Êphêsô 1:11 - Klei Aê Diê Blŭ 2015

¹¹ Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Êphêsô 1:11 Iomraidhean Croise

Y-Yôp 12:13

Klei knhâo leh anăn klei ktang jing dŏ Aê Diê; klei thâo bi kčĕ leh anăn klei thâo săng jing dŏ Ñu mơh.

Y-Yôp 33:29

Nĕ anei, Aê Diê ngă jih klei anăn, lu blư̆ hŏng sa čô mnuih,

Klei Mmuñ Hđăp 37:18

Yêhôwa thâo hruê phung kpă, leh anăn ngăn dưn diñu srăng dôk nanao.

Klei Bi Hriêng 8:14

Klei kčĕ leh anăn klei knhâo jing dŏ kâo, kâo mâo klei thâo mĭn leh anăn klei ktang.

Y-Êsai 25:1

Ơ Yêhôwa, Ih jing Aê Diê kâo; kâo srăng mpŭ mni kơ Ih, kâo srăng bi mni kơ anăn Ih, kyuadah Ih ngă leh klei yuôm bhăn, hdră Ih mkra leh mơ̆ng ênuk đưm hŏng klei sĭt suôr leh anăn sĭt klă.

Y-Êsai 28:29

Klei anăn msĕ mơh kbiă mơ̆ng Yêhôwa kơ phung kahan, Ñu jing Pô kčĕ yuôm bhăn, leh anăn Pô thâo mĭn snăk.

Y-Êsai 5:19

phung lač, “Brei Yêhôwa ruăt ngă, brei Ñu bi jêč bruă Ñu, čiăng kơ drei dưi ƀuh. Brei klei Pô Doh Jăk Israel čiăng srăng truh, čiăng kơ drei dưi thâo klei anăn.”

Y-Yêrêmi 23:18

Ƀiădah hlei pô hlăm phung diñu tuôm thâo săng leh klei Yêhôwa kčĕ, čiăng ksiêm leh anăn hmư̆ klei Ñu blŭ? Amâodah hlei tuôm mđing leh anăn dôk hmư̆ klei Ñu blŭ?

Y-Yêrêmi 32:19

mâo klei thâo mĭn prŏng leh anăn myang dưi ngă jih; Pô dôk dlăng kơ jih jang êlan mnuih, brei klei mưn kơ grăp čô mnuih tui si êlan ñu leh anăn tui si boh mơ̆ng klei ñu ngă;

Y-Sakari 6:13

Ñu yơh srăng mdơ̆ng sang yang Yêhôwa, Ñu srăng mâo klei arăng mpŭ, leh anăn srăng dôk gŭ leh anăn kiă kriê ti dlông jhưng mtao Ñu. Snăn Ñu srăng jing khua ngă yang ti jhưng mtao Ñu; leh anăn srăng mâo klei bi mguôp êđăp ênang hdơ̆ng dua mta bruă anăn.’

Bruă Phung Khua Ƀĭng Kna 13:48

Tơdah phung tue hmư̆ klei anăn, diñu hơ̆k kdơ̆k leh anăn mpŭ mni kơ klei Khua Yang blŭ. Leh anăn dŭm čô Aê Diê čuăn leh kơ klei hdĭp hlŏng lar đăo.

Bruă Phung Khua Ƀĭng Kna 2:23

Yêsu anei, Pô Aê Diê jao leh tui si hdră Aê Diê čuăn leh anăn thâo êlâo, diih yua kngan phung soh pơ̆ng bi mdjiê leh ti kyâo bi kal.

Bruă Phung Khua Ƀĭng Kna 20:27

Kyuadah kâo amâo hngah ôh hưn kơ diih jih klei Aê Diê čuăn.

Bruă Phung Khua Ƀĭng Kna 20:32

Ară anei kâo jao diih kơ Aê Diê leh anăn kơ klei Ñu blŭ pap, klei blŭ anăn dưi brei diih hriê kơ prŏng leh anăn brei diih dưn ngăn mbĭt hŏng jih jang phung Aê Diê bi doh jăk leh.

Bruă Phung Khua Ƀĭng Kna 26:18

čiăng mblang ală diñu, brei diñu đuĕ mơ̆ng klei mmăt wir phă kơ klei mngač, leh anăn mơ̆ng klei myang Satan wir phă klei myang Aê Diê, čiăng kơ diñu dưi mă tŭ klei pap brei kơ klei soh leh anăn dưn ngăn mbĭt hŏng phung jing doh jăk leh hŏng klei đăo kơ Kâo.’ ”

Bruă Phung Khua Ƀĭng Kna 4:28

čiăng bi sĭt jih jang klei kngan Ih leh anăn hdră Ih čuăn leh mơ̆ng êlâo.

Hră Y-Pôl Mơĭt kơ Phung Rôm 11:34

“Kyuadah hlei thâo klei mĭn Khua Yang, hlei jing pô kčĕ kơ Ñu?”

