Bruă Lêwi 9:10 - Klei Aê Diê Blŭ 2015

¹⁰ Ƀiădah ñu čuh ti dlông knưl prăi, dua asăr boh ƀleh, leh anăn djao ti tiê mơ̆ng mnơ̆ng myơr kyua klei soh, tui si Yêhôwa mtă leh kơ Y-Môis.

Bruă Lêwi 9:10 Iomraidhean Croise

Klei Mmuñ Hđăp 51:17

Mnơ̆ng ngă yang bi mơak kơ Aê Diê jing ai mĭn mčah; Ơ Aê Diê, Ih amâo bi êmut ôh kơ ai tiê mčah leh anăn kmhal kơ klei soh.

Klei Kbiă 29:13

Brei ih mă jih prăi guôm prôč tiê, anôk hgăl prŏng hlăm tiê, dua asăr boh ƀleh leh anăn prăi guôm digơ̆, leh anăn čuh ti dlông knưl.

Klei Bi Hriêng 23:26

Ơ anak êkei kâo, jao bĕ ai tiê ih kơ kâo, leh anăn brei ală ih djă pioh êlan kâo.

Y-Êsai 53:10

Ƀiădah jing klei bi mơak kơ Yêhôwa bi brăm mčah Gơ̆; Ñu bi ruă Gơ̆ tơdah Ñu brei mngăt Gơ̆ jing mnơ̆ng myơr kyua klei soh; Gơ̆ srăng ƀuh phung anak čô Gơ̆, leh anăn hruê Gơ̆ dôk hdĭp srăng jing sui, leh anăn klei Yêhôwa čiăng srăng đĭ kyar hlăm kngan Gơ̆.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Bruă Lêwi 9:11

Bi kđeh leh anăn klĭt ñu čuh hlăm pui ti êngao wăl.

Bruă Lêwi 9:9

Phung anak êkei Y-Arôn brei êrah kơ ñu, ñu đrŭt kđiêng ñu hlăm êrah leh anăn mia ti ki knưl, leh anăn tuh êrah ti jơ̆ng knưl.