Êphêsô 3:8 - Klei Aê Diê Blŭ 2015

⁸ Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Êphêsô 3:8 Iomraidhean Croise

I Klei Yăl Dliê 17:16

Leh anăn Mtao Đawit mŭt leh anăn dôk gŭ ti anăp Yêhôwa leh anăn lač, “Hlei kâo jing, Ơ Yêhôwa Aê Diê, leh anăn ya jing sang kâo tơl ih atăt ba kâo truh tinei?

Klei Mmuñ Hđăp 31:19

Ơ, klei jăk Ih prŏng snăk, pioh leh kơ phung huĭ mpŭ kơ Ih, mkra leh kơ phung đuĕ dăp hlăm Ih, ti anăp phung anak mnuih!

Y-Luk 14:22

Dĭng buăl lač, ‘Ơ khua, kâo ngă leh klei ih mtă, ƀiădah ăt lŏ mâo anôk mơh.’

Y-Yôhan 1:16

Leh anăn mơ̆ng klei Ñu bŏ dlai hŏng klei pap, jih jang drei mă tŭ, leh klei pap anei lŏ thiăm klei pap mkăn.

Bruă Phung Khua Ƀĭng Kna 5:41

Snăn phung khua ƀĭng kna kbiă mơ̆ng anăp phung khua phat kđi, hơ̆k mơak kyuadah Aê Diê yap digơ̆ năng tŭ klei hêñ kyua anăn Yêsu.

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

Hră Y-Pôl Mơĭt kơ Phung Rôm 11:33

Ơ, êlam êdi klei mdrŏng Aê Diê, klei thâo mĭn leh anăn klei thâo săng Ñu! Si dưi mblang klei Ñu phat kđi! Leh anăn si dưi thâo săng klei Ñu ngă!

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

I Kôrantô 15:9

Kyuadah kâo jing khua ƀĭng kna điêt hĭn kơ jih jang, amâo năng ôh arăng pia kâo khua ƀĭng kna, kyuadah kâo ngă jhat leh kơ Phung Sang Aê Diê.

I Kôrantô 2:9

Ƀiădah tui si Klei Aê Diê Blŭ čih leh, “Ya klei ală amâo tuôm ƀuh ôh, kăn knga tuôm hmư̆ rei, kăn ai tiê mnuih thâo săng rei, Jing klei Aê Diê mkra leh kơ phung khăp kơ Ñu,”

Galati 1:16

čiăng bi êdah Anak Ñu hlăm kâo, čiăng kơ kâo dưi mtô klei mrâo mrang jăk Anak anăn hlăm phung tue, mtam kâo amâo tuôm bi trông čhai hŏng kđeh leh anăn êrah ôh.

Galati 2:8

kyuadah Aê Diê, Pô mă bruă hlăm Y-Pêtrôs mjing ñu khua ƀĭng kna kơ phung khăt klĭt, mă bruă hlăm kâo msĕ mơh mjing kâo khua ƀĭng kna kơ phung tue,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:1

Kyua klei anăn, kâo gơ̆ Y-Pôl, jing sa čô mnă kơ Krist Yêsu kyua diih phung tue.

Êphêsô 3:16

Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu;

Êphêsô 3:19

leh anăn dưi thâo kral klei Yêsu Krist khăp êgao hĭn kơ arăng dưi thâo săng, čiăng kơ diih dưi bŏ hŏng klei bŏ ênŭm Aê Diê.

Êphêsô 3:2

Kâo mĭn diih hmư̆ leh kơ Aê Diê jao leh kơ kâo bruă klei Ñu pap kyua diih,

Philip 2:3

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

Philip 4:19

Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

I Y-Timôthê 1:13

Mphŭn dô kâo jing sa čô blŭ mgao, ngă jhat, leh anăn dlao wač kơ Ñu. Ƀiădah kâo mă tŭ leh klei pap, kyuadah kâo ngă hŏng klei amâo thâo săng, hlăm klei amâo đăo ôh.

I Y-Timôthê 1:15

Klei blŭ anei jing sĭt leh anăn năng tŭ jih: Krist Yêsu hriê leh hlăm lăn ala čiăng bi mtlaih phung soh. Leh anăn kâo jing pô soh hĭn kơ jih jang.

I Y-Timôthê 2:7

Kơ bruă anăn Aê Diê mjing leh kâo sa čô pô mtô leh anăn khua ƀĭng kna, pô mtô kơ phung tue klei đăo leh anăn klei sĭt nik. (Kâo blŭ klei sĭt nik, kâo amâo luar ôh.)

II Y-Timôthê 1:11

Kyua klei mrâo mrang jăk anei, Aê Diê mjing kâo leh pô hưn, khua ƀĭng kna, leh anăn pô bi hriăm.

Klei Bi Êdah 3:18

Snăn Kâo kčĕ kơ ih brei blei mơ̆ng Kâo mah bi doh leh hŏng pui, čiăng kơ ih dưi jing mdrŏng, leh anăn blei čhiăm ao kô̆ ih srăng hơô čiăng kơ klei hêñ lưng mlŭn ih arăng amâo ƀuh ôh, leh anăn blei êa drao mia ală ih čiăng kơ ih dưi ƀuh.