Êphêsô 1:7 - Klei Aê Diê Blŭ 2015

⁷ Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 1:7 Iomraidhean Croise

Y-Yôp 33:24

leh anăn ñu pap kơ gơ̆ leh anăn lač, ‘Bi mtlaih bĕ gơ̆, đăm brei gơ̆ trŭn nao kơ Ƀăng Êlam ôh, kâo mâo leh mnơ̆ng bi tui;

Klei Mmuñ Hđăp 130:4

Ƀiădah Ih thâo pap brei, kyuanăn arăng huĭ mpŭ kơ Ih.

Klei Mmuñ Hđăp 130:7

Ơ Phung Israel, čang hmăng bĕ kơ Yêhôwa; kyuadah Yêhôwa bŏ hŏng klei jăk, leh anăn mâo klei myang êbeh dlai dưi bi tui.

Klei Mmuñ Hđăp 86:5

kyuadah Ih jing jăk leh anăn thâo pap brei, Ơ Khua Yang. Ih bŏ hŏng klei khăp kơ jih jang phung iêô wah lač kơ Ih.

Klei Kbiă 34:7

Ñu djă pioh klei khăp kơ lu êbâo ênuk mnuih, pap brei klei wê, klei gao klei bhiăn, leh anăn klei soh; ƀiădah ñu amâo yap kpă ôh mnuih soh, bi lĕ klei bi kmhal klei wê phung ama kơ phung anak leh anăn kơ phung čô čĕ tơl kơ ênuk tal tlâo leh anăn tal pă.”

Y-Êsai 43:25

Kâo, Kâo yơh jing Pô lăm hĕ klei diih gao klei bhiăn kyua anăn Kâo pô, leh anăn Kâo amâo srăng lŏ hdơr kơ klei soh diih ôh.

Y-Yêrêmi 31:34

Grăp čô amâo srăng lŏ bi hriăm ôh pô riêng gah ñu leh anăn ayŏng adei ñu, lač, ‘Thâo kral bĕ Yêhôwa,’ kyuadah jih jang diñu srăng thâo kral Kâo, dơ̆ng mơ̆ng pô điêt hĭn truh kơ pô prŏng hĭn,” Yêhôwa lač. “Kyuadah Kâo srăng pap brei klei wê diñu, leh anăn Kâo amâo srăng lŏ hdơr klei soh diñu ôh.”

Y-Đaniel 9:19

Ơ Yêhôwa, hmư̆ bĕ; Ơ Yêhôwa pap brei bĕ; Ơ Yêhôwa, hmư̆ leh anăn ngă bĕ; đăm lŏ krư̆i ôh kyua anăn Ih pô, Ơ Aê Diê kâo, kyua ƀuôn Ih leh anăn phung ƀuôn sang Ih arăng pia hŏng anăn Ih.”

Y-Đaniel 9:9

Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Y-Yôna 4:2

Ñu wah lač kơ Yêhôwa, lač: “Kâo kwưh kơ Ih, Ơ Yêhôwa, amâo djŏ hĕ klei anei kâo lač leh êjai kâo ăt dôk hlăm čar kâo? Kyuanăn yơh kâo ruăt đuĕ nao kơ čar Tarsis; kyuadah kâo thâo Ih jing Aê Diê thâo ngă jăk, thâo pap, amâo djăl ăl ôh, bŏ hŏng klei jăk, leh anăn bi mlih klei mĭn amâo ngă klei jhat ôh.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Sakari 13:1

“Ti hruê anăn, arăng srăng pŏk sa akŏ êa kơ sang Y-Đawit leh anăn kơ phung dôk hlăm ƀuôn Yêrusalem, čiăng bi doh diñu mơ̆ng klei soh leh anăn klei čhŏ mrŏ.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 9:11

Bi kơ ih msĕ mơh, kyuadah êrah klei Kâo bi mguôp hŏng ih, Kâo srăng phưi phung mnă ih mơ̆ng ƀăng êlam amâo mâo êa ôh.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Y-Mathiơ 26:28

kyuadah anei jing êrah Kâo, êrah kơ klei bi mguôp tuh kyua lu mnuih čiăng pap brei klei soh diñu.

Y-Mathiơ 6:12

Pap brei kơ klei soh hmei, msĕ si hmei pap brei mơh kơ mnuih bi msoh kơ hmei leh.

Y-Markôs 14:24

Yêsu lač kơ digơ̆, “Anei jing êrah Kâo, êrah kơ klei bi mguôp tuh brei kơ lu mnuih.

Y-Luk 1:77

čiăng brei kơ phung ƀuôn sang Ñu klei thâo săng kơ klei bi mtlaih hŏng klei pap brei klei soh diñu,

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Y-Yôhan 20:23

Tơdah diih pap brei klei soh arăng, digơ̆ srăng mâo klei pap brei; leh anăn tơdah diih djă pioh klei soh arăng, klei soh digơ̆ ăt dôk snăn.”

Bruă Phung Khua Ƀĭng Kna 10:43

Jih jang phung khua pô hưn êlâo hưn leh hlei pô đăo kơ Ñu mâo klei pap brei kơ klei soh hlăm anăn Ñu.”

