Êphêsô 1:3 - Klei Aê Diê Blŭ 2015

³ Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Êphêsô 1:3 Iomraidhean Croise

Klei Mphŭn Dơ̆ng 14:20

Leh anăn mpŭ mni kơ Aê Diê, Pô Ti Dlông Hĭn, Pô jao leh phung roh ih hlăm kngan ih.” Leh anăn Y-Abram brei kơ Y-Mêlkisadek sa kdrêč hlăm pluh jih mnơ̆ng ñu plah mă leh.

Klei Mphŭn Dơ̆ng 22:18

Jih jang phung găp djuê hlăm lăn ala srăng mâo klei jăk jĭn kyua phung anak čô ih, kyuadah ih gưt leh asăp Kâo.”

I Klei Yăl Dliê 29:20

Leh anăn Y-Đawit lač kơ jih jang phung bi kƀĭn, “Mpŭ mni kơ Yêhôwa Aê Diê diih.” Leh anăn jih jang phung bi kƀĭn mpŭ mni kơ Yêhôwa Aê Diê phung aê diñu, kkui kŏ diñu, leh anăn kkuh mpŭ kơ Yêhôwa, leh anăn kkuh kơ mtao.

I Klei Yăl Dliê 4:10

Y-Jabes iêô wah lač kơ Aê Diê Israel, lač, “Ơ, čiăng kơ ih brei klei jăk jĭn kơ kâo leh anăn bi ƀai knông lăn kâo, leh anăn čiăng kơ kngan ih dưi dôk mbĭt hŏng kâo, leh anăn čiăng kơ ih srăng kiă kriê kâo kơ klei jhat čiăng kơ klei anăn đăm truh kơ kâo ôh!” Aê Diê brei kơ ñu klei ñu akâo leh.

II Klei Yăl Dliê 31:8

Tơdah Y-Hêsêkia leh anăn phung khua hriê dlăng leh anăn ƀuh lu kăm dŏ myơr, diñu bi mni kơ Yêhôwa leh anăn kơ phung ƀuôn sang Ñu Israel.

Y-Nêhêmi 9:5

Phung Lêwi, Y-Jêsua, Y-Katmiêl, Y-Bani, Y-Hasabneya, Y-Sêrêbia, Y-Hôdia, Y-Sêbania, leh anăn Y-Pêthahia lač, “Kgŭ dơ̆ng leh anăn hơêč hmưi bĕ kơ Yêhôwa Aê Diê diih Pô jing mơ̆ng ênuk hlŏng lar kơ ênuk hlŏng lar. Ơ Yêhôwa, mpŭ mni kơ anăn guh kơang Ih, anăn mâo klei mpŭ hĭn kơ jih klei hơêč hmưi leh anăn klei bi mni.”

Klei Mmuñ Hđăp 134:3

Akâo kơ Yêhôwa brei klei jăk jĭn kơ diih mơ̆ng ƀuôn Siôn; Ñu yơh Pô hrih adiê leh anăn lăn ala.

Klei Mmuñ Hđăp 72:17

Brei anăn ñu dôk hlŏng lar, brei klei hing ang ñu ăt dôk êjai yang hruê ăt dôk. Brei jih jang găp djuê mnuih mâo klei jăk jĭn kyua ñu, brei jih jang digơ̆ hơêč hmưi kơ ñu.

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Y-Êsai 61:9

Arăng srăng thâo kral phung anak čô diñu ti krah phung găp djuê mnuih, leh anăn phung čô čĕ diñu ti krah phung ƀuôn sang. Jih jang phung ƀuh diñu srăng thâo săng diñu jing sa phung ƀuôn sang Yêhôwa hơêč hmưi leh.”

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Luk 2:28

Y-Simêôn pŭ hđeh điêt anăn, bi mni kơ Aê Diê, leh anăn lač,

Y-Yôhan 14:20

Hlăm hruê anăn diih srăng thâo kơ Kâo dôk hlăm Ama Kâo, leh anăn diih dôk hlăm Kâo, leh anăn Kâo dôk hlăm diih.

