Êphêsô 1:13 - Klei Aê Diê Blŭ 2015

¹³ Hlăm Krist diih msĕ mơh, tơdah hmư̆ leh klei blŭ klei sĭt nik, jing klei mrâo mrang jăk kơ klei bi mtlaih diih, đăo leh kơ Ñu, leh anăn Aê Diê kđăm leh diih hŏng Yang Mngăt Jăk Ñu ƀuăn leh.

Êphêsô 1:13 Iomraidhean Croise

Klei Mmuñ Hđăp 119:43

Đăm mă hĕ klei blŭ sĭt nik mơ̆ng ƀăng êgei kâo ôh, kyuadah kâo čang hmăng leh kơ klei Ih mtă.

Y-Yôel 2:28

“Êdei tinăn Kâo srăng tuh Mngăt Myang Kâo ti jih jang kđeh; phung anak êkei leh anăn phung anak mniê diih srăng hưn êlâo, phung êkei mduôn diih srăng êpei, leh anăn phung êkei hlăk ai diih srăng mâo lu klei bi ƀuh.

Y-Luk 11:13

Tơdah diih jing phung jhat thâo brei mnơ̆ng jăk kơ phung anak diih, kdlưn hĭn kơ anăn mơh Ama hlăm adiê srăng brei Yang Mngăt Jăk kơ hlei pô akâo kơ Ñu.”

Y-Luk 24:49

Leh anăn nĕ anei, Kâo srăng tiŏ hriê kơ diih Pô Ama Kâo ƀuăn leh; ƀiădah brei diih dôk hlăm ƀuôn Yêrusalem tơl klei myang mơ̆ng dlông trŭn kơ diih.”

Y-Yôhan 1:17

Kyuadah Aê Diê brei leh klei bhiăn hŏng Y-Môis; ƀiădah klei pap leh anăn klei sĭt nik mâo hŏng Yêsu Krist.

Y-Yôhan 14:26

Ƀiădah Pô Đru, jing Yang Mngăt Jăk, Pô Ama srăng tiŏ hriê hlăm anăn Kâo, Ñu srăng mtô jih jang klei kơ diih, leh anăn Ñu srăng brei diih hdơr jih jang klei Kâo lač leh kơ diih.

Y-Yôhan 15:26

Tơdah Pô Đru truh, Pô Kâo srăng tiŏ hriê kơ diih mơ̆ng Ama, jing Mngăt Myang klei sĭt nik, Pô kbiă hriê mơ̆ng Ama, Ñu yơh srăng hưn bi sĭt kơ Kâo.

Y-Yôhan 3:33

Hlei pô tŭ klei Ñu hưn, bi sĭt kơ Aê Diê jing sĭt.

Y-Yôhan 6:27

Đăm mă bruă ôh kơ mnơ̆ng ƀơ̆ng huă thâo rai, ƀiădah kơ mnơ̆ng ƀơ̆ng huă ăt dôk tơl truh kơ klei hdĭp hlŏng lar. Mnơ̆ng ƀơ̆ng huă anăn Anak Mnuih srăng brei kơ diih; kyuadah Ñu yơh Aê Diê Ama kđăm bi sĭt Gơ̆ tŭ Ñu leh.”

Bruă Phung Khua Ƀĭng Kna 1:4

Êjai Ñu dôk mbĭt hŏng digơ̆, Ñu mtă kơ digơ̆ đăm kbiă mơ̆ng ƀuôn Yêrusalem ôh, ƀiădah dôk guôn tơl truh klei Ama ƀuăn leh. Ñu lač, “Klei anăn Kâo hưn leh kơ diih mơh,

Bruă Phung Khua Ƀĭng Kna 13:26

Ơ phung ayŏng adei, phung anak čô găp djuê Y-Abraham, leh anăn Ơ diih phung tue huĭ mpŭ kơ Aê Diê, kơ drei yơh Aê Diê hưn leh klei bi mtlaih anei.

Bruă Phung Khua Ƀĭng Kna 2:33

Snăn leh mâo klei mpŭ tĭng hnuă kơ Aê Diê, leh anăn mă tŭ leh mơ̆ng Ama klei ƀuăn brei Yang Mngăt Jăk, Yêsu tuh brei leh klei diih ƀuh leh anăn hmư̆ ară anei.

Hră Y-Pôl Mơĭt kơ Phung Rôm 1:16

Sĭt nik kâo amâo hêñ ôh kơ klei mrâo mrang jăk, kyuadah ñu jing klei myang Aê Diê pioh bi mtlaih grăp čô hlei pô đăo, phung Yuđa êlâo hĭn, leh anăn wăt phung Grĕk mơh.

