Êphêsô 1:23 - Klei Aê Diê Blŭ 2015

²³ Phung Sang Aê Diê anăn jing asei mlei Krist, čiăng lač klei bŏ ênŭm Gơ̆, Pô bi bŏ ênŭm jih hlăm jih jang.

Êphêsô 1:23 Iomraidhean Croise

Y-Yôhan 1:16

Leh anăn mơ̆ng klei Ñu bŏ dlai hŏng klei pap, jih jang drei mă tŭ, leh klei pap anei lŏ thiăm klei pap mkăn.

Hră Y-Pôl Mơĭt kơ Phung Rôm 13:5

Snăn brei diih gưt kơ phung khua kiă kriê, amâo djŏ ôh knŏng čiăng dêč đuĕ kơ klei Aê Diê ngêñ, ƀiădah kyua ai tiê kpă msĕ mơh.

I Kôrantô 12:6

mâo lu bruă ngă mdê mdê, ƀiădah mâo knŏng sa Aê Diê brei klei dưi ngă jih hlăm jih jang.

I Kôrantô 15:28

Tơdah jih jang mnơ̆ng mŭt Ñu leh, hlăk anăn Anak Gơ̆ pô mơh srăng mŭt Pô bi mŭt kơ Ñu jih jang mnơ̆ng, čiăng kơ Aê Diê dưi jing jih kơ jih jang.

Êphêsô 2:16

leh anăn dưi bi grăng jih dua phung drei hŏng Aê Diê hlăm sa asei mlei kyua kyâo bi kal. Hŏng klei anăn Ñu bi luč hĕ klei bi roh.

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

Êphêsô 3:19

leh anăn dưi thâo kral klei Yêsu Krist khăp êgao hĭn kơ arăng dưi thâo săng, čiăng kơ diih dưi bŏ hŏng klei bŏ ênŭm Aê Diê.

Êphêsô 4:10

Pô trŭn leh jing Pô đĭ leh msĕ mơh ti dlông hĭn kơ jih jang adiê, čiăng kơ Ñu dưi bi bŏ jih jang mnơ̆ng.)

Êphêsô 4:12

čiăng mprăp phung doh jăk mâo klei dưi mă bruă kơ Aê Diê, čiăng đru asei mlei Krist hriê kơ prŏng,

Êphêsô 4:13

tơl jih jang drei truh kơ sa klei đăo msĕ, leh anăn kơ klei thâo kral Anak Aê Diê, kơ klei jing khue prŏng, truh kơ hnơ̆ng klei bŏ ênŭm Krist.

Êphêsô 4:4

Mâo sa asei mlei leh anăn sa Yang Mngăt Jăk, msĕ si Aê Diê iêô diih leh kơ sa klei čang hmăng.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

Kôlôs 2:19

Ñu amâo bi mguôp hŏng Krist jing Boh Kŏ ôh, mơ̆ng Boh Kŏ anăn jih asei mlei mâo klei hriê kơ prŏng leh anăn bi mguôp mbĭt hŏng anôk bi kkuh leh anăn aruăt kliăng, leh anăn hriê kơ prŏng tui si klei Aê Diê brei.

Kôlôs 3:11

Hlăm mnuih mrâo anei, amâo yap mdê ôh phung Grĕk amâodah phung Yuđa, mnuih tŭ klei khăt klĭt amâodah mnuih amâo tŭ klei khăt klĭt, mnuih dliê, mnuih Sit, mnuih hlŭn, mnuih êngiê, ƀiădah Krist jing jih hlăm jih jang.

Kôlôs 3:15

Brei klei êđăp ênang Krist kiă kriê hlăm ai tiê diih. Kơ klei anăn Aê Diê iêô leh diih hlăm sa asei mlei. Leh anăn brei diih thâo hdơr knga.