Êphêsô 2:12 - Klei Aê Diê Blŭ 2015

¹² Hdơr bĕ hlăk anăn diih amâo mâo Krist, amâo mâo klei dưi jing phung ƀuôn sang Israel, jing phung tue kơ klei bi mguôp brei klei ƀuăn, hdĭp ti lăn ala amâo mâo klei čang hmăng leh anăn amâo mâo Aê Diê ôh.

Êphêsô 2:12 Iomraidhean Croise

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

II Klei Yăl Dliê 15:3

Kyuadah êjai lu thŭn leh phung Israel amâo đăo kơ Aê Diê sĭt ôh, amâo mâo sa čô khua ngă yang mjuăt mtô kơ diñu, leh anăn amâo mâo klei bhiăn ôh;

Y-Êsra 4:3

Ƀiădah Y-Sôrôbabel, Y-Jêsua, leh anăn phung khua djuê ana srael lač kơ diñu, “Diih amâo mâo sa kdrêč mbĭt hŏng hmei ôh hlăm bruă mdơ̆ng sang yang kơ Aê Diê hmei; ƀiădah hjăn hmei pô srăng mdơ̆ng sang yang kơ Yêhôwa Aê Diê phung Israel tui si Y-Sirus mtao Persơ mtă leh kơ hmei.”

Klei Kbiă 12:45

Sa čô dôk jưh bhiâo leh anăn dĭng buăl mưn amâo dưi ƀơ̆ng ôh.

Y-Êsai 14:1

Yêhôwa srăng pap kơ phung Yakôp, leh anăn lŏ sa blư̆ srăng ruah phung Israel, leh anăn srăng dưm diñu hlăm čar diñu pô. Phung tue srăng bi mguôp hŏng diñu, leh anăn srăng dôk mbĭt hŏng sang Yakôp.

Y-Êsai 44:6

Snei Yêhôwa, Mtao Israel leh anăn Pô Bi Tui, Yêhôwa kơ phung kahan lač: “Kâo jing Pô tal êlâo hĭn leh anăn Pô knhal tuč; ti êngao kơ Kâo amâo lŏ mâo Aê Diê mkăn ôh.

Y-Êsai 45:20

“Bi kƀĭn bĕ diih leh anăn hriê bĕ, hriê giăm mđrăm mbĭt, diih phung ăt dôk hdĭp mơ̆ng phung găp mnuih! Phung amâo thâo săng ôh, phung kkung rup yang krah hŏng kyâo, leh anăn iêô wah lač kơ yang amâo dưi bi mtlaih.

Y-Êsai 61:5

Phung tue srăng dôk tinăn čiêm biăp bê diih, phung tue srăng jing phung kai hma diih leh anăn kiă phŭn boh kriăk ƀâo diih.

Y-Yêrêmi 14:8

Ơ Yêhôwa, Pô phung Israel čang hmăng, Pô Bi Mtlaih digơ̆ hlăm ênuk rŭng răng, si ngă Ih jing hĕ msĕ si sa čô tue hlăm čar, msĕ si sa čô hiu kbưi jưh đăm knŏng sa mlam?

Y-Yêrêmi 17:13

Ơ Yêhôwa, Ih jing klei čang hmăng phung Israel, jih jang hlei pô lui wir Ih srăng hêñ; diñu srăng luč đuĕ msĕ si anăn arăng čih ti lăn, kyuadah diñu lui wir leh Yêhôwa, Pô jing akŏ êa hdĭp.

Y-Êsêkiêl 13:9

‘Kngan Kâo srăng bi kdơ̆ng hŏng phung khua pô hưn êlâo phung bi ƀuh klei luar leh anăn blŭ klei mdian luar. Diñu amâo srăng dôk hlăm klei phung ƀuôn sang Kâo bi kƀĭn ôh, kăn arăng čih anăn diñu rei hlăm hră čih anăn sang Israel, kăn diñu srăng mŭt hlăm čar Israel rei; leh anăn diih srăng thâo kơ Kâo jing Yêhôwa Aê Diê.

Y-Êsêkiêl 37:26

Kâo srăng ngă sa klei bi mguôp kơ klei êđăp ênang mbĭt hŏng diñu; klei anăn srăng jing klei bi mguôp hlŏng lar mbĭt hŏng diñu; Kâo srăng hơêč hmưi kơ diñu leh anăn bi lar êngŭm diñu, leh anăn Kâo srăng dưm adŭ doh jăk Kâo ti krah diñu hlŏng lar.

Y-Êsêkiêl 47:22

Brei diih bi mbha čar anăn jing ngăn dưn kơ diih pô leh anăn kơ phung tue dôk ti krah diih leh anăn kkiêng leh kơ phung anak ti krah diih. Brei diih yap diñu msĕ si phung anak êkei čar pô hlăm čar Israel; mbĭt hŏng diih arăng srăng bi mbha ngăn dưn kơ diñu ti krah phung găp djuê Israel.

Y-Ôsê 3:4

Kyuadah phung anak čô Israel srăng dôk lu hruê amâo mâo ôh mtao amâodah khua, amâo mâo klei ngă yang amâodah kmeh, amâo mâo êphôt amâodah têraphim.

Klei Yap 18:19

Jih jang mnơ̆ng myơr doh jăk phung ƀuôn sang Israel myơr kơ Yêhôwa, Kâo brei kơ ih, kơ phung anak êkei leh anăn kơ phung anak mniê ih mbĭt hŏng ih, jing klei djŏ dôk nanao. Klei anăn jing klei bi mguôp mâo hra dôk nanao ti anăp Yêhôwa pioh kơ ih leh anăn kơ phung anak čô ih mbĭt hŏng ih.”

