Bruă Lêwi 7:26 - Klei Aê Diê Blŭ 2015

²⁶ Wăt đăm diih ƀơ̆ng êrah ôh, thâodah êrah čĭm čap amâodah êrah hlô mnơ̆ng hlăm ya anôk diih dôk.

Bruă Lêwi 7:26 Iomraidhean Croise

Klei Mphŭn Dơ̆ng 9:4

Knŏng đăm diih ƀơ̆ng ôh kđeh adôk klei hdĭp, čiăng lač êrah ñu.

Klei Kbiă 22:30

Brei ih ngă msĕ mơh hŏng êmô leh anăn biăp ih. Gơ̆ srăng dôk kjuh hruê hŏng ana gơ̆, hruê sa păn ih srăng brei gơ̆ kơ Kâo.

Y-Êsêkiêl 33:25

Kyuanăn lač bĕ kơ diñu, ‘Snei klei Yêhôwa Aê Diê lač: “Diih ƀơ̆ng kđeh čĭm mbĭt hŏng êrah, leh anăn diih kngưr ală diih kơ rup yang diih, leh anăn tuh êrah; snăn diih srăng mă bha mơ̆ čar anei?

Bruă Lêwi 19:26

Đăm ƀơ̆ng kđeh mbĭt hŏng êrah ôh. Đăm ksiêm mnơ̆ng čiăng hưn êlâo amâodah ngă klei mdian ôh.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”

Bruă Lêwi 7:25

Kyuadah grăp čô ƀơ̆ng prăi hlô mnơ̆ng arăng myơr brei pui ƀơ̆ng kơ Yêhôwa, brei arăng khăt hĕ ñu mơ̆ng phung ƀuôn sang ñu.

Bruă Lêwi 7:27

Hlei pô srăng ƀơ̆ng êrah, pô anăn brei arăng khăt hĕ mơ̆ng phung ƀuôn sang ñu.”

Y-Yôhan 6:53

Snăn Yêsu lač kơ digơ̆, “Kâo lač kơ diih klei sĭt nik, tơdah diih amâo ƀơ̆ng kđeh Anak Mnuih leh anăn mnăm êrah Ñu, diih amâo mâo klei hdĭp hlăm diih ôh.

Bruă Phung Khua Ƀĭng Kna 15:20

Ƀiădah brei drei čih hră mtă kơ diñu brei kăm klei čhŏ mrŏ kkuh rup yang, klei tlĕ piu, ƀơ̆ng hlô mnơ̆ng djiê kmăp, leh anăn ƀơ̆ng êrah.

Bruă Phung Khua Ƀĭng Kna 15:29

brei diih kăm ƀơ̆ng mnơ̆ng myơr leh kơ rup yang, êrah, hlô mnơ̆ng djiê kmăp, leh anăn klei tlĕ piu. Tơdah kăm jih klei anăn, jing jăk yơh kơ diih. Dôk bĕ bi jăk.”

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Klei Mtô Mñă Klei Bhiăn 12:16

Ƀiădah diih amâo dưi ƀơ̆ng êrah ôh; brei diih tuh hĕ gơ̆ ti lăn msĕ si êa.

Klei Mtô Mñă Klei Bhiăn 12:23

Knŏng răng bĕ, đăm ƀơ̆ng êrah ôh, kyuadah êrah jing klei hdĭp, leh anăn ih amâo dưi ƀơ̆ng ôh klei hdĭp mbĭt hŏng kđeh.

Klei Mtô Mñă Klei Bhiăn 15:23

Ƀiădah đăm ƀơ̆ng êrah gơ̆ ôh; brei diih tuh hĕ êrah gơ̆ ti lăn msĕ si êa.”

I Y-Timôthê 4:4

Kyuadah jih jang mnơ̆ng Aê Diê hrih leh jing jăk sơăi, leh anăn amâo mâo ôh mnơ̆ng brei arăng hngah tơdah ƀơ̆ng hŏng klei hdơr knga.