Bruă Lêwi 7:21 - Klei Aê Diê Blŭ 2015

²¹ Leh anăn tơdah arăng ruêh sa mnơ̆ng amâo doh, thâodah mnuih amâo doh, hlô amâo doh, amâodah sa mnơ̆ng mkăn Yêhôwa bi êmut amâo doh, leh anăn srăng ƀơ̆ng kđeh mnơ̆ng ngă yang myơr kơ klei êđăp ênang, pô anăn brei arăng khăt hĕ mơ̆ng phung ƀuôn sang ñu.”

Bruă Lêwi 7:21 Iomraidhean Croise

Klei Mphŭn Dơ̆ng 17:14

Grăp čô êkei amâo mâo klei khăt klĭt hlăm asei mlei ñu ôh arăng srăng bi luč hĕ ñu mơ̆ng phung ƀuôn sang ñu; ñu gao leh klei Kâo bi mguôp.”

Klei Kbiă 12:15

Êjai kjuh hruê brei diih ƀơ̆ng kpŭng amâo mâo kpei. Ti hruê tal sa brei diih mă mđuĕ hĕ kpei mơ̆ng sang diih, kyuadah hlei pô ƀơ̆ng kpŭng buk mơ̆ng hruê tal sa truh kơ hruê tal kjuh, brei arăng bi mdjiê hĕ pô anăn mơ̆ng phung Israel.

Klei Kbiă 12:19

Êjai kjuh hruê đăm brei mâo kpei ôh hlăm sang diih; kyuadah hlei pô ƀơ̆ng kpŭng buk, pô anăn brei arăng bi mdjiê hĕ mơ̆ng phung Israel bi kƀĭn, thâodah mnuih anăn dôk jưh bhiâo amâodah mnuih arăng kkiêng hlăm čar.

Y-Êsêkiêl 33:25

Kyuanăn lač bĕ kơ diñu, ‘Snei klei Yêhôwa Aê Diê lač: “Diih ƀơ̆ng kđeh čĭm mbĭt hŏng êrah, leh anăn diih kngưr ală diih kơ rup yang diih, leh anăn tuh êrah; snăn diih srăng mă bha mơ̆ čar anei?

Y-Êsêkiêl 4:14

Kâo lač, “Ơ Yêhôwa Aê Diê! Nĕ anei, kâo amâo tuôm bi čhŏ kâo pô ôh; dơ̆ng mơ̆ng kâo hlăk ai tơl truh kơ ară anei, kâo amâo tuôm ƀơ̆ng mnơ̆ng djiê kmăp amâodah mnơ̆ng hlô dliê hiêk ôh, kăn mâo mnơ̆ng čhŏ mŭt leh hlăm ƀăng êgei kâo rei.”

Bruă Lêwi 11:20

Jih jang mnơ̆ng mâo siap êbat pă ƀĕ jơ̆ng jing mnơ̆ng diih bi êmut.

Bruă Lêwi 12:1

Yêhôwa lač kơ Y-Môis,

Bruă Lêwi 17:10

‘Tơdah sa čô êkei mơ̆ng sang Israel amâodah mơ̆ng phung tue dôk jưh bhiâo ti krah diñu ƀơ̆ng êrah, Kâo pô yơh srăng bi kdơ̆ng hŏng pô ƀơ̆ng êrah anăn, leh anăn Kâo srăng khăt hĕ ñu mơ̆ng krah phung ƀuôn sang ñu.

Bruă Lêwi 17:14

Kyuadah klei hdĭp jih jang mnơ̆ng jing êrah gơ̆ pô; kyuanăn Kâo lač leh kơ phung ƀuôn sang Iasrael, Đăm diih ƀơ̆ng êrah sa mta mnơ̆ng ôh, kyuadah klei hdĭp jih jang mnơ̆ng jing êrah gơ̆ pô. Hlei pô ƀơ̆ng êrah anăn brei arăng khăt hĕ ñu.

Bruă Lêwi 18:29

Kyuadah hlei phung srăng ngă sa mta hlăm klei Kâo bi êmut kheh anăn, arăng srăng khăt hĕ diñu mơ̆ng phung ƀuôn sang diñu.

Bruă Lêwi 19:8

Hlei čô ƀơ̆ng gơ̆ srăng klam klei wê ñu pô, kyuadah ñu bi čhŏ sa mnơ̆ng doh jăk Yêhôwa. Mnuih anăn arăng srăng khăt hĕ mơ̆ng phung ƀuôn sang ñu.

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 22:3

Lač bĕ kơ diñu, ‘Tơdah sa čô hlăm jih jang phung anak čô diih hlăm jih jang ênuk diih nao giăm kơ mnơ̆ng doh jăk phung ƀuôn sang Israel myơr kơ Yêhôwa êjai ñu mâo klei čhŏ, pô anăn brei arăng khăt hĕ mơ̆ng anăp Kâo. Kâo jing Yêhôwa.

Bruă Lêwi 22:4

Amâo mâo sa čô mơ̆ng găp djuê Y-Arôn djŏ phŭng amâodah mâo klei bi ƀlĕ dưi ƀơ̆ng mnơ̆ng doh jăk ôh tơl ñu jing doh. Hlei pô ruêh sa mnơ̆ng čhŏ kyua sô̆ hŏng mnuih djiê amâodah ƀlĕ êa ktăk,

Bruă Lêwi 23:29

Kyuadah hlei pô amâo kăm ƀơ̆ng huă ôh hruê anei brei arăng khăt hĕ mơ̆ng phung ƀuôn sang ñu.

Bruă Lêwi 7:20

ƀiădah pô ƀơ̆ng kđeh mnơ̆ng ngă yang myơr kơ klei êđăp ênang kơ Yêhôwa êjai mâo klei čhŏ mrŏ ti ñu, pô anăn brei arăng khăt hĕ mơ̆ng phung ƀuôn sang ñu.

Bruă Lêwi 7:22

Yêhôwa lač kơ Y-Môis,

Bruă Lêwi 7:25

Kyuadah grăp čô ƀơ̆ng prăi hlô mnơ̆ng arăng myơr brei pui ƀơ̆ng kơ Yêhôwa, brei arăng khăt hĕ ñu mơ̆ng phung ƀuôn sang ñu.

Bruă Lêwi 7:27

Hlei pô srăng ƀơ̆ng êrah, pô anăn brei arăng khăt hĕ mơ̆ng phung ƀuôn sang ñu.”

Klei Yap 19:22

Ya mnơ̆ng pô čhŏ ruêh leh srăng jing čhŏ; leh anăn hlei pô ruêh dŏ anăn srăng jing čhŏ tơl tlam.’ ”

Klei Mtô Mñă Klei Bhiăn 14:10

Leh anăn mnơ̆ng amâo mâo kwih leh anăn amâo mâo kkaih diih amâo dưi ƀơ̆ng ôh; diñu jing čhŏ kơ diih.

Klei Mtô Mñă Klei Bhiăn 14:3

“Đăm ƀơ̆ng ôh sa mta mnơ̆ng Yêhôwa bi êmut kheh.

I Y-Samuel 20:26

Y-Sôl amâo lač sa klei ôh hruê anăn; kyuadah ñu mĭn, “Mâo leh klei truh kơ ñu; ñu amâo doh ôh, sĭt nik ñu amâo doh ôh.”