Bruă Lêwi 7:34 - Klei Aê Diê Blŭ 2015

³⁴ Kyuadah kdrêč đah da arăng hdai leh anăn mra arăng myơr leh, Kâo mă mơ̆ng phung ƀuôn sang Israel mơ̆ng mnơ̆ng ngă yang diñu myơr kơ klei êđăp ênang, leh anăn Kâo brei digơ̆ kơ khua ngă yang Y-Arôn leh anăn phung anak êkei ñu, anăn jing sa klei bhiăn dôk nanao phung anak Israel srăng tui hlue.

Bruă Lêwi 7:34 Iomraidhean Croise

Klei Kbiă 29:26

Brei ih mă đah da biăp knô kơ klei pioh brei Y-Arôn, leh anăn hdai gơ̆ jing mnơ̆ng myơr hdai ti anăp Yêhôwa. Dŏ anăn srăng jing kdrêč kơ ih.

Klei Kbiă 29:9

Brei ih hyuă hdrăng kơiêng kơ diñu leh anăn mđua đuôn kơ diñu. Bruă phung khua ngă yang srăng jing bruă diñu hŏng klei bhiăn dôk hlŏng lar. Msĕ snăn mơh ih srăng pioh brei Y-Arôn leh anăn phung anak êkei ñu.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”

Bruă Lêwi 7:33

Hlei pô hlăm phung anak êkei Y-Arôn myơr êrah leh anăn prăi mnơ̆ng myơr kơ klei êđăp ênang srăng mâo mra hnuă kơ ñu pô.

Klei Yap 5:9

Jih jang mnơ̆ng myơr, jih jang mnơ̆ng doh jăk mơ̆ng phung ƀuôn sang Israel, mnơ̆ng diñu ba kơ khua ngă yang srăng jing dŏ gơ̆;

Klei Yap 6:20

Khua ngă yang srăng hdai dŏ anăn jing mnơ̆ng myơr hdai ti anăp Yêhôwa; dŏ anăn jing kdrêč doh jăk pioh kơ khua ngă yang, mbĭt hŏng đah da hdai leh, leh anăn pha myơr leh. Leh klei anăn mnuih Nasirit dưi mnăm kpiê.

Klei Yap 8:11

leh anăn Y-Arôn srăng myơr phung Lêwi ti anăp Yêhôwa jing mnơ̆ng myơr hdai mơ̆ng phung ƀuôn sang Israel, čiăng kơ diñu dưi mă bruă kơ Yêhôwa.

Klei Mtô Mñă Klei Bhiăn 18:3

Anei srăng jing mnơ̆ng mơ̆ng phung ƀuôn sang pioh kơ phung khua ngă yang mơ̆ng phung myơr mnơ̆ng ngă yang thâodah sa drei êmô knô amâodah sa drei biăp: diñu srăng brei kơ khua ngă yang mra, dua nah miêng, leh anăn êhŭng.