Êphêsô 2:4 - Klei Aê Diê Blŭ 2015

⁴ Ƀiădah Aê Diê, Pô mdrŏng hŏng klei pap, kyua klei Ñu khăp kơ drei prŏng snăk,

Êphêsô 2:4 Iomraidhean Croise

Y-Nêhêmi 9:17

Diñu hngah gưt, leh anăn amâo uêñ ôh kơ bruă yuôm bhăn Ih ngă leh ti krah diñu; ƀiădah diñu bi khăng hĕ kŏ diñu leh anăn mdưm sa čô khua čiăng lŏ wĭt kơ klei diñu jing hlŭn hlăm čar Êjip. Ƀiădah Ih jing sa čô Aê Diê djăl thâo pap, thâo hơiêng, leh anăn bŏ hŏng klei jăk, amâo djăl ăl, bŏ hŏng klei khăp sĭt suôr, leh anăn amâo lui hĕ diñu ôh.

Klei Mmuñ Hđăp 145:8

Yêhôwa jing Pô thâo pap leh anăn Pô jăk; amâo djăl ăl ôh, leh anăn bŏ hŏng klei khăp.

Klei Mmuñ Hđăp 51:1

Ơ Aê Diê, pap mñai kơ kâo tui si klei khăp sĭt suôr Ih; leh anăn lăm klei kâo gao klei bhiăn tui si klei pap prŏng Ih.

Klei Mmuñ Hđăp 86:15

Ƀiădah Ih, Ơ Khua Yang, jing Aê Diê thâo pap leh anăn mâo ai tiê jăk, amâo djăl ăl ôh, bŏ hŏng klei khăp leh anăn klei sĭt suôr.

Klei Mmuñ Hđăp 86:5

kyuadah Ih jing jăk leh anăn thâo pap brei, Ơ Khua Yang. Ih bŏ hŏng klei khăp kơ jih jang phung iêô wah lač kơ Ih.

Klei Kbiă 33:19

Ñu lač, “Kâo srăng brei jih klei jăk Kâo găn ti anăp ih, leh anăn Kâo srăng hưn anăn Kâo ‘Yêhôwa’ ti anăp ih. Kâo srăng pap kơ hlei pô Kâo srăng pap, leh anăn Kâo srăng ngă jăk kơ hlei pô Kâo srăng ngă jăk.”

Y-Êsai 63:7

Kâo srăng yăl dliê klei jăk Yêhôwa, klei bi mni kơ Yêhôwa, tui si jih klei Yêhôwa ngă brei leh kơ drei, leh anăn klei Ñu ngă jăk lu kơ sang Israel, klei Ñu brei leh kơ digơ̆ tui si klei Ñu pap leh anăn ngă jăk êbeh dlai.

Y-Yêrêmi 31:3

Yêhôwa bi êdah leh kơ ñu mơ̆ng đưm, lač: “Kâo khăp leh kơ diih hŏng klei khăp hlŏng lar; kyuanăn Kâo êwak diih hŏng klei jăk.

Y-Đaniel 9:9

Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Y-Yôna 4:2

Ñu wah lač kơ Yêhôwa, lač: “Kâo kwưh kơ Ih, Ơ Yêhôwa, amâo djŏ hĕ klei anei kâo lač leh êjai kâo ăt dôk hlăm čar kâo? Kyuanăn yơh kâo ruăt đuĕ nao kơ čar Tarsis; kyuadah kâo thâo Ih jing Aê Diê thâo ngă jăk, thâo pap, amâo djăl ăl ôh, bŏ hŏng klei jăk, leh anăn bi mlih klei mĭn amâo ngă klei jhat ôh.

Y-Luk 1:78

kyua klei pap êdu êun Aê Diê drei, hŏng klei Yang Hruê srăng ƀlĕ truh kơ drei mơ̆ng adiê ti dlông,

Hră Y-Pôl Mơĭt kơ Phung Rôm 10:12

Kyuadah amâo mâo klei mdê ôh phung Yuđa hŏng phung Grĕk. Khua Yang anăn jing Khua Yang kơ jih jang leh anăn brei klei mdrŏng Ñu kơ jih jang phung iêô wah lač kơ Ñu.

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

Hră Y-Pôl Mơĭt kơ Phung Rôm 5:8

Ƀiădah Aê Diê bi êdah klei Ñu khăp kơ drei snei, êjai drei ăt jing mnuih soh Krist djiê kyua drei.

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

II Têsalônik 2:13

Ƀiădah Ơ phung ayŏng adei Khua Yang khăp, hmei čiăng bi mni kơ Aê Diê nanao kyua diih, kyuadah Aê Diê ruah leh diih mơ̆ng mphŭn pioh kơ klei bi mtlaih hŏng klei Yang Mngăt Jăk bi doh jăk leh anăn hŏng klei đăo kơ klei sĭt nik.

I Y-Timôthê 1:14

Leh anăn klei Khua Yang drei pap bi bŏ dlai kâo, hŏng klei đăo leh anăn klei khăp hlăm Krist Yêsu.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.