Êphêsô 1:4 - Klei Aê Diê Blŭ 2015

⁴ Ñu ruah leh drei hlăm Krist êlâo kơ klei hrih lăn ala, čiăng kơ drei jing doh jăk leh anăn amâo mâo klei ƀuah ôh ti anăp Ñu.

Êphêsô 1:4 Iomraidhean Croise

II Y-Samuel 22:24

Kâo amâo mâo klei arăng ƀuah ôh ti anăp Ñu, leh anăn kâo mkhư̆ kâo pô kơ klei wê.

Klei Mmuñ Hđăp 135:4

Kyuadah Yêhôwa ruah leh phung Yakôp kơ Ñu pô, čiăng kơ phung Israel jing ngăn dưn Ñu.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Bruă Lêwi 19:2

“Lač bĕ kơ jih phung ƀuôn sang Israel bi kƀĭn, ‘Brei diih jing doh jăk, kyuadah Kâo, Yêhôwa Aê Diê diih jing doh jăk.

Bruă Lêwi 20:7

Kyuanăn pioh brei bĕ diih pô leh anăn jing doh jăk, kyuadah Kâo jing Yêhôwa Aê Diê diih.

Y-Mathiơ 24:22

Tơdah Aê Diê amâo bi hrŏ hruê anăn, amâo mâo sa čô mnuih dưi tlaih ôh. Ƀiădah Aê Diê srăng bi hrŏ hruê anăn kyua phung Ñu ruah leh.

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Mathiơ 24:31

Hŏng asăp ki kraih ktang Ñu srăng tiŏ nao phung dĭng buăl jăk Ñu bi kƀĭn phung Aê Diê ruah leh mơ̆ng pă kiêng lăn ala, dơ̆ng mơ̆ng knhal adiê anei truh ti knhal adiê adih.”

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Y-Yôhan 10:16

Leh anăn Kâo lŏ mâo phung biăp mkăn amâo dôk hlăm war anei ôh. Kâo srăng atăt ba wĭt phung anăn msĕ mơh, leh anăn digơ̆ srăng hmư̆ asăp Kâo. Snăn srăng mâo sa phung biăp leh anăn sa čô mgăt.

Y-Yôhan 15:16

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Y-Yôhan 17:24

Ơ Ama, Kâo čiăng kơ phung Ih brei leh kơ Kâo msĕ mơh dưi dôk mbĭt hŏng Kâo ti anôk Kâo dôk, čiăng kơ diñu ƀuh klei guh kơang Kâo, Ih brei leh kơ Kâo kyua Ih khăp leh kơ Kâo êlâo kơ klei hrih lăn ala.

Bruă Phung Khua Ƀĭng Kna 13:48

Tơdah phung tue hmư̆ klei anăn, diñu hơ̆k kdơ̆k leh anăn mpŭ mni kơ klei Khua Yang blŭ. Leh anăn dŭm čô Aê Diê čuăn leh kơ klei hdĭp hlŏng lar đăo.

Bruă Phung Khua Ƀĭng Kna 15:18

Snăn Khua Yang lač, Pô brei arăng thâo klei anei mơ̆ng ênuk đưm.’

Bruă Phung Khua Ƀĭng Kna 18:10

kyuadah Kâo dôk mbĭt hŏng ih, leh anăn amâo mâo ôh sa čô srăng ngă jhat kơ ih. Kyuadah Kâo mâo lu mnuih hlăm ƀuôn anei.”

Hră Y-Pôl Mơĭt kơ Phung Rôm 8:33

Hlei pô srăng kčŭt kơ phung Aê Diê ruah lĕ? Aê Diê pô yơh yap diñu kpă.

I Kôrantô 1:8

Ñu srăng bi kjăp diih tơl knhal tuč, amâo mâo klei dưi ƀuah ôh ti Hruê Khua Yang drei, Yêsu Krist.

