Bruă Lêwi 7:19 - Klei Aê Diê Blŭ 2015

¹⁹ Kđeh blĭng leh mnơ̆ng amâo doh arăng amâo dưi ƀơ̆ng ôh; brei arăng čuh gơ̆ hŏng pui. Jih jang hlei pô jing doh dưi ƀơ̆ng kđeh,

Bruă Lêwi 7:19 Iomraidhean Croise

Bruă Lêwi 6:27

Ya mnơ̆ng blĭng kđeh gơ̆ srăng jing doh jăk. Tơdah êrah gơ̆ kčaĭ djŏ ti čhiăm ao, brei ih boh čhiăm djŏ êrah hlăm sa bĭt anôk doh jăk.

Bruă Lêwi 7:18

Tơdah arăng ƀơ̆ng kđeh mnơ̆ng ngă yang myơr kơ klei êđăp ênang ti hruê tal tlâo, Yêhôwa amâo srăng tŭ ôh pô myơr gơ̆, mnơ̆ng anăn kăn Yêhôwa srăng yap yuôm rei kơ ñu; gơ̆ srăng jing mnơ̆ng Yêhôwa bi êmut, leh anăn pô ƀơ̆ng mnơ̆ng anăn srăng klam klei wê ñu.

Bruă Lêwi 7:20

ƀiădah pô ƀơ̆ng kđeh mnơ̆ng ngă yang myơr kơ klei êđăp ênang kơ Yêhôwa êjai mâo klei čhŏ mrŏ ti ñu, pô anăn brei arăng khăt hĕ mơ̆ng phung ƀuôn sang ñu.

Y-Luk 11:41

Ƀiădah brei diih myơr mnơ̆ng hlăm lam jing mnơ̆ng pap; snăn jih jang mnơ̆ng jing doh kơ diih.

Bruă Phung Khua Ƀĭng Kna 10:28

Y-Pêtrôs lač kơ digơ̆, “Diih pô thâo leh amâo bhiăn ôh sa čô Yuđa bi mguôp amâodah čhưn hŏng sa čô mnuih čar mkăn. Ƀiădah Aê Diê bi êdah leh kơ kâo đăm brei yap sa čô mnuih čhŏ amâodah amâo doh ôh.

Hră Y-Pôl Mơĭt kơ Phung Rôm 14:14

Hlăm Khua Yang Yêsu, kâo thâo, amâo mâo mnơ̆ng jing čhŏ hjăn gơ̆ pô ôh; ƀiădah hlei pô mĭn kơ mnơ̆ng anăn jing čhŏ, gơ̆ jing čhŏ kơ pô anăn.

Hră Y-Pôl Mơĭt kơ Phung Rôm 14:20

Đăm bi rai ôh bruă Aê Diê kyua mnơ̆ng ƀơ̆ng huă. Sĭt nik djăp mta mnơ̆ng doh sơăi, ƀiădah jing klei soh tơdah bi têč hnêč arăng kyua mnơ̆ng ñu ƀơ̆ng.

II Kôrantô 6:17

Kyuanăn kbiă bĕ diih mơ̆ng krah diñu, leh anăn bi ktlah bĕ mơ̆ng diñu, Khua Yang lač, leh anăn đăm ruêh ôh mnơ̆ng čhŏ, snăn Kâo srăng jum diih;

Y-Tit 1:15

Kơ phung doh jăk jih jang mnơ̆ng jing doh sơăi; ƀiădah kơ phung čhŏ leh anăn kơ phung amâo đăo ôh, amâo mâo sa mta mnơ̆ng jing doh ôh. Klei mĭn leh anăn ai tiê kpă diñu pô čhŏ jhat leh.