Bruă Lêwi 7:2 - Klei Aê Diê Blŭ 2015

² Hlăm anôk arăng koh mnơ̆ng myơr čuh, arăng srăng koh mnơ̆ng myơr kyua klei gao klei bhiăn, leh anăn tuh êrah gơ̆ jŭm dar ti dlông knưl.

Bruă Lêwi 7:2 Iomraidhean Croise

Y-Êsai 52:15

msĕ snăn yơh Ñu srăng bi kngăr lu phung găp djuê mnuih; kyua Ñu phung mtao srăng kđhĭp ƀăng êgei digơ̆. Kyuadah digơ̆ srăng ƀuh klei arăng amâo tuôm yăl dliê kơ digơ̆ ôh, leh anăn digơ̆ srăng thâo săng klei digơ̆ amâo tuôm hmư̆ ôh.

Y-Êsêkiêl 36:25

Kâo srăng krih êa êngeh kơ diih, leh anăn diih srăng jing doh kơ jih jang klei čhŏ mrŏ diih, leh anăn mơ̆ng jih jang rup yang diih.

Y-Êsêkiêl 40:39

Hlăm adring ƀăng jang mâo dua boh jhưng tĭng dua nah djiêô, ti anôk anăn arăng bi mdjiê mnơ̆ng myơr čuh, mnơ̆ng myơr kyua klei soh, leh anăn mnơ̆ng myơr kyua klei gao klei bhiăn.

Bruă Lêwi 1:11

Brei ñu koh gơ̆ tĭng djiêô knưl tĭng Dưr ti anăp Yêhôwa, leh anăn phung khua ngă yang phung anak êkei Y-Arôn srăng hƀrah êrah jŭm dar ti dlông knưl.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 1:5

Ñu srăng koh êmô knô ti anăp Yêhôwa, leh anăn phung khua ngă yang phung anak êkei Y-Arôn srăng myơr êrah, leh anăn srăng tuh êrah anăn jŭm dar ti knưl ti ƀăng bhă sang čhiăm klei bi kƀĭn.

Bruă Lêwi 14:13

Ñu srăng koh êđai biăp hlăm anôk arăng koh mnơ̆ng myơr kyua klei soh leh anăn mnơ̆ng myơr čuh, hlăm anôk doh jăk; kyuadah mnơ̆ng myơr kyua klei gao klei bhiăn msĕ si mnơ̆ng myơr kyua klei soh pioh kơ khua ngă yang; mnơ̆ng anăn jing doh jăk hĭn.

Bruă Lêwi 3:2

Brei ñu bă kngan ñu ti dlông boh kŏ mnơ̆ng ñu myơr leh anăn koh gơ̆ ti ƀăng bhă sang čhiăm klei bi kƀĭn; leh anăn phung anak êkei Y-Arôn phung khua ngă yang srăng hƀrah êrah jŭm dar ti dlông knưl.

Bruă Lêwi 3:8

bă kngan ñu ti dlông boh kŏ mnơ̆ng ñu myơr, leh anăn koh gơ̆ ti anăp sang čhiăm klei bi kƀĭn. Phung anak êkei Y-Arôn srăng hƀrah êrah gơ̆ ti dlông knưl jŭm dar.

Bruă Lêwi 4:24

leh anăn bă kngan ñu ti dlông boh kŏ bê anăn, leh anăn koh gơ̆ ti anôk diñu koh mnơ̆ng myơr čuh ti anăp Yêhôwa. Gơ̆ jing sa mnơ̆ng myơr kyua klei soh.

Bruă Lêwi 4:29

Brei ñu bă kngan ñu ti dlông boh kŏ mnơ̆ng myơr kyua klei soh leh anăn koh mnơ̆ng myơr kyua klei soh hlăm anôk arăng myơr mnơ̆ng myơr čuh.

Bruă Lêwi 4:33

Brei ñu bă kngan ñu ti dlông boh kŏ mnơ̆ng myơr kyua klei soh, leh anăn koh gơ̆ jing mnơ̆ng myơr kyua klei soh hlăm anôk diñu koh mnơ̆ng myơr čuh.

Bruă Lêwi 5:16

Msĕ mơh brei gơ̆ lŏ bi wĭt kyua klei ngă amâo djŏ hŏng mnơ̆ng doh jăk, leh anăn srăng thiăm sa kdrêč hlăm êma, leh anăn brei kơ khua ngă yang. Leh anăn khua ngă yang srăng ngă klei bi doh klei soh gơ̆ hŏng biăp knô jing mnơ̆ng myơr kyua klei gao klei bhiăn, leh anăn gơ̆ srăng mâo klei pap brei.

Bruă Lêwi 5:7

Tơdah ñu amâo dưi mâo sa drei êđai biăp, snăn brei ñu djă ba dua drei mgăm amâodah dua drei êđai ktrâo jing mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei pioh kơ mnơ̆ng myơr kyua klei soh, leh anăn sa drei mkăn pioh kơ mnơ̆ng myơr čuh.

Bruă Lêwi 5:9

Leh anăn ñu srăng hƀrah đa đa êrah mnơ̆ng myơr kyua klei soh ti djiêô knưl, leh anăn êrah adôk ñu srăng tuh ti jơ̆ng knưl; gơ̆ jing mnơ̆ng myơr kyua klei soh.

Bruă Lêwi 6:25

“Lač bĕ kơ Y-Arôn leh anăn phung anak êkei ñu, Anei jing klei bhiăn kơ mnơ̆ng myơr kyua klei soh. Hlăm anôk arăng koh mnơ̆ng myơr čuh, arăng srăng koh mnơ̆ng myơr kyua klei soh ti anăp Yêhôwa; gơ̆ jing doh jăk hĭn.

Bruă Lêwi 6:7

Leh anăn khua ngă yang srăng ngă klei bi doh klei soh gơ̆ ti anăp Yêhôwa, leh anăn gơ̆ srăng mâo klei pap brei kơ ya klei arăng khăng ngă leh anăn jing soh.”

Klei Yap 6:12

leh anăn lŏ pioh brei ñu pô kơ Yêhôwa tui si dŭm hruê klei pioh brei ñu pô, leh anăn đoh ba sa drei êđai biăp knô mâo sa thŭn jing mnơ̆ng myơr kơ klei gao klei bhiăn; dŭm hruê ñu pioh brei ñu pô êlâo amâo yap ôh, kyuadah klei ñu pioh brei ñu anăn pô jing čhŏ leh.

Hêbrơ 11:28

Hŏng klei đăo ñu mkra klei ƀơ̆ng Knăm Klei Găn leh anăn klei hƀrah êrah, čiăng kơ Pô Bi Rai anak kkiêng tal êlâo amâo ngă ôh kơ phung Israel.

Hêbrơ 12:24

Diih nao leh kơ Yêsu jing Pô Ti Krah klei bi mguôp mrâo, leh anăn kơ êrah hƀrah leh blŭ jăk hĭn kơ êrah Y-Aƀel.

I Y-Pêtrôs 1:2

phung Aê Diê Ama ruah leh anăn čuăn leh, phung Yang Mngăt Jăk pioh brei leh kơ klei gưt asăp Yêsu Krist leh anăn kơ klei hƀrah hŏng êrah Ñu: Akâo kơ Aê Diê brei klei pap leh anăn klei êđăp ênang êbeh dlai kơ diih.