Bruă Lêwi 8:7 - Klei Aê Diê Blŭ 2015

⁷ Ñu bi hơô gơ̆ ao kpal, hyuă gơ̆ hŏng hdrăng kơiêng, bi hơô gơ̆ ao jhung, leh anăn bi hơô ao êphôt kơ gơ̆, hyuă hŏng hdrăng kơiêng êphôt mñam hŏng klei mbruă, čiăng bi đuôm ao êphôt kơ gơ̆.

Bruă Lêwi 8:7 Iomraidhean Croise

Klei Kbiă 28:2

Brei ih ngă kơ Y-Arôn ayŏng ih čhiăm ao doh jăk pioh kơ klei guh kơang leh anăn klei siam.

Klei Kbiă 28:4

Nĕ anei čhiăm ao diñu srăng ngă: sa blah mnal đah da, sa blah ao êphôt, sa blah ao jhung, sa blah ao kpal đêč, sa boh mu, leh anăn sa klei hdrăng kơiêng. Diñu srăng ngă čhiăm ao doh jăk kơ Y-Arôn ayŏng ih leh anăn kơ phung anak êkei ñu, čiăng kơ diñu mă bruă Kâo jing phung khua ngă yang.

Klei Kbiă 28:6

Hŏng klei mbruă brei diñu ngă ao êphôt hŏng mah, čhiăm piơk, hrah jŭ, hrah huč, leh anăn kbuă điêt aruăt.

Klei Kbiă 29:5

Brei ih mă čhiăm ao leh anăn bi hơô Y-Arôn hŏng ao jhung, ao jhung êphôt, ao êphôt, mnal đah da, leh anăn brei ih hyuă ñu hŏng hdrăng kơiêng êphôt mñam hŏng klei mbruă.

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Êsêkiêl 42:14

Tơdah phung khua ngă yang mŭt hlăm anôk doh jăk, diñu amâo dưi kbiă mơ̆ng anăn mŭt hlăm wăl ti êngao ôh tơl diñu dưm tinăn čhiăm ao diñu hơô êjai mă bruă, kyuadah čhiăm ao anei jing doh jăk. Brei diñu hơô čhiăm ao mkăn êlâo kơ diñu nao giăm kơ anôk pioh kơ phung ƀuôn sang.”

Hră Y-Pôl Mơĭt kơ Phung Rôm 13:14

Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

Galati 3:27

Kyuadah dŭm čô hlăm phung diih tŭ leh klei ƀaptem hlăm Krist hơô leh Krist yơh.

I Y-Samuel 2:28

Kâo ruah ñu leh mơ̆ng jih jang phung găp djuê Israel brei ñu jing khua ngă yang Kâo, đĭ kơ knưl Kâo, čuh mnơ̆ng ƀâo mngưi, hơô ao êphôt ti anăp Kâo; leh anăn Kâo brei leh kơ sang aê ih jih jang mnơ̆ng arăng myơr kơ Kâo brei pui ƀơ̆ng mơ̆ng phung ƀuôn sang Israel.