Êphêsô 3:1 - Klei Aê Diê Blŭ 2015

¹ Kyua klei anăn, kâo gơ̆ Y-Pôl, jing sa čô mnă kơ Krist Yêsu kyua diih phung tue.

Êphêsô 3:1 Iomraidhean Croise

Y-Luk 21:12

Ƀiădah êlâo kơ jih klei anăn truh, arăng srăng mă diih, ngă jhat kơ diih, jao diih kơ phung khua sang bi kƀĭn, krư̆ diih, leh anăn arăng srăng atăt ba diih ti anăp phung mtao leh anăn phung khua kiă kriê čar kyua anăn Kâo.

Bruă Phung Khua Ƀĭng Kna 21:33

Khua kahan prŏng nao giăm, mă Y-Pôl leh anăn mtă kơ arăng kă gơ̆ hŏng dua aruăt klei săng đai. Ñu êmuh hlei gơ̆ jing leh anăn ya klei gơ̆ ngă leh.

Bruă Phung Khua Ƀĭng Kna 23:18

Snăn khua kahan atăt gơ̆ kơ khua kahan prŏng leh anăn lač, “Y-Pôl, pô jing mnă, iêô kâo leh anăn akâo kơ kâo atăt êkei hlăk ai anei kơ ih, kyuadah gơ̆ mâo klei čiăng blŭ kơ ih.”

Bruă Phung Khua Ƀĭng Kna 26:29

Y-Pôl lač, “Thâodah ƀiă mông amâodah sui, kâo akâo kơ Aê Diê brei amâo djŏ knŏng hjăn ih ôh, ƀiădah wăt jih jang mnuih dôk hmư̆ kâo hruê anei srăng jing msĕ si kâo, ƀiădah knŏng amâo mâo klei săng đai anei ôh.”

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

II Kôrantô 1:6

Tơdah hmei mâo klei knap mñai, klei anăn pioh bi juh leh anăn bi mtlaih diih. Tơdah hmei mâo klei bi juh, klei anăn pioh bi juh diih. Klei bi juh anăn bi truh hlăm diih klei gĭr êjai tŭ klei knap mñai msĕ si hmei tŭ leh.

II Kôrantô 10:1

Kâo gơ̆ Y-Pôl kwưh kơ diih hŏng klei êdu êun leh anăn klei jăk Krist — kâo gơ̆ pô êdu êun tơdah kâo dôk mbĭt hŏng diih, ƀiădah khăng tơdah kâo êkŭt mơ̆ng diih.

II Kôrantô 11:23

Diñu jing phung dĭng buăl Krist mơ̆? Kâo jing dĭng buăl jăk hĭn — kâo blŭ msĕ si sa čô khŏ — kâo mă bruă lu hĭn. Arăng krư̆ kâo lu blư̆ hĭn. Arăng čăm kâo amâo thâo yap ôh, leh anăn jêñ jêñ kâo dôk giăm klei djiê.

Galati 5:11

Ơ phung ayŏng adei, tơdah kâo ăt mtô klei khăt klĭt, si ngă arăng ăt ngă jhat kơ kâo lĕ? Tơdah snăn klei bi têč hnêč kyua kyâo bi kal arăng mă mđuĕ leh.

Galati 5:2

Kâo gơ̆ Y-Pôl lač kơ diih, tơdah diih tŭ klei khăt klĭt, Krist amâo srăng lŏ jing yuôm kơ diih ôh.

Galati 5:24

Hlei pô jing dŏ Krist Yêsu pơ̆ng leh kđeh mbĭt hŏng klei ñu tluh leh anăn klei ñu čiăng ti kyâo bi kal.

Êphêsô 3:11

Hdră anăn tui si klei Ñu čuăn mơ̆ng ênuk hlŏng lar, Ñu bi sĭt leh hlăm Krist Yêsu Yang drei.

Êphêsô 3:13

Snăn kâo kwưh kơ diih, đăm êdu ai ôh kyua klei knap kâo tŭ kyua diih. Klei anăn jing klei guh kơang kơ diih.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 6:20

Kyua bruă anăn kâo jing dĭng ktang arăng kă hŏng klei săng đai. Snăn wah lač kơ kâo čiăng kơ kâo dưi hưn klei anei hŏng klei jhŏng tui si jing djŏ kơ kâo blŭ.

Philip 1:7

Jing djŏ kâo mâo klei mĭn snăn kơ jih jang diih, kyuadah kâo pioh diih hlăm ai tiê kâo nanao, kyuadah jih jang diih mă tŭ leh klei pap mbĭt hŏng kâo, wăt hlăm klei arăng krư̆ kâo leh anăn hlăm klei mgang leh anăn bi sĭt klei mrâo mrang jăk.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

Kôlôs 4:18

Kâo gơ̆ Y-Pôl čih klei čhưn anei hŏng kngan kâo pô. Brei diih hdơr kơ klei săng đai dôk kă kâo. Brei klei pap dôk mbĭt hŏng diih.

Kôlôs 4:3

Msĕ mơh wah lač brei wăt kơ hmei đa, akâo kơ Aê Diê pŏk ƀăng bhă kơ hmei dưi mtô klei blŭ, čiăng hưn klei yuôm hgăm Krist, kyua klei anăn arăng krư̆ kâo leh.

II Y-Timôthê 1:16

akâo kơ Khua Yang brei klei pap kơ sang Y-Ônêsiphôr, kyuadah ñu bi juh kâo leh jêñ jêñ. Ñu amâo hêñ ôh kơ klei arăng kă kâo hŏng klei săng đai,

II Y-Timôthê 1:8

Snăn đăm hêñ ôh hưn klei Khua Yang drei, kăn hêñ rei kơ kâo pô jing mnă kyua ñu, ƀiădah tŭ bĕ kdrêč klei knap mñai kyua klei mrâo mrang jăk hlăm klei myang Aê Diê,

Y-Philêmôn 1:1

Kâo gơ̆ Y-Pôl, sa čô mnă Krist Yêsu, leh anăn adei drei Y-Timôthê, čih mơĭt kơ Y-Philêmôn, pô hmei khăp, pô mă bruă mbĭt hŏng hmei,

Y-Philêmôn 1:23

Y-Êpapras, pô jing mnă mbĭt hŏng kâo hlăm Krist Yêsu, mơĭt klei čhưn kơ ih,

Y-Philêmôn 1:9

ƀiădah kyua klei khăp kâo čiăng kwưh kơ ih — kâo gơ̆ Y-Pôl, sa čô khua mduôn leh anăn ară anei sa čô mnă kyua Krist Yêsu —

Klei Bi Êdah 2:10

Đăm huĭ ôh kơ klei knap mñai ih srăng tŭ. Nĕ anei yang jhat srăng hwiê hlăm war mnă đa đa hlăm phung diih; čiăng lông dlăng diih; leh anăn êjai pluh hruê diih srăng mâo klei knap mñai. Brei ih dôk sĭt suôr tơl djiê, leh anăn Kâo srăng brei kơ ih đuôn mtao klei hdĭp.