Êphêsô 1:1 - Klei Aê Diê Blŭ 2015

¹ Kâo gơ̆ Y-Pôl, sa čô khua ƀĭng kna Krist Yêsu, tui si klei Aê Diê čiăng, Čih mơĭt kơ phung doh jăk dôk ti Êphêsô, phung sĭt suôr hlăm Krist Yêsu.

Êphêsô 1:1 Iomraidhean Croise

Klei Yap 12:7

Amâo djŏ snăn ôh hŏng dĭng buăl Kâo Y-Môis; ñu sĭt suôr leh hlăm jih bruă sang Kâo.

Y-Luk 16:10

Hlei pô sĭt suôr hlăm bruă đơ điêt srăng jing sĭt suôr msĕ mơh hlăm bruă prŏng; leh anăn hlei pô jing wê hlăm bruă đơ điêt, srăng jing wê msĕ mơh hlăm bruă prŏng.

Bruă Phung Khua Ƀĭng Kna 16:15

Tơdah ñu tŭ klei ƀaptem leh mbĭt hŏng phung hlăm sang ñu, ñu akâo kơ hmei, lač, “Tơdah diih yap kâo jing sĭt suôr hŏng Khua Yang, mŭt dôk bĕ hlăm sang kâo.” Leh anăn ñu mtrŭt hmei tơl hmei mŭt.

Bruă Phung Khua Ƀĭng Kna 18:19

Diñu truh ti ƀuôn Êphêsô. Y-Pôl lui H'Prisil leh anăn Y-Akilas tinăn; ƀiădah ñu pô mŭt hlăm sang bi kƀĭn leh anăn yăl dliê hŏng phung Yuđa.

Bruă Phung Khua Ƀĭng Kna 18:21

êjai ñu lui digơ̆, ñu lač, “Kâo srăng lŏ hriê kơ diih tơdah Aê Diê čiăng.” Leh anăn ñu đĭ kŭmpăn đuĕ mơ̆ng ƀuôn Êphêsô.

Bruă Phung Khua Ƀĭng Kna 9:13

Ƀiădah Y-Ananias lŏ wĭt lač, “Ơ Khua Yang, kâo hmư̆ leh lu mnuih hưn djŏ kơ êkei anei lu klei jhat ñu ngă leh kơ phung doh jăk Ih ti ƀuôn Yêrusalem;

Hră Y-Pôl Mơĭt kơ Phung Rôm 1:1

Kâo gơ̆ Y-Pôl, jing sa čô dĭng buăl Yêsu Krist Aê Diê iêô brei jing khua ƀĭng kna, leh anăn čuăn pioh kơ bruă hưn klei mrâo mrang jăk Aê Diê.

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

I Kôrantô 4:12

hmei mă bruă hŏng kngan hmei pô. Tơdah arăng dlao wač, hmei hmưi klei jăk; tơdah arăng ngă jhat, hmei gĭr tŭ;

I Kôrantô 4:17

Kyuanăn kâo tiŏ nao Y-Timôthê kơ diih. Ñu jing anak kâo khăp leh anăn sĭt suôr hlăm Khua Yang. Kâo čiăng kơ ñu bi hdơr kơ diih si klei kâo dôk dơ̆ng ƀơ̆ng huă hlăm Krist, tui si kâo bi hriăm klei anăn tar ƀar hlăm grăp Phung Sang Aê Diê.

II Kôrantô 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei, Čih mơĭt kơ Phung Sang Aê Diê ti ƀuôn Kôrantô, mbĭt hŏng jih jang phung doh jăk dôk tar ƀar čar Akai.

Galati 1:1

Kâo gơ̆ Y-Pôl, sa čô khua ƀĭng kna amâo djŏ mơ̆ng phung mnuih amâodah mơ̆ng sa čô mnuih brei jing, ƀiădah tui si Yêsu Krist leh anăn Aê Diê Ama mjing, Pô bi kbiă lŏ hdĭp Yêsu leh mơ̆ng phung djiê,

Galati 3:26

Kyuadah jih jang diih jing anak Aê Diê hŏng klei đăo kơ Krist Yêsu.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Galati 3:9

Snăn hlei pô đăo mâo klei jăk jĭn mbĭt hŏng Y-Abraham, pô mâo leh klei đăo.

Êphêsô 1:15

Kyuanăn leh kâo hmư̆ kơ klei diih đăo kơ Khua Yang Yêsu Krist, leh anăn kơ klei diih khăp kơ jih jang phung doh jăk,

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Êphêsô 2:13

Mphŭn dô diih dôk kbưi, ƀiădah ară anei hlăm Krist Yêsu diih dôk giăm leh kyua hŏng êrah Krist.

Êphêsô 2:6

Ñu bi kbiă lŏ hdĭp drei leh mbĭt hŏng Krist Yêsu, leh anăn Ñu brei drei dôk gŭ mbĭt hŏng Gơ̆ ti jih anôk hlăm adiê,

Êphêsô 6:21

Čiăng kơ diih msĕ mơh dưi thâo si kâo jing leh anăn ya kâo ăt dôk ngă, Y-Tisik, ayŏng adei drei khăp, sa čô dĭng buăl sĭt suôr kơ Khua Yang, srăng brei diih thâo jih.

Kôlôs 1:2

Čih mơĭt kơ phung ayŏng adei doh jăk leh anăn sĭt suôr hlăm Krist ti ƀuôn Kôlôs. Akâo kơ Aê Diê Ama drei brei kơ diih klei pap leh anăn klei êđăp ênang.

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 2:10

Đăm huĭ ôh kơ klei knap mñai ih srăng tŭ. Nĕ anei yang jhat srăng hwiê hlăm war mnă đa đa hlăm phung diih; čiăng lông dlăng diih; leh anăn êjai pluh hruê diih srăng mâo klei knap mñai. Brei ih dôk sĭt suôr tơl djiê, leh anăn Kâo srăng brei kơ ih đuôn mtao klei hdĭp.

Klei Bi Êdah 2:13

‘Kâo thâo ti anôk ih dôk, tinăn mâo jhưng mtao Satan. Ih djă pioh kjăp anăn Kâo, leh anăn ih amâo hngah ôh klei đăo kơ Kâo wăt hlăm hruê Y-Antipas, pô hưn sĭt suôr kơ Kâo, pô arăng bi mdjiê leh ti krah diih, anôk Satan dôk.