Bruă Phung Khua Ƀĭng Kna 2:38

Y-Pêtrôs lač kơ diñu, “Kmhal bĕ kơ klei soh diih, leh anăn brei grăp čô diih tŭ klei ƀaptem hlăm anăn Yêsu Krist, čiăng mâo klei pap brei kơ klei soh diih; leh anăn diih srăng mă tŭ Yang Mngăt Jăk Aê Diê brei.

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

Bruă Phung Khua Ƀĭng Kna 3:19

Kyuanăn kmhal bĕ kơ klei soh diih leh anăn lŏ wĭt kơ Aê Diê, čiăng kơ Ñu pap brei klei soh diih,

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

Hră Y-Pôl Mơĭt kơ Phung Rôm 3:24

leh anăn diñu mâo hơăi mang klei yap kpă hŏng klei Aê Diê pap, hlăm klei Krist Yêsu bi tui.

Hră Y-Pôl Mơĭt kơ Phung Rôm 3:25

Aê Diê čuăn leh Yêsu Krist brei Ñu jing mnơ̆ng bi tui klei soh hŏng êrah Ñu, čiăng kơ arăng mă tŭ hŏng klei đăo. Klei anăn čiăng bi êdah klei kpă ênô Aê Diê, kyuadah hŏng klei gĭr Ñu lui amâo bi kmhal ôh klei soh arăng ngă êlâo tinăn.

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

II Kôrantô 8:9

Kyuadah diih thâo leh klei pap Khua Yang drei Yêsu Krist: wăt tơdah Ñu jing mdrŏng, ăt Ñu bi ƀun Ñu pô kyua diih, čiăng kơ hŏng klei Ñu ƀun ƀin, diih dưi jing mdrŏng.

Êphêsô 1:14

Yang Mngăt Jăk anăn jing mnơ̆ng ƀuăn rơ̆ng kơ klei drei dưn ngăn, tơl drei mă tŭ ngăn dưn anăn, pioh bi mni kơ klei guh kơang Ñu.

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Êphêsô 1:8

Ñu tuh leh êbeh dlai kơ drei hlăm jih klei thâo mĭn leh anăn klei thâo săng.

Êphêsô 2:4

Ƀiădah Aê Diê, Pô mdrŏng hŏng klei pap, kyua klei Ñu khăp kơ drei prŏng snăk,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:16

Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu;

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Philip 4:19

Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Kôlôs 1:14

Hlăm Anak Ñu anăn drei mâo leh klei bi tui, klei pap brei kơ klei soh.

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

Kôlôs 2:13

Hlăk êlâo diih djiê leh hlăm klei soh leh anăn hlăm kđeh amâo mâo klei khăt klĭt ôh, Aê Diê lŏ bi hdĭp diih leh mbĭt hŏng Krist. Ñu pap brei leh jih jang klei soh drei.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

I Y-Timôthê 2:6

Pô jao leh Ñu pô jing ênoh bi tui kơ jih jang mnuih. Snăn jing klei hưn bi sĭt kơ hdră Aê Diê čiăng ngă hlăm ênuk djŏ.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Y-Tit 3:6

Pô Ñu tuh leh kơ drei êbeh dlai hlăm Yêsu Krist, Pô Bi Mtlaih drei,

Hêbrơ 9:22

Sĭt nik tui si klei bhiăn păt čiăng jih jang mnơ̆ng arăng bi doh hŏng êrah, leh anăn tơdah amâo mâo ôh êrah tuh, amâo mâo klei pap brei kơ klei soh ôh.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

I Y-Yôhan 2:12

Ơ phung anak điêt, kâo čih kơ diih, kyuadah klei soh diih Aê Diê pap brei leh kyua anăn Ñu.

I Y-Yôhan 2:2

Ñu jing Pô bi tui klei soh drei, leh anăn amâo djŏ knŏng kơ klei soh drei ôh, ƀiădah wăt kơ klei soh jih lăn ala.

I Y-Yôhan 4:10

Hlăm klei anei jing klei khăp, amâo djŏ drei khăp leh kơ Aê Diê ôh, ƀiădah Aê Diê khăp leh kơ drei, leh anăn tiŏ hriê Anak Ñu jing mnơ̆ng ngă yang bi tui klei soh drei.

Klei Bi Êdah 14:4

Phung anăn yơh amâo tuôm bi čhŏ digơ̆ pô hŏng mniê ôh, kyuadah digơ̆ jing phung hrông. Digơ̆ yơh tui hlue Êđai Biăp tar ƀar ti anôk Ñu nao. Aê Diê bi tui digơ̆ leh mơ̆ng phung mnuih jing boh hlâo hlang kơ Aê Diê leh anăn kơ Êđai Biăp.

Klei Bi Êdah 5:9

Diñu mmuñ sa klei mmuñ mrâo snei, “Ih mâo klei năng mă hdruôm hră klĭt anăn leh anăn ruh mnơ̆ng kđăm, kyuadah arăng bi mdjiê Ih leh, leh anăn hŏng êrah Ih Pô Ih bi tui leh phung mnuih kơ Aê Diê mơ̆ng jih jang krĭng, jih jang klei blŭ, jih jang ƀuôn sang, leh anăn jih jang găp djuê mnuih.