Êphêsô 1:14 - Klei Aê Diê Blŭ 2015

¹⁴ Yang Mngăt Jăk anăn jing mnơ̆ng ƀuăn rơ̆ng kơ klei drei dưn ngăn, tơl drei mă tŭ ngăn dưn anăn, pioh bi mni kơ klei guh kơang Ñu.

Êphêsô 1:14 Iomraidhean Croise

Klei Mmuñ Hđăp 74:2

Brei Ih hdơr kơ phung ƀuôn sang Ih ruah mơ̆ng mphŭn dô, phung Ih bi tui leh čiăng mjing găp djuê ngăn dưn Ih; brei Ih hdơr kơ čư̆ Siôn, anôk Ih dôk leh.

Klei Mmuñ Hđăp 78:54

Ñu atăt digơ̆ kơ anôk doh jăk Ñu, truh ti čư̆ kngan hnuă Ñu mă leh.

Y-Luk 21:28

Tơdah klei anăn dơ̆ng truh, kgŭ bĕ kngưr boh kŏ diih, kyuadah klei bi tui diih giăm truh leh.”

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

Bruă Phung Khua Ƀĭng Kna 20:32

Ară anei kâo jao diih kơ Aê Diê leh anăn kơ klei Ñu blŭ pap, klei blŭ anăn dưi brei diih hriê kơ prŏng leh anăn brei diih dưn ngăn mbĭt hŏng jih jang phung Aê Diê bi doh jăk leh.

Hră Y-Pôl Mơĭt kơ Phung Rôm 8:23

Leh anăn amâo djŏ ôh knŏng hjăn mnơ̆ng hrih leh, ƀiădah wăt drei pô mơh, phung mâo leh boh êlâo hĭn mơ̆ng Yang Mngăt Jăk, ur krao hlăm ai tiê êjai dôk guôn klei Aê Diê brei jing phung anak Ñu, čiăng lač klei bi tui kơ asei mlei drei.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

II Kôrantô 5:5

Aê Diê jing Pô mkra kơ drei klei anăn, Pô brei leh Mngăt Myang kơ drei jing mnơ̆ng ƀuăn.

Galati 4:6

Leh anăn kyuadah diih jing phung anak, Aê Diê tiŏ hriê leh Yang Mngăt Jăk Anak Ñu mŭt dôk hlăm ai tiê drei, lač, “Aba, Ama!”

Êphêsô 1:11

Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Êphêsô 1:12

phung hmei čang hmăng leh êlâo hlăm Krist, Aê Diê čuăn ruah leh brei dôk hdĭp pioh bi mni kơ klei guh kơang Ñu.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.