Êphêsô 2:18 - Klei Aê Diê Blŭ 2015

¹⁸ Kyuadah hlăm Ñu jih dua phung drei dưi nao truh kơ Ama hlăm sa Yang Mngăt Jăk.

Êphêsô 2:18 Iomraidhean Croise

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Y-Yôhan 10:7

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Y-Yôhan 14:6

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

Hră Y-Pôl Mơĭt kơ Phung Rôm 5:2

Hlăm Ñu drei mâo leh klei dưi mŭt dôk hlăm klei pap anei kyua klei đăo, leh anăn drei hơ̆k mơak hlăm klei čang hmăng srăng mâo klei guh kơang mbĭt hŏng Aê Diê.

Hră Y-Pôl Mơĭt kơ Phung Rôm 8:15

Kyuadah Mngăt Myang Aê Diê brei leh kơ diih amâo mjing diih hlŭn leh anăn brei diih huĭ ôh; ƀiădah lĕ, mjing diih anak Aê Diê. Kyuanăn drei iêô, “Aba, Ama!”

I Kôrantô 12:13

Kyuadah hŏng sa Yang Mngăt Jăk jih jang drei tŭ leh klei ƀaptem bi mguôp hlăm sa asei mlei — phung Yuđa amâodah phung Grĕk, phung hlŭn amâodah phung êngiê — leh anăn Aê Diê brei jih jang drei mnăm sa Yang Mngăt Jăk anăn.

I Kôrantô 8:6

ƀiădah kơ phung drei mâo knŏng sa čô Aê Diê, Ama. Ñu yơh hrih jih jang mnơ̆ng leh anăn drei hdĭp kơ Ñu; leh anăn mâo sa čô Khua Yang, Yêsu Krist, mơ̆ng Ñu jih jang mnơ̆ng jing leh, leh anăn mơ̆ng Ñu drei mâo klei hdĭp.

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

Êphêsô 3:12

Hlăm Krist anăn drei mâo klei jhŏng leh anăn klei knang dưi nao giăm Aê Diê hŏng klei drei đăo kơ Krist.

Êphêsô 3:14

Kyua klei anăn kâo čuôn kơŭt ti anăp Ama.

Êphêsô 4:4

Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

Êphêsô 6:18

Hŏng Yang Mngăt Jăk wah lač jêñ jêñ leh anăn kwưh. Răng kơ klei anăn nanao hŏng klei gĭr, êjai wah lač brei kơ jih jang phung doh jăk.

Kôlôs 1:12

êjai bi mni kơ Ama, Pô brei kơ drei klei năng dưi dưn ngăn mbĭt hŏng phung doh jăk hlăm ƀuôn ala mtao klei mngač.

Hêbrơ 7:19

(kyuadah klei bhiăn amâo dưi atăt sa mta mnơ̆ng jing klă ênŭm ôh). Bi ară anei hin klei čang hmăng jăk hĭn truh leh, hŏng klei anăn drei nao giăm Aê Diê.

Y-Yakơ 3:9

Hŏng êlah drei mpŭ mni kơ Khua Yang leh anăn Ama drei, ƀiădah hŏng êlah mơh drei tăm pah kơ mnuih, phung Aê Diê hrih leh tui si rup Ñu pô.

I Y-Pêtrôs 1:17

Leh anăn tơdah diih iêô Ama êjai wah lač kơ Aê Diê, Pô phat kđi grăp čô tui si bruă ñu amâo dlăng mnuih ti êngao ôh, brei diih hdĭp hŏng klei huĭ mpŭ êjai ênuk bhiâo diih dôk ti lăn ala.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

Y-Yut 1:20

Ƀiădah diih, Ơ phung kâo khăp, brei diih mdơ̆ng diih pô hlăm klei đăo doh jăk diih, leh anăn wah lač bĕ hŏng klei myang Yang Mngăt Jăk.