Êphêsô 3:16 - Klei Aê Diê Blŭ 2015

¹⁶ Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu;

Êphêsô 3:16 Iomraidhean Croise

Y-Yôp 23:6

Ñu srăng bi tăng hŏng kâo hŏng jih klei myang prŏng Ñu mơ̆? Hơăi, Ñu srăng dôk hmư̆ kâo.

Klei Mmuñ Hđăp 138:3

Hruê kâo iêô wah lač kơ Ih, Ih lŏ wĭt lač leh kơ kâo; Ih brei kâo mâo klei jhŏng leh anăn bi ktang kâo.

Klei Mmuñ Hđăp 28:8

Yêhôwa jing klei ktang kơ phung ƀuôn sang Ñu, Ñu jing kđông bi mtlaih kơ pô Ñu trôč leh êa ƀâo mngưi.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Yêrêmi 31:33

“Ƀiădah snei jing klei bi mguôp Kâo srăng ngă hŏng sang Israel leh êgao ênuk anăn,” Yêhôwa lač: “Kâo srăng dưm klei bhiăn Kâo hlăm lam diñu, leh anăn Kâo srăng čih klei bhiăn anăn ti ai tiê diñu; leh anăn Kâo srăng jing Aê Diê diñu leh anăn diñu srăng jing phung ƀuôn sang Kâo.

Y-Sakari 10:12

Kâo srăng bi ktang diñu hlăm Yêhôwa leh anăn diñu srăng êbat hlăm anăn Yêhôwa,” Yêhôwa lač.

Y-Mathiơ 6:13

Đăm atăt ba hmei hlăm klei mplư ôh, ƀiădah bi mtlaih hmei mơ̆ng Pô Jhat. [Kyuadah ƀuôn ala mtao, klei myang, leh anăn klei guh kơang pioh kơ Ih pô nanao hlŏng lar. Amen.]’

Hră Y-Pôl Mơĭt kơ Phung Rôm 2:29

Ƀiădah arăng jing sa čô Yuđa sĭt tui si jing hlăm lam, leh anăn klei khăt klĭt sĭt arăng ngă hlăm ai tiê, hlăm mngăt, amâo djŏ ti asei mlei ôh. Sa čô Yuđa msĕ snăn mâo klei bi mni mơ̆ng Aê Diê, amâo djŏ mơ̆ng mnuih ôh.

Hră Y-Pôl Mơĭt kơ Phung Rôm 7:22

Kâo hơ̆k mơak kơ klei bhiăn Aê Diê hlăm lam ai tiê kâo,

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

I Kôrantô 16:13

Dôk răng nanao. Dôk kjăp bĕ hlăm klei đăo. Brei diih jing jhŏng leh anăn ktang.

II Kôrantô 12:9

ƀiădah Ñu lač kơ kâo, “Klei kâo pap djăp leh kơ ih, kyuadah klei myang kâo bi êdah klă hlăm klei ih awăt.” Snăn kâo srăng bi mni kơ kâo pô lu hĭn kyua klei awăt kâo, čiăng kơ klei myang Krist dưi dôk ti kâo.

II Kôrantô 4:16

Kyuanăn hmei amâo êdu ai ôh. Wăt tơdah asei mlei hmei dôk rai ƀrư̆ ƀrư̆, knuih hlăm lam hmei arăng lŏ bi mrâo grăp hruê.

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:15

Mơ̆ng Ñu jih jang găp djuê hlăm adiê leh anăn ti lăn ala mâo anăn.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Êphêsô 6:10

Ti knhal tuč hră anei, kâo mtă kơ diih brei diih jing ktang hlăm Khua Yang hŏng klei ktang myang Ñu.

Philip 4:13

Kâo dưi ngă jih jang klei hlăm Krist, Pô bi ktang kâo.

Philip 4:19

Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Kôlôs 1:11

Brei Aê Diê bi ktang diih hŏng jih klei myang, tui si klei myang guh kơang Ñu, čiăng kơ diih dưi mâo klei gĭr tŭ jih klei knap mñai hŏng klei hơ̆k mơak,

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

II Y-Timôthê 4:17

Ƀiădah Khua Yang dôk mbĭt hŏng kâo leh anăn bi ktang kâo leh, čiăng kâo dưi mtô klei blŭ bi ênŭm, čiăng kơ jih jang phung tue dưi hmư̆. Snăn kâo tlaih leh mơ̆ng ƀăng êgei êmông gu.

Hêbrơ 11:34

bi ram hĕ pui hlơr, tlaih mơ̆ng mta đao gưm, êjai awăt lŏ jing ktang, dưi hlăm klei bi blah, suôt phung kahan tue.

I Y-Pêtrôs 3:4

ƀiădah mprăp bĕ ti lam hgăm hlăm ai tiê hŏng mnơ̆ng amâo thâo rai tuč ôh, jing knuih êdu leh anăn êđăp ênang. Klei anăn jing yuôm snăk ti anăp Aê Diê.