Êphêsô 1:12 - Klei Aê Diê Blŭ 2015

¹² phung hmei čang hmăng leh êlâo hlăm Krist, Aê Diê čuăn ruah leh brei dôk hdĭp pioh bi mni kơ klei guh kơang Ñu.

Êphêsô 1:12 Iomraidhean Croise

Klei Mmuñ Hđăp 2:12

Čŭm Anak huĭdah Ñu ăl, leh anăn diih rai luč hlăm êlan diih, kyuadah klei Ñu ngêñ srăng djăl đĭ. Jăk mơak yơh jih jang phung kđap hlăm Ñu.

Y-Êsai 11:10

Hlăm hruê anăn agha Y-Yêsê srăng dôk tinăn msĕ si čhiăm gru kơ jih jang phung ƀuôn sang; phung găp djuê mnuih srăng duah Ñu, leh anăn anôk Ñu dôk mdei srăng mâo klei guh kơang.

Y-Êsai 12:2

Nĕ anei, Aê Diê jing Pô bi mtlaih kâo, kâo srăng knang leh anăn amâo huĭ ôh. Yêhôwa Aê Diê jing klei ktang kâo leh anăn klei mmuñ kâo, leh anăn Ñu jing leh klei bi mtlaih kâo.”

Y-Êsai 45:23

Kâo kat asei leh hŏng Kâo pô, klei blŭ kbiă leh mơ̆ng ƀăng êgei Kâo hŏng klei sĭt, leh anăn amâo srăng bi mlih ôh: ‘Jih jang srăng čuôn kơŭt ti anăp Kâo, leh anăn jih jang êlah srăng kat asei kơ Kâo.’

Y-Êsai 45:25

Ƀiădah hlăm Yêhôwa jih jang anak čô Israel srăng mâo klei yap kpă ênô leh anăn mâo klei guh kơang.

Y-Yêrêmi 23:6

Hlăm ênuk Gơ̆ phung Yuđa srăng mâo klei bi mtlaih, leh anăn phung Israel srăng dôk hlăm klei hơĭt. Anei anăn arăng srăng pia kơ Ñu: ‘Yêhôwa Klei Kpă Ênô Drei.’ ”

Y-Yôhan 14:1

“Đăm brei ai tiê diih rŭng răng ôh; đăo bĕ kơ Aê Diê, leh anăn đăo kơ Kâo msĕ mơh.

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:21

brei Ñu mâo klei guh kơang hlăm Phung Sang Aê Diê leh anăn hlăm Krist Yêsu hlăm jih jang ênuk, nanao hlŏng lar. Amen.

II Têsalônik 2:13

Ƀiădah Ơ phung ayŏng adei Khua Yang khăp, hmei čiăng bi mni kơ Aê Diê nanao kyua diih, kyuadah Aê Diê ruah leh diih mơ̆ng mphŭn pioh kơ klei bi mtlaih hŏng klei Yang Mngăt Jăk bi doh jăk leh anăn hŏng klei đăo kơ klei sĭt nik.

II Y-Timôthê 1:12

Kyua klei anăn yơh kâo tŭ klei knap anei; ƀiădah kâo amâo hêñ ôh, kyuadah kâo thâo kral hlei pô kâo đăo leh, leh anăn kâo thâo sĭt kơ Ñu mâo klei myang dưi kiă kriê tơl truh hruê anăn klei Ñu jao leh kơ kâo.

Y-Yakơ 1:18

Tui si klei Ñu pô čiăng, Ñu lŏ bi kkiêng leh kơ drei hŏng klei Ñu blŭ sĭt nik, čiăng kơ drei jing boh hlâo hlang hlăm mnơ̆ng Ñu hrih.

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.