Êphêsô 2:6 - Klei Aê Diê Blŭ 2015

⁶ Ñu bi kbiă lŏ hdĭp drei leh mbĭt hŏng Krist Yêsu, leh anăn Ñu brei drei dôk gŭ mbĭt hŏng Gơ̆ ti jih anôk hlăm adiê,

Êphêsô 2:6 Iomraidhean Croise

Y-Mathiơ 26:29

Kâo hưn kơ diih, Kâo amâo srăng lŏ mnăm ôh êa boh kriăk ƀâo anei tơl hruê Kâo srăng lŏ mnăm êa boh kriăk ƀâo mrâo mbĭt hŏng diih hlăm ƀuôn ala mtao Ama Kâo.”

Y-Luk 12:37

Jăk mơak yơh phung dĭng buăl anăn tơdah khua digơ̆ truh leh anăn ƀuh digơ̆ dôk răng. Sĭt nik Kâo lač kơ diih, ñu srăng hyuă hdrăng kơiêng ñu, brei digơ̆ dôk gŭ leh anăn ba mnơ̆ng ƀơ̆ng huă kơ digơ̆.

Y-Yôhan 12:26

Tơdah sa čô mă bruă kơ Kâo, brei ñu tui hlue Kâo. Ti anôk Kâo dôk, dĭng buăl Kâo srăng dôk tinăn msĕ mơh. Hlei pô mă bruă kơ Kâo, Ama Kâo srăng mpŭ kơ ñu.”

Y-Yôhan 14:3

Leh anăn tơdah Kâo nao mkra sa anôk kơ diih, Kâo srăng lŏ hriê leh anăn mă diih kơ Kâo pô, čiăng kơ ti anôk Kâo dôk diih dưi dôk msĕ mơh.

Êphêsô 1:1

Kâo gơ̆ Y-Pôl, sa čô khua ƀĭng kna Krist Yêsu, tui si klei Aê Diê čiăng, Čih mơĭt kơ phung doh jăk dôk ti Êphêsô, phung sĭt suôr hlăm Krist Yêsu.

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Êphêsô 2:13

Mphŭn dô diih dôk kbưi, ƀiădah ară anei hlăm Krist Yêsu diih dôk giăm leh kyua hŏng êrah Krist.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.