brei kâo mă bruă kơ Ñu.

II Y-Timôthê 4:11

knŏng hjăn Y-Luk dôk mbĭt hŏng kâo. Jak Y-Markôs leh anăn atăt ba gơ̆ mbĭt hŏng ih, kyuadah gơ̆ jing yuôm snăk đru bruă kâo.

II Y-Timôthê 4:5

Ƀiădah bi kơ ih, brei ih jing djŏ hnơ̆ng hlăm jih jang mnơ̆ng, gĭr tŭ klei knap mñai, mă bruă sa čô hiu hưn klei mrâo mrang jăk, bi leh klă bruă ih.

Hêbrơ 13:17

Gưt bĕ kơ phung gĭt gai diih leh anăn mpŭ kơ diñu; kyuadah diñu răng kriê kơ mngăt diih msĕ si phung srăng hưn bi êdah bruă diñu kơ Aê Diê. Brei diñu hưn hŏng klei hơ̆k, amâo ênguôt ôh, kyuadah tơdah klei diñu hưn amâo jing mơak ôh, klei anăn amâo srăng brei klei jăk kơ diih ôh.

Hêbrơ 6:1

Kyuanăn brei drei lui mta klei hriăm kơ Krist tal êlâo ênưih thâo săng leh anăn ktưn kơ klei klă, đăm lŏ bi hriăm ôh klei mtô kơ klei kmhal kơ bruă atăt kơ klei djiê, leh anăn kơ klei đăo kơ Aê Diê,