Bruă Lêwi 8:8 - Klei Aê Diê Blŭ 2015

⁸ Ñu dưm mnal đah da ti gơ̆, leh anăn ti mnal đah da ñu dưm Urim leh anăn Thumim.

Bruă Lêwi 8:8 Iomraidhean Croise

Y-Êsra 2:63

Khua kiă kriê čar hưn kơ diñu kơ diñu amâo dưi ƀơ̆ng mnơ̆ng doh jăk hĭn ôh tơl mâo sa čô khua ngă yang êmuh kơ Urim leh anăn Thumim.

Y-Nêhêmi 7:65

Khua kiă kriê lač kơ diñu, diñu amâo dưi ƀơ̆ng ôh mnơ̆ng ƀơ̆ng huă doh jăk hĭn tơl mâo sa čô khua ngă yang mâo Urim leh anăn Thumim kgŭ dơ̆ng hưn klei Aê Diê čiăng.

Klei Kbiă 29:1

“Brei ih ngă snei čiăng pioh brei Y-Arôn leh anăn phung anak êkei ñu, čiăng kơ diñu dưi mă bruă phung khua ngă yang kơ Kâo. Mă bĕ sa drei êmô knô dam leh anăn dua drei biăp knô amâo mâo anôk jhat ôh,

Klei Mmuñ Siam Hĭn 8:6

Brei kâo jing msĕ si sa mnơ̆ng kđăm đuôm ti ai tiê ih, msĕ si sa mnơ̆ng kđăm ti păl ih; kyuadah klei khăp jing ktang msĕ si klei djiê, klei trih jing jhat ƀai msĕ si msat. Ñu trơ̆ng msĕ si pui, êlah pui hlơr hĭn.

Y-Êsai 59:17

Ñu hơô klei kpă ênô jing sa blah ao msei, leh anăn Ñu đua đuôn klei bi mtlaih; Ñu hơô klei rŭ ênua jing čhiăm ao, leh anăn Ñu guôm Ñu pô hŏng klei hur har jing sa blah ao kpal.

Klei Yap 27:21

Ñu srăng dôk dơ̆ng ti anăp khua ngă yang Y-Êlêasar, pô srăng êmuh kyua Y-Yôsuê kơ klei phat kđi Urim ti anăp Yêhôwa; tui si klei ñu blŭ diñu srăng kbiă, leh anăn tui si klei ñu blŭ diñu srăng mŭt, Y-Yôsuê wăt jih phung ƀuôn sang Israel mbĭt hŏng ñu, jih jang phung bi kƀĭn.”

Êphêsô 6:14

Snăn dôk kjăp bĕ, mă klei sĭt nik jing hdrăng kơiêng, hơô klei kpă ênô jing ao msei,

Klei Mtô Mñă Klei Bhiăn 33:8

Ñu lač klei djŏ kơ Lêwi: “Brei Thumim ih, leh anăn Urim Ih kơ pô doh jăk Ih, pô Ih lông dlăng leh ti Masa, pô Ih bi tăng leh ti êa Mêriba;

I Têsalônik 5:8

Ƀiădah kyuadah drei jing phung anak hruê, brei drei dôk êngal, hơô ao msei klei đăo leh anăn klei khăp, đua đuôn msei klei čang hmăng kơ klei bi mtlaih.

I Y-Samuel 2:28

Kâo ruah ñu leh mơ̆ng jih jang phung găp djuê Israel brei ñu jing khua ngă yang Kâo, đĭ kơ knưl Kâo, čuh mnơ̆ng ƀâo mngưi, hơô ao êphôt ti anăp Kâo; leh anăn Kâo brei leh kơ sang aê ih jih jang mnơ̆ng arăng myơr kơ Kâo brei pui ƀơ̆ng mơ̆ng phung ƀuôn sang Israel.

I Y-Samuel 28:6

Tơdah Y-Sôl êmuh kơ Yêhôwa, Yêhôwa amâo lŏ wĭt lač kơ ñu ôh, kăn hŏng klei êpei, hŏng Urim, amâodah hŏng phung khua pô hưn êlâo rei.