Bruă Lêwi 7:16 - Klei Aê Diê Blŭ 2015

¹⁶ Ƀiădah tơdah mnơ̆ng ngă yang ñu myơr jing sa mnơ̆ng myơr hŏng klei ƀuăn amâodah mnơ̆ng myơr hŏng klei čiăng, arăng srăng ƀơ̆ng ñu ti hruê arăng myơr mnơ̆ng ngă yang ñu, leh anăn ya mnơ̆ng adôk arăng dưi ƀơ̆ng hruê mgi.

Bruă Lêwi 7:16 Iomraidhean Croise

Klei Mmuñ Hđăp 116:14

Kâo srăng bi sĭt klei kâo ƀuăn kơ Yêhôwa, ti anăp jih jang phung ƀuôn sang Ñu.

Klei Mmuñ Hđăp 116:18

Kâo srăng bi sĭt klei kâo ƀuăn kơ Yêhôwa, ti anăp jih jang phung ƀuôn sang Ñu,

Klei Mmuñ Hđăp 66:13

Kâo srăng mŭt hlăm sang yang Ih ba mnơ̆ng myơr čuh; kâo srăng bi sĭt klei kâo ƀuăn leh kơ Ih,

Klei Kbiă 35:29

Jih jang êkei mniê phung ƀuôn sang Israel mâo ai tiê mtrŭt čiăng đru bruă Yêhôwa mtă kơ Y-Môis djă ba mnơ̆ng myơr kơ Yêhôwa tui si diñu čiăng.

Klei Bi Hriêng 7:14

“Kâo myơr leh mnơ̆ng myơr kơ klei êđăp ênang, leh anăn hruê anei kâo bi liê leh ênoh kâo ƀuăn.

Y-Êsêkiêl 46:12

Tơdah pô jing khua myơr mnơ̆ng myơr êngiê kơ Yêhôwa, thâodah mnơ̆ng myơr čuh amâodah mnơ̆ng myơr kơ klei êđăp ênang, arăng srăng pŏk kơ ñu ƀăng jang phă ngŏ; leh anăn ñu srăng myơr mnơ̆ng ñu myơr čuh amâodah mnơ̆ng ñu myơr kơ klei êđăp ênang msĕ si ñu ngă ti hruê sabat. Leh anăn kơh ñu srăng kbiă, tơdah leh ñu kbiă arăng srăng kđăl ƀăng jang.

Bruă Lêwi 22:23

Ih dưi ba jing sa mnơ̆ng myơr hŏng klei čŏng čiăng sa drei êmô amâodah sa drei êđai biăp mâo sa ƀĕ jơ̆ng dlông đei amâodah đŭt đei; ƀiădah Kâo amâo srăng tŭ gơ̆ jing mnơ̆ng myơr bi sĭt klei ƀuăn.

Bruă Lêwi 22:29

Tơdah diih ngă yang klei ngă yang bi mni kơ Yêhôwa, brei diih ngă yang anăn čiăng diih dưi mâo klei Kâo tŭ.

Bruă Lêwi 23:38

êbeh kơ hruê sabat Yêhôwa, êbeh kơ mnơ̆ng diih brei, êbeh kơ jih jang mnơ̆ng myơr bi sĭt klei ƀuăn, leh anăn êbeh kơ jih jang mnơ̆ng diih myơr hŏng klei čŏng čiăng, mnơ̆ng anăn diih brei kơ Yêhôwa.

Y-Nahum 1:15

Nĕ anei, ti dlông čư̆ jơ̆ng pô ba klei mrâo mrang jăk, pô hưn klei êđăp ênang! Djă pioh hruê knăm ih, Ơ Yuđa, bi sĭt bĕ klei ih ƀuăn, kyuadah pô ƀai amâo srăng lŏ tuôm hriê bi kdơ̆ng hŏng ih ôh, ñu rai tuč leh jih.

Klei Yap 15:3

leh anăn diih myơr kơ Yêhôwa êmô amâodah biăp sa mnơ̆ng myơr brei pui ƀơ̆ng amâodah sa mnơ̆ng myơr čuh amâodah sa mnơ̆ng ngă yang bi sĭt klei ƀuăn amâodah sa mnơ̆ng myơr hŏng klei čiăng amâodah hlăm hruê knăm diih bi kčah leh, čiăng mkra mnâo ƀâo mngưi kơ Yêhôwa,

Klei Mtô Mñă Klei Bhiăn 12:11

snăn ti anôk Yêhôwa Aê Diê diih srăng ruah brei anăn Ñu dôk, tinăn yơh diih srăng ba jih jang mnơ̆ng kâo mtă kơ diih: mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh diih leh anăn mnơ̆ng diih myơr, leh anăn jih jang mnơ̆ng myơr bi sĭt klei diih ƀuăn kơ Yêhôwa.

Klei Mtô Mñă Klei Bhiăn 12:17

Ih amâo dưi ƀơ̆ng ôh hlăm ƀuôn ih pô mnơ̆ng sa kdrêč hlăm pluh mơ̆ng mdiê ih, amâodah kpiê, amâodah êa prăi boh ôliwơ, amâodah êđai êmô tal êlâo amâodah êđai biăp tal êlâo ih, amâodah mnơ̆ng ih myơr bi sĭt klei ƀuăn, amâodah mnơ̆ng ih myơr hŏng ai tiê čŏng čiăng, amâodah mnơ̆ng ih myơr mkăn;

Klei Mtô Mñă Klei Bhiăn 12:26

Ƀiădah mnơ̆ng pioh brei ih myơr tui si klei mtă leh anăn mnơ̆ng ih myơr bi sĭt klei ƀuăn, ih srăng mă leh anăn nao kơ anôk Yêhôwa srăng ruah,

Klei Mtô Mñă Klei Bhiăn 12:6

leh anăn tinăn yơh diih srăng ba mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh, leh anăn mnơ̆ng diih myơr, mnơ̆ng diih myơr bi sĭt klei ƀuăn, mnơ̆ng diih myơr hŏng ai tiê čŏng čiăng, leh anăn êđai êmô leh anăn êđai biăp tal êlâo diih.