Y-Yôhan 17:21

čiăng kơ jih jang diñu jing sa; msĕ si Ih, Ơ Ama, dôk hlăm Kâo, leh anăn Kâo dôk hlăm Ih, čiăng kơ diñu msĕ mơh dôk hlăm Drei; čiăng kơ lăn ala dưi đăo kơ Ih tiŏ hriê leh Kâo.

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Hră Y-Pôl Mơĭt kơ Phung Rôm 12:5

msĕ snăn mơh drei jing lu, ƀiădah jing sa asei mlei hlăm Krist, leh anăn grăp čô drei jing kdrêč mdê mdê, ƀiădah bi mguôp hdơ̆ng drei jing sa asei mlei.

Hră Y-Pôl Mơĭt kơ Phung Rôm 15:6

čiăng kơ mđrăm mbĭt hŏng sa asăp diih dưi mpŭ mni kơ Aê Diê, Ama kơ Khua Yang drei Yêsu Krist.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

I Kôrantô 12:12

Kyuadah msĕ si asei mlei jing sa ƀiădah mâo lu kdrêč, jih jang kdrêč hlăm asei mlei, wăt tơdah diñu jing lu dưn, mjing knŏng sa asei mlei, msĕ snăn yơh hlăm Krist.

II Kôrantô 1:3

Mpŭ mni kơ Aê Diê leh anăn Ama Khua Yang drei Yêsu Krist, Ama kơ klei thâo pap leh anăn Aê Diê kơ jih klei bi juh,

II Kôrantô 11:31

Aê Diê, Ama Khua Yang Yêsu, Pô mâo klei arăng bi mni nanao hlŏng lar, thâo leh kâo amâo luar ôh.

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 3:9

Snăn hlei pô đăo mâo klei jăk jĭn mbĭt hŏng Y-Abraham, pô mâo leh klei đăo.

Êphêsô 1:10

čiăng bi truh hlăm ênuk Ñu bi kčah leh bi mguôp mbĭt jih jang mnơ̆ng kơ sa čô khua, jing Krist, mnơ̆ng hlăm adiê wăt mnơ̆ng hlăm lăn ala.

Êphêsô 1:17

Kâo akâo kơ Aê Diê Khua Yang drei Yêsu Krist, Ama klei guh kơang, srăng brei kơ diih Mngăt Myang klei thâo mĭn leh anăn klei bi êdah, čiăng thâo kral Ñu,

Êphêsô 1:20

Aê Diê mă bruă leh hlăm Krist tơdah Ñu bi hdĭp Gơ̆ leh mơ̆ng phung djiê leh anăn brei Gơ̆ dôk gŭ tĭng hnuă Ñu ti jih anôk hlăm adiê,

Êphêsô 2:6

Ñu bi kbiă lŏ hdĭp drei leh mbĭt hŏng Krist Yêsu, leh anăn Ñu brei drei dôk gŭ mbĭt hŏng Gơ̆ ti jih anôk hlăm adiê,

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

Êphêsô 6:12

Kyuadah drei amâo bi kdơ̆ng hŏng kđeh leh anăn êrah ôh, ƀiădah hŏng phung khua kiă kriê, hŏng phung mâo klei dưi, hŏng phung khua mtao lăn ala ênuk mmăt anei, hŏng phung yang jhat ƀai dôk hlăm jih adiê.

Philip 2:11

leh anăn jih jang êlah srăng hưn kơ Yêsu Krist jing Khua Yang, čiăng bi guh kơang Aê Diê Ama.

Hêbrơ 8:5

Diñu mă bruă hlăm anôk doh jăk, anôk doh jăk anei jing rup leh anăn êyui kơ adŭ doh jăk hlăm adiê; kyuadah tơdah Y-Môis dơ̆ng ngă sang čhiăm, Aê Diê mtă kơ ñu snei, “Răng bĕ, brei ih ngă jih jang tui si rup Kâo bi êdah leh kơ ih ti dlông čư̆.”

Hêbrơ 9:23

Snăn jing yuôm kơ rup mnơ̆ng hlăm adiê mâo klei bi doh tui si klei bhiăn anăn, ƀiădah mnơ̆ng hlăm adiê sĭt hŏng mnơ̆ng ngă yang jăk hĭn kơ mnơ̆ng ngă yang êlâo.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.