Êphêsô 2:3 - Klei Aê Diê Blŭ 2015

³ Mphŭn dô jih jang drei jing msĕ si phung anăn mơh. Drei dôk hdĭp tui si kđeh tluh, tui hlue klei kđeh leh anăn klei mĭn drei čiăng. Snăn tui si mnuih yang đar drei jing phung dôk ti gŭ klei Aê Diê ngêñ, msĕ si jih jang mnuih mkăn.

Êphêsô 2:3 Iomraidhean Croise

Klei Mphŭn Dơ̆ng 5:3

Tơdah Y-Ađam dôk hdĭp leh sa êtuh tlâo pluh thŭn, ñu mâo sa čô anak êkei msĕ si ñu, tui si rup ñu, leh anăn bi anăn gơ̆ Y-Set.

Klei Mphŭn Dơ̆ng 6:5

Khua Yang ƀuh klei măk ƀai mnuih kmưn jing prŏng ti lăn ala, leh anăn jih klei mĭn ai tiê diñu knŏng jing jhat nanao.

Klei Mphŭn Dơ̆ng 8:21

Khua Yang ƀâo mnâo jăk leh anăn lač hlăm ai tiê Ñu, “Kâo amâo srăng lŏ tăm pah kơ lăn ôh kyua mnuih, kyuadah klei mĭn ai tiê mnuih jing jhat dơ̆ng mơ̆ng ñu hlăk ai; kăn Kâo srăng lŏ bi rai rei jih jang mnơ̆ng hdĭp msĕ si Kâo ngă leh.

Y-Yôp 14:4

Hlei pô dưi bi kbiă mnơ̆ng doh mơ̆ng mnơ̆ng čhŏ? Amâo mâo sa čô dưi ôh.

Y-Yôp 25:4

Snăn, si sa čô mnuih dưi jing kpă ênô ti anăp Aê Diê lĕ? Si ngă sa čô kkiêng mơ̆ng mniê dưi jing doh jăk?

Klei Mmuñ Hđăp 51:5

Nĕ anei, arăng kkiêng kơ kâo leh hlăm klei wê, leh anăn amĭ kâo ba tian kơ kâo leh hlăm klei soh.

Y-Êsai 53:6

Jih jang drei msĕ si biăp klah đuĕ leh, grăp čô drei wir tui hlue êlan Ñu pô; leh anăn Yêhôwa dưm leh ti Ñu klei wê jih jang drei.

Y-Markôs 4:19

ƀiădah klei uêñ hnĭng kơ lăn ala, klei khăp đei kơ mdrŏng, leh anăn klei tluh kơ mnơ̆ng mkăn mŭt hlăm ai tiê leh anăn ktư̆ hĕ klei blŭ, leh anăn klei blŭ amâo mboh ôh.

Y-Yôhan 1:13

Phung anăn mâo klei kkiêng, amâo djŏ ôh tui si êrah, kăn djŏ tui si kđeh čiăng amâodah tui si klei ung čiăng rei, ƀiădah tui si klei Aê Diê pô čiăng.

Y-Yôhan 8:44

Diih kbiă hriê mơ̆ng ama diih yang jhat, leh anăn diih čiăng ngă tui si klei ama diih čiăng. Ñu jing pô bi mdjiê mnuih mơ̆ng mphŭn, leh anăn ñu amâo mâo sa kdrêč hlăm klei sĭt nik ôh, kyuadah amâo mâo ôh klei sĭt nik hlăm ñu. Tơdah ñu luar, ñu blŭ tui si knuih ñu pô, kyuadah ñu jing pô luar leh anăn ama klei luar.

Bruă Phung Khua Ƀĭng Kna 14:16

Hlăm ênuk êgao leh, Ñu tŭ jih jang găp djuê mnuih tui hlue êlan diñu pô;

Hră Y-Pôl Mơĭt kơ Phung Rôm 1:24

Kyuanăn Aê Diê jao diñu kơ klei čhŏ mrŏ tui si ai tiê diñu tluh, tơl diñu yua asei mlei diñu pô ngă klei bi hêñ hdơ̆ng diñu.

Hră Y-Pôl Mơĭt kơ Phung Rôm 11:30

Msĕ si mphŭn dô diih amâo gưt kơ Aê Diê ôh, ƀiădah ară anei diih mâo leh klei pap kyua klei diñu amâo gưt asăp ôh,

Hră Y-Pôl Mơĭt kơ Phung Rôm 13:14

Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

Hră Y-Pôl Mơĭt kơ Phung Rôm 2:14

Bi phung tue amâo mâo klei bhiăn ôh, tơdah diñu mưng ngă tui si klei bhiăn mtă, diñu mjing klei bhiăn kơ diñu pô, wăt tơdah diñu amâo mâo klei bhiăn dưn.

Hră Y-Pôl Mơĭt kơ Phung Rôm 5:10

Kyuadah tơdah êjai drei jing roh hŏng Aê Diê, klei djiê Anak Aê Diê bi grăng drei leh hŏng Ñu, kdlưn hĭn mơh leh bi grăng, drei srăng mâo klei bi mtlaih kyua klei hdĭp Gơ̆.