Hră Y-Pôl Mơĭt kơ Phung Rôm 8:17

Leh anăn tơdah drei jing phung anak, drei jing mơh phung dưn ngăn, phung dưn ngăn Aê Diê, leh anăn phung dưn ngăn mbĭt hŏng Krist, sĭt nik tơdah drei tŭ klei knap mñai mbĭt hŏng Ñu, drei srăng dưi mâo klei guh kơang mbĭt hŏng Ñu msĕ mơh.

Hră Y-Pôl Mơĭt kơ Phung Rôm 8:28

Snăn, drei thâo Aê Diê mjing jih jang klei jing jăk kơ phung khăp kơ Aê Diê, čiăng lač phung Aê Diê iêô leh tui si klei Ñu čuăn.

Hră Y-Pôl Mơĭt kơ Phung Rôm 8:29

Kyuadah phung Ñu thâo kral leh mơ̆ng êlâo, Ñu čuăn leh mơh brei digơ̆ jing msĕ si rup Anak Ñu, čiăng kơ Anak Ñu jing ayŏng khua kơ lu phung ayŏng adei.

Hră Y-Pôl Mơĭt kơ Phung Rôm 8:30

Leh anăn phung Ñu čuăn leh, Ñu iêô leh mơh; leh anăn phung Ñu iêô leh, Ñu yap kpă leh mơh; leh anăn phung Ñu yap kpă leh, Ñu brei leh klei guh kơang kơ digơ̆ mơh.

Hră Y-Pôl Mơĭt kơ Phung Rôm 9:11

wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

Galati 3:18

Kyuadah tơdah klei dưn ngăn truh hŏng klei bhiăn, klei dưn ngăn amâo lŏ truh hŏng klei ƀuăn ôh. Ƀiădah Aê Diê brei klei dưn ngăn kơ Y-Abraham hŏng klei ƀuăn.

Êphêsô 1:14

Yang Mngăt Jăk anăn jing mnơ̆ng ƀuăn rơ̆ng kơ klei drei dưn ngăn, tơl drei mă tŭ ngăn dưn anăn, pioh bi mni kơ klei guh kơang Ñu.

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 1:5

Kyua klei Ñu khăp, Ñu čuăn leh kơ drei mơ̆ng êlâo, brei jing phung anak Ñu hlăm Yêsu Krist, tui si klei mơak leh anăn čiăng jăk,

Êphêsô 1:8

Ñu tuh leh êbeh dlai kơ drei hlăm jih klei thâo mĭn leh anăn klei thâo săng.

Êphêsô 1:9

Aê Diê brei drei thâo leh klei yuôm hgăm hlăm klei Ñu čiăng, tui si klei Ñu mơak čuăn leh êlâo hlăm Krist,

Êphêsô 3:11

Hdră anăn tui si klei Ñu čuăn mơ̆ng ênuk hlŏng lar, Ñu bi sĭt leh hlăm Krist Yêsu Yang drei.

Klei Mtô Mñă Klei Bhiăn 4:20

Ƀiădah Yêhôwa mă diih leh, leh anăn atăt diih kbiă mơ̆ng kpur pui msei, mơ̆ng čar Êjip, brei jing sa phung ƀuôn sang jing dŏ Ñu pô, msĕ si diih jing hruê anei.

Kôlôs 1:12

êjai bi mni kơ Ama, Pô brei kơ drei klei năng dưi dưn ngăn mbĭt hŏng phung doh jăk hlăm ƀuôn ala mtao klei mngač.

Kôlôs 3:24

Kyuadah diih thâo leh diih srăng mă tŭ ngăn dưn mơ̆ng Khua Yang jing klei mưn kơ diih. Diih mă bruă kơ Krist Khua Yang yơh.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Y-Tit 3:7

čiăng kơ drei dưi mâo klei yap kpă hŏng klei Ñu pap, leh anăn jing phung dưn ngăn hlăm klei čang hmăng kơ klei hdĭp hlŏng lar.

Hêbrơ 6:17

Snăn msĕ mơh Aê Diê čiăng bi êdah hŏng klei klă hĭn kơ phung srăng dưn klei Ñu ƀuăn klei Ñu amâo bi mlih ôh klei Ñu čiăng ngă, Ñu bi sĭt hŏng klei Ñu kat asei.

Y-Yakơ 2:5

Hmư̆ bĕ, Ơ phung ayŏng adei kâo khăp. Amâo djŏ hĕ Aê Diê tuôm ruah leh phung ƀun ƀin hlăm lăn ala brei jing mdrŏng hlăm klei đăo, leh anăn jing phung dưn ƀuôn ala mtao Ñu ƀuăn leh kơ phung khăp kơ Ñu?

I Y-Pêtrôs 1:4

Leh anăn Ñu brei mơh kơ drei ngăn dưn amâo thâo rai, amâo thâo čhŏ, amâo thâo dliu ôh, pioh leh hlăm adiê kơ diih,

I Y-Pêtrôs 3:9

Đăm bi wĭt klei jhat kơ klei jhat arăng ngă ôh, kăn bi wĭt klei dlao wač kơ klei arăng dlao wač rei; ƀiădah lĕ hơêč hmưi bĕ klei jăk jĭn, kyua kơ klei anăn Aê Diê iêô diih leh, čiăng kơ diih dưi dưn klei jăk jĭn.