Êphêsô 1:21 - Klei Aê Diê Blŭ 2015

²¹ ti dlông hĭn kơ jih jang phung khua kiă kriê, phung mâo klei dưi, phung mâo klei myang, phung khua prŏng, leh anăn ti dlông hĭn jih jang anăn arăng dưi hưn, amâo djŏ knŏng ênuk anei ôh, ƀiădah msĕ mơh wăt hlăm ênuk srăng truh.

Êphêsô 1:21 Iomraidhean Croise

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Mathiơ 12:32

Leh anăn hlei pô blŭ bi kdơ̆ng hŏng Anak Mnuih dưi mâo klei pap brei; ƀiădah hlei pô blŭ bi kdơ̆ng hŏng Yang Mngăt Jăk, amâo dưi mâo klei pap brei ñu ôh, thâodah hlăm ênuk anei amâodah hlăm ênuk êdei srăng truh.”

Bruă Phung Khua Ƀĭng Kna 4:12

Amâo mâo klei bi mtlaih hlăm pô mkăn ôh, kyuadah ti gŭ adiê amâo mâo ôh anăn mkăn arăng brei leh kơ mnuih čiăng kơ hŏng ñu yơh drei dưi mâo klei bi mtlaih.”

Êphêsô 2:2

hlăm klei diih dôk dơ̆ng ƀơ̆ng huă mphŭn dô, tui hlue klei mưng lăn ala anei, tui hlue khua mâo klei dưi hlăm êngĭt, yang anăn dôk mă bruă ară anei hin hlăm phung amâo thâo gưt asăp ôh.

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

Êphêsô 6:12

Kyuadah drei amâo bi kdơ̆ng hŏng kđeh leh anăn êrah ôh, ƀiădah hŏng phung khua kiă kriê, hŏng phung mâo klei dưi, hŏng phung khua mtao lăn ala ênuk mmăt anei, hŏng phung yang jhat ƀai dôk hlăm jih adiê.

Kôlôs 2:10

Leh anăn diih mâo leh klei bŏ ênŭm hlăm Ñu. Ñu jing khua kơ jih jang phung khua kiă kriê leh anăn phung mâo klei dưi.

Kôlôs 2:15

Ti kyâo bi kal anăn Ñu dưi hŏng phung khua kiă kriê leh anăn phung mâo klei dưi, leh anăn bi êdah bi hêñ brei jih jang mnuih ƀuh phung anăn.

Hêbrơ 1:4

Aê Diê brei Gơ̆ jing prŏng hĭn kơ phung dĭng buăl jăk, msĕ si anăn Gơ̆ mâo leh jing prŏng hĭn kơ anăn phung dĭng buăl jăk.

Hêbrơ 2:5

Amâo djŏ kơ phung dĭng buăl jăk ôh Aê Diê bi mŭt leh lăn ala srăng truh, kơ lăn ala anăn hmei dôk blŭ ară anei.

Hêbrơ 4:14

Snăn kyuadah drei mâo leh sa čô khua ngă yang prŏng hĭn găn leh jih adiê, Yêsu, Anak Aê Diê, brei drei djă pioh kjăp klei đăo drei hưn.

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.