Bruă Lêwi 7:25 - Klei Aê Diê Blŭ 2015

²⁵ Kyuadah grăp čô ƀơ̆ng prăi hlô mnơ̆ng arăng myơr brei pui ƀơ̆ng kơ Yêhôwa, brei arăng khăt hĕ ñu mơ̆ng phung ƀuôn sang ñu.

Bruă Lêwi 7:25 Iomraidhean Croise

Klei Mphŭn Dơ̆ng 17:14

Grăp čô êkei amâo mâo klei khăt klĭt hlăm asei mlei ñu ôh arăng srăng bi luč hĕ ñu mơ̆ng phung ƀuôn sang ñu; ñu gao leh klei Kâo bi mguôp.”

Klei Kbiă 29:25

Leh anăn brei ih mă hĕ dŏ anăn mơ̆ng kngan diñu, leh anăn čuh dŏ anăn ti dlông knưl lŏ thiăm kơ mnơ̆ng myơr čuh, jing mnâo ƀâo mngưi ti anăp Yêhôwa. Ñu jing mnơ̆ng myơr hŏng pui kơ Yêhôwa.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”

Bruă Lêwi 7:20

ƀiădah pô ƀơ̆ng kđeh mnơ̆ng ngă yang myơr kơ klei êđăp ênang kơ Yêhôwa êjai mâo klei čhŏ mrŏ ti ñu, pô anăn brei arăng khăt hĕ mơ̆ng phung ƀuôn sang ñu.

Bruă Lêwi 7:21

Leh anăn tơdah arăng ruêh sa mnơ̆ng amâo doh, thâodah mnuih amâo doh, hlô amâo doh, amâodah sa mnơ̆ng mkăn Yêhôwa bi êmut amâo doh, leh anăn srăng ƀơ̆ng kđeh mnơ̆ng ngă yang myơr kơ klei êđăp ênang, pô anăn brei arăng khăt hĕ mơ̆ng phung ƀuôn sang ñu.”

Bruă Lêwi 7:24

Prăi sa drei hlô mnơ̆ng djiê kmăp, leh anăn prăi sa drei mnơ̆ng hlô dliê hiêk arăng dưi yua kơ bruă mkăn, ƀiădah diih amâo dưi ƀơ̆ng ôh hơăi.

Bruă Lêwi 7:26

Wăt đăm diih ƀơ̆ng êrah ôh, thâodah êrah čĭm čap amâodah êrah hlô mnơ̆ng hlăm ya anôk diih dôk.

Bruă Lêwi 7:27

Hlei pô srăng ƀơ̆ng êrah, pô anăn brei arăng khăt hĕ mơ̆ng phung ƀuôn sang ñu.”