Hră Y-Pôl Mơĭt kơ Phung Rôm 5:9

Kdlưn hĭn kơ anăn, drei mâo klei yap kpă leh hŏng êrah Gơ̆ leh anăn kyua Gơ̆ mơh drei srăng tlaih mơ̆ng klei Aê Diê ngêñ.

Hră Y-Pôl Mơĭt kơ Phung Rôm 6:12

Kyuanăn đăm brei klei soh kiă kriê hlăm asei mlei thâo djiê diih ôh, čiăng mgô̆ diih gưt kơ klei ñu tluh.

Hră Y-Pôl Mơĭt kơ Phung Rôm 7:18

Kyuadah kâo thâo amâo mâo mnơ̆ng jăk dôk hlăm kâo ôh, čiăng lač hlăm kđeh kâo. Kâo dưi mâo klei čiăng ngă jăk, ƀiădah kâo amâo dưi ngă klei jăk anăn ôh.

Hră Y-Pôl Mơĭt kơ Phung Rôm 9:22

Si ih mĭn tơdah Aê Diê čiăng bi êdah klei Ñu ngêñ leh anăn bi êdah klei myang Ñu, tŭ leh hŏng klei gĭr lu boh čeh mmai leh pioh kơ klei rai tuč,

I Kôrantô 4:7

Kyuadah hlei ƀuh klei mdê ih hŏng phung mkăn? Ya klei ih mâo leh Aê Diê amâo tuôm brei kơ ih ôh? Tơdah ih mă tŭ leh klei anăn, si ngă ih bi mni kơ ih pô msĕ si ih ka tuôm mă tŭ ôh?

II Kôrantô 7:1

Ơ phung kâo khăp ơi, kyuadah drei mâo klei ƀuăn anăn, brei drei bi doh hĕ drei pô mơ̆ng jih klei čhŏ mrŏ hlăm kđeh leh anăn mngăt, leh anăn bi klă klei doh jăk drei hlăm klei huĭ mpŭ kơ Aê Diê.

Galati 3:22

Ƀiădah Klei Aê Diê Blŭ hưn jih jang mnuih dôk ti gŭ klei myang klei soh, čiăng kơ hŏng klei đăo kơ Yêsu Krist, klei Aê Diê ƀuăn dưi brei kơ phung đăo.

Êphêsô 2:2

hlăm klei diih dôk dơ̆ng ƀơ̆ng huă mphŭn dô, tui hlue klei mưng lăn ala anei, tui hlue khua mâo klei dưi hlăm êngĭt, yang anăn dôk mă bruă ară anei hin hlăm phung amâo thâo gưt asăp ôh.

Êphêsô 4:22

Brei diih lui hĕ knuih hđăp diih tui si klei bhiăn diih dôk hdĭp mphŭn dô, jing soh jhat leh kyua klei tluh mplư.

Kôlôs 1:21

Leh anăn phung diih mphŭn dô dôk kbưi mơ̆ng Ñu, jing phung roh hlăm klei mĭn, ngă klei jhat,

I Têsalônik 4:13

Ơ phung ayŏng adei, hmei čiăng kơ diih thâo săng kơ klei djŏ kơ phung pĭt leh, čiăng kơ diih đăm ênguôt ôh msĕ si phung mkăn amâo mâo klei čang hmăng.

I Têsalônik 5:6

Snăn đăm brei drei pĭt ôh msĕ si phung mkăn, ƀiădah brei drei dôk răng leh anăn dôk êngal.

I Y-Timôthê 6:9

Bi phung čiăng jing mdrŏng lĕ hlăm klei mplư, djŏ kđông, leh anăn mâo lu klei čiăng mluk leh anăn bi knap. Klei anăn atăt mnuih kơ klei rai leh anăn kơ klei luč.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.

I Y-Pêtrôs 1:14

Msĕ si phung anak thâo gưt asăp, đăm tui ôh klei tluh diih mâo mphŭn dô hlăk diih ka thâo săng ôh.

II Y-Pêtrôs 2:14

Ală diñu duah klei tlĕ piu nanao, leh anăn ngă soh amâo thâo hrăp ôh. Diñu mplư phung awăt. Diñu mâo ai tiê bŏ hŏng klei tluh kơ ngăn dŏ. Diñu jing phung Aê Diê tăm pah leh!

II Y-Pêtrôs 2:18

Kyua klei mluk diñu bi mni kơ diñu pô kraih ktang, leh anăn hŏng klei kđeh tluh čhŏ mrŏ diñu mplư phung mrâo kbiă mơ̆ng phung hdĭp tui êlan soh.

I Y-Yôhan 2:16

Kyuadah jih jang mnơ̆ng hlăm lăn ala, klei kđeh tluh, klei ală tluh, klei mgao hlăm klei hdĭp, amâo kbiă hriê mơ̆ng Ama ôh, ƀiădah mơ̆ng lăn ala.

I Y-Yôhan 2:8

Ƀiădah ăt kâo čih kơ diih sa klei mtă mrâo, jing sĭt hlăm Ñu leh anăn hlăm diih, kyuadah klei mmăt dơ̆ng êgao tuč leh anăn klei mngač sĭt mtrang leh.