Bruă Lêwi 8:9 - Klei Aê Diê Blŭ 2015

⁹ Ñu mđua kưn ti boh kŏ gơ̆, leh anăn ti anăp kưn ñu dưm pŏk mdhă điêt mah, jing đuôn mtao doh jăk, tui si Yêhôwa mtă leh kơ Y-Môis.

Bruă Lêwi 8:9 Iomraidhean Croise

Klei Kbiă 28:4

Nĕ anei čhiăm ao diñu srăng ngă: sa blah mnal đah da, sa blah ao êphôt, sa blah ao jhung, sa blah ao kpal đêč, sa boh mu, leh anăn sa klei hdrăng kơiêng. Diñu srăng ngă čhiăm ao doh jăk kơ Y-Arôn ayŏng ih leh anăn kơ phung anak êkei ñu, čiăng kơ diñu mă bruă Kâo jing phung khua ngă yang.

Klei Kbiă 29:6

Brei ih mđua mu ti boh kŏ ñu, leh anăn dưm đuôn mtao doh jăk ti dlông mu.

Klei Kbiă 40:16

Snăn Y-Môis ngă tui si jih klei Yêhôwa mtă leh kơ ñu.

Bruă Lêwi 8:21

Tơdah leh arăng rao prôč êhŭng leh anăn jơ̆ng hŏng êa, Y-Môis čuh jih biăp knô anăn ti knưl, jing mnơ̆ng myơr čuh, mnâo ƀâo mngưi, mnơ̆ng myơr brei pui ƀơ̆ng kơ Yêhôwa, tui si Yêhôwa mtă leh kơ Y-Môis.

Bruă Lêwi 8:36

Y-Arôn leh anăn phung anak êkei ñu ngă jih jang klei Yêhôwa yua Y-Môis mtă.

Y-Sakari 3:5

Kâo lač, “Brei arăng mđua sa blah čhiăm păn doh ti boh kŏ ñu.” Snăn arăng mđua sa blah čhiăm păn doh ti boh kŏ ñu leh anăn bi hơô ñu hŏng čhiăm ao, êjai dĭng buăl jăk Yêhôwa dôk dơ̆ng giăm.