Êphêsô 1:8 - Klei Aê Diê Blŭ 2015

⁸ Ñu tuh leh êbeh dlai kơ drei hlăm jih klei thâo mĭn leh anăn klei thâo săng.

Êphêsô 1:8 Iomraidhean Croise

Klei Mmuñ Hđăp 104:24

Ơ Yêhôwa, bruă Ih lu êdimima! Ih ngă diñu jih hŏng klei thâo mĭn; lăn ala bŏ leh hŏng mnơ̆ng Ih hrih.

Klei Bi Hriêng 8:12

Kâo gơ̆ klei knhâo, dôk mbĭt hŏng klei thâo mĭn, kâo mâo klei thâo săng leh anăn klei ksiêm.

Y-Êsai 52:13

Nĕ anei, dĭng buăl Kâo srăng đĭ kyar, arăng srăng mpŭ kơ Ñu leh anăn bi mđĭ Ñu, Ñu srăng dôk ti anôk dlông snăk.

Y-Mathiơ 11:19

Anak Mnuih hriê leh ƀơ̆ng huă mnăm, leh anăn diñu lač, ‘Nĕ anei, sa čô ră ƀơ̆ng leh anăn ră mnăm, mah jiăng hŏng phung rĭng jia leh anăn phung soh.’ Ƀiădah arăng yap kpă klei thâo mĭn ti bruă ñu ngă.”

Hră Y-Pôl Mơĭt kơ Phung Rôm 11:33

Ơ, êlam êdi klei mdrŏng Aê Diê, klei thâo mĭn leh anăn klei thâo săng Ñu! Si dưi mblang klei Ñu phat kđi! Leh anăn si dưi thâo săng klei Ñu ngă!

Hră Y-Pôl Mơĭt kơ Phung Rôm 5:15

Ƀiădah klei brei hơăi amâo jing msĕ si klei soh Y-Ađam ôh. Kyuadah tơdah lu mnuih djiê leh kyua klei soh sa čô mnuih, kdlưn hĭn mơh klei Aê Diê pap leh anăn klei brei hơăi mang hŏng klei pap hlăm sa čô, Yêsu Krist, srăng truh êbeh dlai kơ lu mnuih.

I Kôrantô 2:7

Ƀiădah hmei bi mbha klei thâo mĭn Aê Diê hgăm leh anăn ka bi êdah ôh, klei thâo mĭn anăn Aê Diê čuăn pioh leh mơ̆ng êlâo jih jang ênuk kơ klei bi guh kơang drei.

Êphêsô 1:11

Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 1:9

Aê Diê brei drei thâo leh klei yuôm hgăm hlăm klei Ñu čiăng, tui si klei Ñu mơak čuăn leh êlâo hlăm Krist,

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

Kôlôs 2:3

Jih jang hjiê klei thâo mĭn leh anăn klei thâo săng mdăp leh hlăm Ñu.

Y-Yut 1:25

kơ knŏng sa čô Aê Diê, Pô Bi Mtlaih drei, hlăm Yêsu Krist Khua Yang drei, brei mâo klei guh kơang, klei kdrăm, klei kiă kriê, leh anăn klei dưi, mơ̆ng êlâo kơ jih jang ênuk, ară anei hin, leh anăn hlŏng lar. Amen.

Klei Bi Êdah 5:12

Diñu mmuñ hŏng asăp kraih, “Êđai Biăp arăng bi mdjiê leh mâo klei năng mă tŭ klei myang, klei mdrŏng, klei thâo mĭn, klei ktang, klei mpŭ, klei guh kơang, leh anăn klei arăng mpŭ mni!”