Galati 5:13

Ơ phung ayŏng adei, arăng iêô leh diih kơ klei êngiê, ƀiădah đăm yua ôh klei êngiê diih jing êlan brei klei ngă tui si kđeh, ƀiădah hlăm klei khăp brei diih jing dĭng buăl hdơ̆ng diih.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Êphêsô 3:17

leh anăn čiăng kơ Krist dưi dôk hlăm ai tiê diih hŏng klei đăo. Leh anăn kâo wah lač čiăng kơ diih mtrŭn agha leh anăn mdơ̆ng atur hlăm klei khăp,

Êphêsô 4:2

hŏng jih klei luă gŭ, êdu êun, leh anăn klei gĭr, brei diih bi đru hdơ̆ng diih hŏng klei khăp,

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Êphêsô 5:27

čiăng bi êdah ti anăp Ñu Phung Sang Aê Diê anei bŏ hŏng klei guh kơang, amâo mâo anôk čhŏ, amâo mâo anôk kčŭng, amâo mâo mnơ̆ng msĕ snăn ôh, čiăng kơ gơ̆ dưi jing doh jăk amâo mâo anôk jhat ôh.

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

Kôlôs 1:22

ƀiădah ară anei Aê Diê bi grăng leh diih hŏng klei Anak êkei Ñu djiê hlăm asei mlei kđeh, čiăng bi êdah diih ti anăp Ñu jing doh jăk, amâo mâo klei dưi ƀuah ôh,

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

I Têsalônik 3:12

Leh anăn akâo kơ Khua Yang bi mđĭ êbeh dlai klei diih bi khăp hdơ̆ng diih leh anăn kơ jih jang mnuih, msĕ si hmei khăp kơ diih,

I Têsalônik 4:7

Kyuadah Aê Diê amâo iêô ôh drei kơ klei čhŏ mrŏ, ƀiădah kơ klei doh jăk.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

II Y-Timôthê 2:10

Kyuanăn kâo gĭr tŭ jih kyua phung Aê Diê ruah leh, čiăng kơ diñu msĕ mơh dưi mâo klei bi mtlaih hlăm Krist Yêsu mbĭt hŏng klei guh kơang hlŏng lar.

II Y-Timôthê 2:19

Ƀiădah atur Aê Diê ăt dôk kjăp, mâo klei kđăm anei: “Khua Yang thâo kral hlei phung jing dŏ Ñu,” leh anăn “Brei grăp čô hlei pô iêô anăn Khua Yang, đuĕ kbưi mơ̆ng klei soh.”

Y-Yakơ 2:5

Hmư̆ bĕ, Ơ phung ayŏng adei kâo khăp. Amâo djŏ hĕ Aê Diê tuôm ruah leh phung ƀun ƀin hlăm lăn ala brei jing mdrŏng hlăm klei đăo, leh anăn jing phung dưn ƀuôn ala mtao Ñu ƀuăn leh kơ phung khăp kơ Ñu?

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.

I Y-Pêtrôs 1:20

Aê Diê čuăn pioh ñu leh mơ̆ng mphŭn klei hrih lăn ala, ƀiădah bi êdah leh hlăm ênuk knhal tuč kyua diih.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

II Y-Pêtrôs 3:14

Snăn, Ơ phung kâo khăp, kyuadah diih dôk guôn klei anăn, brei diih hur har čiăng kơ Ñu ƀuh diih dôk êđăp ênang, amâo mâo klei čhŏ amâodah klei dưi ƀuah diih ôh.

I Y-Yôhan 4:16

Snăn drei thâo leh anăn đăo kơ Aê Diê khăp kơ drei. Aê Diê jing klei khăp. Hlei pô dôk hlăm klei khăp dôk hlăm Aê Diê, leh anăn Aê Diê dôk hlăm ñu.

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.

Klei Bi Êdah 17:8

Hlô dliê ih ƀuh anăn jing leh, leh anăn amâo lŏ jing ôh, leh anăn srăng kbiă mơ̆ng ƀăng êlam leh anăn nao kơ klei rai tuč. Leh anăn phung dôk ti lăn ala amâo mâo anăn čih leh hlăm hdruôm hră klei hdĭp mơ̆ng ênuk hrih lăn ala srăng bi kngăr êjai ƀuh hlô dliê anăn, kyuadah ñu jing leh, leh anăn amâo lŏ jing ôh, leh anăn ñu srăng lŏ hriê.