Bruă Lêwi 8:13 - Klei Aê Diê Blŭ 2015

¹³ Y-Môis atăt phung anak êkei Y-Arôn, bi hơô digơ̆ hŏng ao jhung, hyuă brei hdrăng kơiêng kơ digơ̆, leh anăn mđua brei kưn kơ digơ̆ tui si Yêhôwa mtă leh kơ Y-Môis.

Bruă Lêwi 8:13 Iomraidhean Croise

Klei Mmuñ Hđăp 132:9

Brei phung khua ngă yang Ih hơô klei kpă ênô; leh anăn brei phung doh jăk Ih ur hơ̆k.

Klei Kbiă 40:13

Brei ih bi hơô Y-Arôn hŏng čhiăm ao doh jăk, leh anăn trôč êa ƀâo mngưi ti ñu pioh brei ñu, čiăng kơ ñu dưi mă bruă kơ Kâo jing khua ngă yang.

Klei Kbiă 40:16

Snăn Y-Môis ngă tui si jih klei Yêhôwa mtă leh kơ ñu.

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Êsai 61:6

Ƀiădah arăng srăng pia diih phung khua ngă yang Yêhôwa, arăng srăng pia diih phung dĭng buăl Aê Diê drei. Diih srăng ƀơ̆ng klei mdrŏng phung găp djuê mnuih, leh anăn diih srăng bi mni kơ diih pô hŏng klei mdrŏng diñu.

Y-Êsêkiêl 42:14

Tơdah phung khua ngă yang mŭt hlăm anôk doh jăk, diñu amâo dưi kbiă mơ̆ng anăn mŭt hlăm wăl ti êngao ôh tơl diñu dưm tinăn čhiăm ao diñu hơô êjai mă bruă, kyuadah čhiăm ao anei jing doh jăk. Brei diñu hơô čhiăm ao mkăn êlâo kơ diñu nao giăm kơ anôk pioh kơ phung ƀuôn sang.”

Bruă Lêwi 10:5

Snăn diñu hriê giăm leh anăn mă mđuĕ digơ̆ đŭng hŏng ao digơ̆ kơ êngao wăl, tui si Y-Môis mtă leh.

Bruă Lêwi 8:21

Tơdah leh arăng rao prôč êhŭng leh anăn jơ̆ng hŏng êa, Y-Môis čuh jih biăp knô anăn ti knưl, jing mnơ̆ng myơr čuh, mnâo ƀâo mngưi, mnơ̆ng myơr brei pui ƀơ̆ng kơ Yêhôwa, tui si Yêhôwa mtă leh kơ Y-Môis.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

Klei Bi Êdah 1:6

leh anăn mjing drei sa boh ƀuôn ala mtao, phung khua ngă yang kơ Aê Diê, Ama Ñu, kơ Ñu yơh brei klei guh kơang leh anăn klei dưi kiă kriê nanao hlŏng lar. Amen.

Klei Bi Êdah 5:10

Ih mjing digơ̆ leh sa boh ƀuôn ala mtao leh anăn phung khua ngă yang kơ Aê Diê drei, leh anăn diñu srăng kiă kriê ti lăn ala.”