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Y-Yôhan 10:16

Leh anăn Kâo lŏ mâo phung biăp mkăn amâo dôk hlăm war anei ôh. Kâo srăng atăt ba wĭt phung anăn msĕ mơh, leh anăn digơ̆ srăng hmư̆ asăp Kâo. Snăn srăng mâo sa phung biăp leh anăn sa čô mgăt.

Y-Yôhan 15:5

Kâo jing ana boh kriăk ƀâo, diih jing adhan. Hlei pô dôk hlăm Kâo leh anăn Kâo dôk hlăm ñu, ñu anăn srăng mboh lu. Kyuadah tơdah amâo mâo Kâo, diih amâo dưi ngă sa klei ôh.

Y-Yôhan 4:22

Diih kkuh mpŭ kơ pô diih amâo thâo kral ôh; bi hmei dê hmei kkuh mpŭ kơ Pô hmei thâo kral leh, kyuadah klei bi mtlaih kbiă hriê mơ̆ng phung Yuđa.

Bruă Phung Khua Ƀĭng Kna 2:39

Kyuadah klei ƀuăn pioh kơ diih, kơ phung anak diih, leh anăn kơ jih jang hlei pô dôk kbưi, kơ grăp čô mnuih Khua Yang Aê Diê drei srăng iêô kơ Ñu.”

Bruă Phung Khua Ƀĭng Kna 28:20

Kyuanăn yơh kâo akâo čiăng bi tuôm leh anăn blŭ hrăm hŏng diih, kyua klei phung Israel čang hmăng yơh arăng kă kâo hŏng klei săng đai anei.”

Bruă Phung Khua Ƀĭng Kna 3:25

Diih jing anak čô phung khua pô hưn êlâo leh anăn klei bi mguôp Aê Diê ngă leh hŏng phung aê drei, êjai lač kơ Y-Abraham, ‘Jih jang phung găp djuê mnuih ti lăn ala srăng mâo klei hơêč hmưi mơ̆ng anak čô ih.’

Hră Y-Pôl Mơĭt kơ Phung Rôm 9:8

Klei anăn čiăng lač amâo djŏ ôh phung anak tui si kđeh jing anak Aê Diê, ƀiădah phung anak tui si klei Aê Diê ƀuăn arăng yap jing găp djuê sĭt.

Galati 4:8

Mphŭn dô tơdah diih amâo thâo kral Aê Diê ôh, diih jing leh hlŭn kơ yang amâo sĭt.

Êphêsô 2:19

Snăn diih amâo lŏ jing phung tue leh anăn phung ti êngao ôh, ƀiădah diih jing phung ƀuôn sang mbĭt hŏng phung doh jăk, leh anăn jing găp djuê Aê Diê,

Êphêsô 4:18

Klei thâo săng diñu jing hĕ mmăt leh, bi ktlah leh mơ̆ng klei hdĭp Aê Diê kyua klei diñu mluk kbiă hriê mơ̆ng ai tiê khăng diñu.

Kôlôs 1:21

Leh anăn phung diih mphŭn dô dôk kbưi mơ̆ng Ñu, jing phung roh hlăm klei mĭn, ngă klei jhat,

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

Kôlôs 1:5

kyua klei čang hmăng pioh leh kơ diih hlăm adiê. Diih hmư̆ leh klei anăn mơ̆ng êlâo hlăm klei blŭ sĭt nik jing klei mrâo mrang jăk

I Têsalônik 4:13

Ơ phung ayŏng adei, hmei čiăng kơ diih thâo săng kơ klei djŏ kơ phung pĭt leh, čiăng kơ diih đăm ênguôt ôh msĕ si phung mkăn amâo mâo klei čang hmăng.

I Têsalônik 4:5

amâo djŏ ôh hŏng klei tluh msĕ si phung tue amâo thâo kral Aê Diê.

II Têsalônik 2:16

Ară anei akâo kơ Khua Yang drei Yêsu Krist pô, leh anăn Aê Diê Ama drei, Pô khăp kơ drei leh anăn brei leh kơ drei hŏng klei pap klei bi juh hlŏng lar leh anăn čang hmăng jăk,

I Y-Timôthê 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei mtă mơ̆ng Aê Diê Pô Bi Mtlaih drei leh anăn Krist Yêsu Pô jing klei čang hmăng drei,

Hêbrơ 11:34

bi ram hĕ pui hlơr, tlaih mơ̆ng mta đao gưm, êjai awăt lŏ jing ktang, dưi hlăm klei bi blah, suôt phung kahan tue.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

Hêbrơ 8:6

Ƀiădah ară anei Krist mâo leh bruă prŏng ti dlông hĭn kyua klei Ñu jing Pô ti krah kơ klei bi mguôp jăk hĭn, kyuadah Ñu mdơ̆ng klei bi mguôp anăn ti dlông klei ƀuăn jăk hĭn.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.

I Y-Pêtrôs 3:15

Ƀiădah hlăm ai tiê diih brei diih mpŭ kơ Krist jing Khua Yang, kăp răng nanao čiăng mgang diih pô čiăng dưi lŏ wĭt lač kơ hlei pô êmuh čiăng thâo săng kơ klei diih čang hmăng;

I Y-Yôhan 3:3

Grăp čô mâo klei čang hmăng anei hlăm Krist bi doh ñu pô msĕ si Krist pô jing doh.