Êphêsô 3:3 - Klei Aê Diê Blŭ 2015

³ si klei hgăm Aê Diê brei kâo thâo leh hŏng klei bi êdah, msĕ si kâo čih leh ƀiă.

Êphêsô 3:3 Iomraidhean Croise

Bruă Phung Khua Ƀĭng Kna 22:17

“Tơdah kâo lŏ wĭt kơ ƀuôn Yêrusalem leh anăn dôk wah lač hlăm sang kkuh mpŭ, kâo mâo klei bi ƀuh,

Bruă Phung Khua Ƀĭng Kna 22:21

Ñu lač kơ kâo, ‘Đuĕ nao bĕ, kyuadah Kâo srăng tiŏ nao ih kbưi phă phung tue.’ ”

Bruă Phung Khua Ƀĭng Kna 23:9

Snăn mâo klei hao hao prŏng; leh anăn mâo đa đa phung khua čih hră hlăm phung Pharisi kgŭ leh anăn bi mgăl, “Hmei amâo ƀuh ôh sa mta klei soh hlăm mnuih anei. Năng ai yang amâodah dĭng buăl jăk blŭ leh kơ ñu he?”

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hră Y-Pôl Mơĭt kơ Phung Rôm 16:25

Mpŭ mni kơ Pô dưi bi kjăp diih tui si klei mrâo mrang jăk kâo leh anăn klei mtô klei Yêsu Krist, tui si klei bi êdah klei hgăm Aê Diê mdăp leh êjai lu ênuk êlâo,

II Kôrantô 12:1

Kâo mâo klei mgô̆ bi mni kơ kâo pô. Wăt klei anăn amâo tŭ dưn ôh, ƀiădah kâo srăng lŏ blŭ kơ klei bi ƀuh leh anăn klei bi êdah mơ̆ng Khua Yang.

Galati 1:12

Kyuadah kâo amâo mă tŭ ôh klei anăn mơ̆ng mnuih, kăn mnuih tuôm bi hriăm kâo rei, ƀiădah ñu kbiă hriê mơ̆ng klei Yêsu Krist bi êdah leh kơ kâo.

Êphêsô 1:17

Kâo akâo kơ Aê Diê Khua Yang drei Yêsu Krist, Ama klei guh kơang, srăng brei kơ diih Mngăt Myang klei thâo mĭn leh anăn klei bi êdah, čiăng thâo kral Ñu,

Êphêsô 3:4

Êjai diih dlăng klei anăn, diih dưi thâo klei kâo thâo săng kơ klei hgăm Krist.

Êphêsô 3:6

Klei hgăm anăn: phung tue jing phung dưn mbĭt, jing jơ̆ng kngan hlăm sa asei mlei msĕ, leh anăn phung mă tŭ leh klei ƀuăn hlăm Krist Yêsu hŏng klei mrâo mrang jăk.

Êphêsô 3:9

leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Êphêsô 6:19

Leh anăn msĕ mơh wah lač kơ kâo đa, čiăng kơ Aê Diê brei kơ kâo dưi blŭ ênưih, mtô hŏng klei jhŏng klei hgăm kơ klei mrâo mrang jăk.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

Kôlôs 4:3

Msĕ mơh wah lač brei wăt kơ hmei đa, akâo kơ Aê Diê pŏk ƀăng bhă kơ hmei dưi mtô klei blŭ, čiăng hưn klei yuôm hgăm Krist, kyua klei anăn arăng krư̆ kâo leh.

Hêbrơ 13:22

Ơ phung ayŏng adei, kâo kwưh kơ diih, tŭ bĕ klei kâo blŭ mtrŭt diih, kyuadah kâo čih kơ diih hŏng klei klah čŭn.

I Y-Pêtrôs 5:12

Hŏng Y-Silas, pô kâo yap jing sa čô adei sĭt suôr, kâo brei čih leh dua tlâo boh anei kơ diih, čiăng mtrŭt diih leh anăn hưn kơ diih thâo klei anei jing klei Aê Diê pap sĭt. Dôk kjăp bĕ hlăm klei pap anăn.

II Y-Pêtrôs 3:15

Brei diih yap klei Khua Yang drei gĭr jing klei bi mtlaih diih. Msĕ snăn mơh pô drei khăp, ayŏng drei Y-Pôl, čih leh kơ diih tui si klei thâo mĭn Aê Diê brei leh kơ ñu.