Hră Y-Pôl Mơĭt kơ Phung Rôm 4:11

Ñu tŭ leh klei khăt klĭt jing klei bi knăl amâodah mnơ̆ng kđăm klei kpă ênô ñu mâo leh hŏng klei đăo êjai ñu ka khăt klĭt ôh. Klei anăn čiăng mjing ñu ama kơ jih jang hlei pô đăo amâo mâo khăt klĭt ôh, leh anăn msĕ snăn digơ̆ mă tŭ leh klei Aê Diê yap kpă.

Hră Y-Pôl Mơĭt kơ Phung Rôm 6:17

Ƀiădah bi mni kơ Aê Diê, kyuadah tơdah hlăk êlâo diih jing leh hlŭn kơ klei soh, hŏng jih ai tiê diih dơ̆ng gưt leh kơ mta klei mtô diih jao leh diih pô.

II Kôrantô 1:22

Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

II Kôrantô 6:7

hŏng klei blŭ klei sĭt leh anăn hŏng klei myang Aê Diê, djă mnơ̆ng bi blah kpă ti kngan hnuă leh anăn kngan điâo,

Galati 3:14

čiăng kơ klei jăk jĭn Aê Diê ƀuăn leh kơ Y-Abraham dưi truh kơ phung tue hlăm Krist Yêsu, snăn drei dưi mă tŭ hŏng klei đăo klei Aê Diê ƀuăn leh jing Yang Mngăt Jăk.

Êphêsô 4:21

Kâo mĭn diih hmư̆ leh klei Ñu leh anăn hriăm leh hlăm Ñu, tui si klei sĭt nik dôk hlăm Yêsu.

Êphêsô 4:30

Đăm bi ênguôt Yang Mngăt Jăk Aê Diê ôh, Ñu yơh kđăm leh diih pioh kơ hruê bi tui.

I Têsalônik 2:13

Msĕ mơh hmei bi mni kơ Aê Diê nanao kyua klei anei: tơdah diih mă tŭ leh klei Aê Diê blŭ hmei mtô kơ diih, diih tŭ leh klei blŭ anăn amâo djŏ msĕ si klei mnuih blŭ ôh, ƀiădah tui si gơ̆ jing sĭt nik klei Aê Diê blŭ, dôk mă bruă hlăm ai tiê diih phung đăo leh.

II Y-Timôthê 2:15

Mă bruă bĕ hŏng jih ai tiê čiăng jing mnuih Aê Diê tŭ, sa čô mă bruă amâo mâo klei hêñ ôh, thâo mtô bi djŏ klei blŭ sĭt nik Aê Diê.

II Y-Timôthê 2:19

Ƀiădah atur Aê Diê ăt dôk kjăp, mâo klei kđăm anei: “Khua Yang thâo kral hlei phung jing dŏ Ñu,” leh anăn “Brei grăp čô hlei pô iêô anăn Khua Yang, đuĕ kbưi mơ̆ng klei soh.”

II Y-Timôthê 3:15

leh anăn si ih thâo leh mơ̆ng hlăk hđeh klei čih doh jăk dưi bi hriăm ih kơ klei bi mtlaih hŏng klei đăo hlăm Krist Yêsu.

Y-Tit 2:11

Kyuadah klei Aê Diê pap ba brei klei bi mtlaih bi êdah leh kơ jih jang mnuih.

Hêbrơ 2:3

si drei srăng dưi tlaih tơdah drei amâo uêñ ôh kơ klei bi mtlaih prŏng snăn? Tal êlâo Khua Yang hưn klei bi mtlaih anăn, leh anăn phung hmư̆ leh Ñu hưn bi sĭt kơ hmei,

Y-Yakơ 1:18

Tui si klei Ñu pô čiăng, Ñu lŏ bi kkiêng leh kơ drei hŏng klei Ñu blŭ sĭt nik, čiăng kơ drei jing boh hlâo hlang hlăm mnơ̆ng Ñu hrih.

Y-Yakơ 1:21

Kyuanăn lui hĕ jih klei čhŏ mrŏ leh anăn jih klei măk ƀai, leh anăn brei diih mă tŭ hŏng ai tiê êdu êun klei blŭ pla leh hlăm diih. Klei blŭ anăn dưi bi mtlaih mngăt diih.

I Y-Pêtrôs 2:10

Mphŭn dô diih amâo jing sa phung ƀuôn sang ôh, ƀiădah ară anei diih jing leh phung ƀuôn sang Aê Diê. Mphŭn dô diih amâo tuôm mă tŭ ôh klei Aê Diê pap, ƀiădah ară anei diih mă tŭ leh klei pap anăn.

Klei Bi Êdah 7:2

Leh anăn kâo ƀuh sa čô dĭng buăl jăk mkăn đĭ mơ̆ng anôk yang hruê ƀlĕ, djă mnơ̆ng kđăm mơ̆ng Aê Diê hdĭp. Ñu iêô hŏng asăp kraih kơ pă čô dĭng buăl jăk arăng brei leh klei dưi ngă jhat kơ lăn ala leh anăn kơ êa ksĭ.