Êphêsô 3:9 - Klei Aê Diê Blŭ 2015

⁹ leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Êphêsô 3:9 Iomraidhean Croise

Klei Mmuñ Hđăp 33:6

Yêhôwa hrih phung adiê hŏng klei Ñu blŭ, leh anăn jih jang mnơ̆ng hŏng êwa mơ̆ng ƀăng êgei Ñu.

Y-Êsai 44:24

Snei Yêhôwa lač, Pô Bi Tui diih, Pô mjing diih leh hlăm tian: “Kâo jing Yêhôwa, Pô mjing leh jih jang mnơ̆ng, hjăn Kâo yơh Pô mblang leh phung adiê, Pô lang leh lăn ala,

Y-Mathiơ 10:27

Ya klei Kâo hưn kơ diih hlăm anôk mmăt, hưn bĕ hlăm anôk mngač; leh anăn ya klei mhač diih hmư̆, mtô bĕ ti dlông čuôr sang.

Y-Mathiơ 13:35

Klei anăn čiăng bi sĭt klei khua pô hưn êlâo blŭ leh snei: “Kâo srăng ha blŭ hŏng klei bi hriêng, Kâo srăng hưn klei mdăp leh dơ̆ng mơ̆ng klei hrih lăn ala.”

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Y-Yôhan 10:30

Kâo hŏng Ama jing sa.”

Y-Yôhan 5:17

Ƀiădah Yêsu lŏ wĭt lač kơ diñu, “Ama Kâo ăt mă bruă nanao, leh anăn Kâo mă bruă msĕ mơh.”

Y-Yôhan 5:19

Yêsu lač kơ digơ̆, “Kâo lač kơ diih klei sĭt nik, Anak amâo dưi ngă sa mta bruă tui si Ñu pô čiăng ôh, ƀiădah knŏng msĕ si Ñu ƀuh Ama ngă. Kyuadah ya bruă Ama ngă, Anak ngă msĕ mơh.

Bruă Phung Khua Ƀĭng Kna 15:18

Snăn Khua Yang lač, Pô brei arăng thâo klei anei mơ̆ng ênuk đưm.’

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

I Kôrantô 2:7

Ƀiădah hmei bi mbha klei thâo mĭn Aê Diê hgăm leh anăn ka bi êdah ôh, klei thâo mĭn anăn Aê Diê čuăn pioh leh mơ̆ng êlâo jih jang ênuk kơ klei bi guh kơang drei.

Êphêsô 1:4

Ñu ruah leh drei hlăm Krist êlâo kơ klei hrih lăn ala, čiăng kơ drei jing doh jăk leh anăn amâo mâo klei ƀuah ôh ti anăp Ñu.

Êphêsô 3:2

Kâo mĭn diih hmư̆ leh kơ Aê Diê jao leh kơ kâo bruă klei Ñu pap kyua diih,

Êphêsô 6:19

Leh anăn msĕ mơh wah lač kơ kâo đa, čiăng kơ Aê Diê brei kơ kâo dưi blŭ ênưih, mtô hŏng klei jhŏng klei hgăm kơ klei mrâo mrang jăk.

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.

Kôlôs 1:26

klei hgăm anăn mdăp leh hlăm jih jang ênuk êlâo, ƀiădah ară anei bi êdah leh kơ phung doh jăk Ñu.

Kôlôs 3:3

Kyuadah diih djiê leh, leh anăn klei hdĭp diih mdăp leh mbĭt hŏng Krist hlăm Aê Diê.

Kôlôs 4:3

Msĕ mơh wah lač brei wăt kơ hmei đa, akâo kơ Aê Diê pŏk ƀăng bhă kơ hmei dưi mtô klei blŭ, čiăng hưn klei yuôm hgăm Krist, kyua klei anăn arăng krư̆ kâo leh.

II Têsalônik 2:13

Ƀiădah Ơ phung ayŏng adei Khua Yang khăp, hmei čiăng bi mni kơ Aê Diê nanao kyua diih, kyuadah Aê Diê ruah leh diih mơ̆ng mphŭn pioh kơ klei bi mtlaih hŏng klei Yang Mngăt Jăk bi doh jăk leh anăn hŏng klei đăo kơ klei sĭt nik.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

II Y-Timôthê 4:17

Ƀiădah Khua Yang dôk mbĭt hŏng kâo leh anăn bi ktang kâo leh, čiăng kâo dưi mtô klei blŭ bi ênŭm, čiăng kơ jih jang phung tue dưi hmư̆. Snăn kâo tlaih leh mơ̆ng ƀăng êgei êmông gu.

Y-Tit 1:2

hlăm klei čang hmăng kơ klei hdĭp hlŏng lar Aê Diê ƀuăn leh mơ̆ng lu ênuk êlâo — Ñu amâo tuôm luar ôh.

I Y-Pêtrôs 1:20

Aê Diê čuăn pioh ñu leh mơ̆ng mphŭn klei hrih lăn ala, ƀiădah bi êdah leh hlăm ênuk knhal tuč kyua diih.

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.

Klei Bi Êdah 14:6

Êdei tinăn kâo ƀuh sa čô dĭng buăl jăk mkăn phiơr ti krah adiê. Ñu mâo klei mrâo mrang jăk hlŏng lar čiăng hưn kơ phung dôk ti lăn ala, kơ jih jang găp djuê mnuih, jih jang djuê ana, jih jang klei blŭ mdê mdê, leh anăn jih jang phung ƀuôn sang.

Klei Bi Êdah 17:8

Hlô dliê ih ƀuh anăn jing leh, leh anăn amâo lŏ jing ôh, leh anăn srăng kbiă mơ̆ng ƀăng êlam leh anăn nao kơ klei rai tuč. Leh anăn phung dôk ti lăn ala amâo mâo anăn čih leh hlăm hdruôm hră klei hdĭp mơ̆ng ênuk hrih lăn ala srăng bi kngăr êjai ƀuh hlô dliê anăn, kyuadah ñu jing leh, leh anăn amâo lŏ jing ôh, leh anăn ñu srăng lŏ hriê.

Klei Bi Êdah 4:11

“Ơ Khua Yang leh anăn Aê Diê hmei, Ih mâo klei năng mă tŭ klei guh kơang, klei mpŭ, leh anăn klei myang, kyuadah Ih hrih leh jih jang mnơ̆ng, leh anăn tui si Ih čiăng diñu jing leh, leh anăn Ih hrih leh diñu.”